Isa. 8:16 - Yus Papí: Shuarja̱i̱ Yus Yamaram Chicham Najanamu

¹⁶ Tura, Uunt Yusru, akupkámu umiktin chicham winia unuiniamur ainia nuna enentáin nú áchitrakea núnis awajsam péṉker anujtúkam ikiusta.

Isa. 8:16 Iomraidhean Croise

YKan. 25:14

Uunt Yusan nekas ashamak tsanias pujana nuna Yus nekaska Ni enentáimta nuna nékamtikiattawai.

Isa. 50:4

Pimpikin ainia nu jintintiakur péṉker chichaktinniaka ii Uunt Yusri̱ surusuiti. Tuke káshik ishintiátui. Unuimiáru áiniana tímiatrus anturtukat tusa tuke káshik wíniaka ishintiátui.

Isa. 54:13

Tura ashí ame uchirmeka Uunt Yus jintintiámu ártatui tura ni aṉkant pujustinkia ti núkap átatui. Jṉ. 6:45

Isa. 8:20

Antsu “¡Yus akupkámu umiktin chichama nu anturkartai!” títin áiniawai. Tura núnis tuíniachkuṉka nú aentska tsawant tsawantracharma núnis ajasáru áiniawai.

Tan. 12:4

Warí, nekaatniusha tí nukap átatui tura untsurí aents nú nukap nekaatai tusar ju̱ní̱ wéar atuní̱ wéar ajartatui. Tuma asamtai Taniará amukatin tsawant jeamam ju̱ papisha nukukam peṉké urankashti tusam asakam péṉker ikiusta” turutmiai.

Tan. 9:24

Áme shuarumka tura Yus akantúkma péprurmesha sataintia tumiṉ iwiarturmaiti. Nuja̱i̱ ashí tunáa tura yajauch túrutai̱sha amukáttawai. Núnisaṉ ashí tunáa túramuja̱i̱ métek akinkiartatui. Túrunamtai aya nekasa nuja̱i̱ métek túratin átatui. Núnisaṉ ímiaja̱i̱k wainkiamusha tura ukunam túrunatin etserkamusha uminkiattawai. Nuya̱ṉka Ti Shiir Tesamusha asuitiji̱a̱i̱ ukatnáktatui.

Mat. 13:11

Tutai Jesus chichaak “Urukuk ju̱ nuṉkanam Yus akupin ati, nuka yaunchu nekanachmiayi. Tura yamaikia Yus ashí nuna atumín paant iniakturmawai. Antsu chíkich nuna nekaachmin áiniawai.

Mar. 10:10

Tura urum je̱á̱ waya̱war Jesusa unuiniamuri̱ nu chichaman ataksha aniasarmiayi.

Mar. 4:34

Chíkich shuaran aya métektaku chichamja̱i̱ ujaamiayi. Antsu ni unuiniamuri̱ji̱a̱i̱ Niṉki pujus ashí paant jintintrarmiayi.

1 Kur. 2:14

Yus shuarcha Yusa Wakaní̱niun ántatsui ántraiti tusa. Aya Yusa Wakaní̱ jintintiámniaitkiui Yus shuarcha nuna peṉké nekaachmin áiniawai.

Isr. 3:5

Wats Muisais Israer shuaran wáiniuk Yusa Je̱e̱n takastinia áintsaṉ péṉker takarniuyayi. Tura ni takaak ukunam Yus títiatna nuna etserkatniuyayi.

Apu. 10:4

Ni chichasarmatai ni chichamen áartiniujai tura nayaimpinmaya̱ chichartak “Aaraip, turutmiai. Ju̱ka nekanashti” turutmiai.

Apu. 19:10

Takui̱ nu Yusa suntari̱n shiir awajsataj tusan tikishmátramjai. Túramtai chichartak “Íimsakia áinkiaip. Wisha ámiji̱a̱i̱ métek tura yatsumja̱i̱ métek Jesusa nekas chichame̱n tuke umirin ainia núnisan Yusa yáintri̱ntjiai. Yusak shiir awajsatniuiti” turutmiai. Kame Jesus imiá nekas tiniua nuna ashí átatna nuna wakaní̱nti.

Apu. 2:17

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka maná yurumkan u̱kma nuna ayurattajai. Nuyá̱ kaya pújun susattajai. Nu kayanam yamaram naari̱ aarma átatui. Nunasha chíkich shuarka peṉké nékatsa̱i̱ṉ aya achía nuke nekaattawai.’ Tu aartá” turutmiai.

Apu. 5:1

Nuyá̱ akupin pujutai̱niam pujuma nuna untsuurí̱ni̱ papí pénuimiu takaku pujan wainkiamjai. Nu papisha initiaani̱sha tura pátatkesha áarmauyi. Tura urakchamnia atí tusa siati asaka péekmauyi.

Apu. 5:5

Nuyá̱ chikichik uunt turutmiai “Tí utip. Israer shuarnumia̱ úunt ya̱wa̱, Naṉ. 49:8-12 Jutá wea awai. Nisha úunt akupin Tawit wéaiti. Nupetmaku asa nu papí siati asakamun ja̱a̱k urakminiaiti.”