Isa. 8:10 - Yus Papí: Shuarja̱i̱ Yus Yamaram Chicham Najanamu

¹⁰ Warí Yus iiji̱a̱i̱ pujá asamtai chícham jútaka jusattarme túrasha uminkiashtatui. Tura átum chichasrumek túratai títiatrume túrasha peṉké turunashtatui” tímiayi.

Isa. 8:10 Iomraidhean Croise

Naṉ. 21:22

Tura chíkich tsawantai̱ akupin Awimirík Aprajámja̱i̱ chichastaj tusa wémiayi. Tura nui̱ wénamunam suntara uuntri̱ Jikiur atamprimiayi. Tura Awimirík Aprajáman chicharuk “Ashí ame túramna nui̱ Yus yáintmana nu nékaji.

2 Sam. 15:31

Tawitian ujak chicharainiak “Ajitupírsha ámin kajertamainia nui̱ Apsarúnai̱ páchitkiawai” tiármiayi. Tuíniakui Tawit chichaak “Maa Uunt Yusá waitneasam Ajitupíra chichame̱ṉka pachimprukta” tímiayi.

2 Sam. 17:23

Ajitupírka ni chichame̱n umirkacham umpururi̱n iwiar ekemak jiinkí̱ ni pépruri̱n je̱e̱ amia nui̱ waketkimiayi. Nui̱ je̱e̱n jeá írunun iwiarak ikiuak kaje̱mar jakamiayi. Túrunamtai ni aparí̱ ikiusmanumaṉ iwiarsarmiayi.

2 Sam. 17:4

Ajitupíra chichame̱ṉka Apsarún tura ashí Israer shuara uuntri̱ armia nu íismasha péṉkerauyi.

2 Akup. 6:12

Takui̱ chikichik takarniúri̱ chichaak “Maa, winia úuntur akupniu, chikichkisha atsawai antsu Yúsnan etserin Israernum pujana nú Iriséukete. Kame ame kanutairmin chichamna núnaka Israera úunt akupniuri̱n paant awajtawai” tu ái̱kmiayi.

Juup 5:12

tura aents netse túruta unuimiátra yajauch túrattsa enentáimtamuncha emestatsuk.

YKan. 21:12

Ame nemasrum yapiniam tukurtaj tusam tíshimkiuram iwiarattame. Túram úkumur ipisrartatme.

YKan. 46:1

Iin ayamprutmak ikiakátmajnia nuka Yúsaiti. Itiurchat pujakrincha wárik yáintmaji.

YKan. 46:11

Uunt Yus iiji̱a̱i̱ pujawai. Jakupa Yusri̱ ii ejamtairi̱nti. (Séraj)

YKan. 46:7

Antsu íiji̱a̱i̱ṉkia Ashí Akupin Uunt Yus Jakupa Yusri̱ya nú pujawai. Iiji̱a̱i̱ pujak ii ejamtairi̱nti. (Séraj)

YKan. 46:8

Pai yamaikia Uunt Yus wakeramuri̱ji̱a̱i̱ nuṉká túrana ju̱ nekaatarum

Neka. 21:30

Nekatai̱ji̱a̱i̱sha tura enentáimtai̱ji̱a̱i̱sha núnisaṉ chichamja̱i̱sha Uunt Yuska peṉké itiurkachminiaiti.

Isa. 14:27

Tuma asa Jiuwá Nayaimpinmaya̱ Suntara Uuntri̱ jú̱nis uminkiati tusa chichakuiti. ¿Nunasha yaki suritkiat. Ni uwejé̱n takuí pujá ¿nunasha yaki awaketkit?”

Isa. 28:18

Tura átum jákatniuja̱i̱ chícham najanamiarmena nuka peṉké ántar átatui. Núnisaṉ jaka matsamtai̱ji̱a̱i̱ chícham najanaitrumna nusha peṉké ántar ajastatui. Tura atumí wáitsatniuri̱ nújaṉ paṉkaki̱ winiana tímiatrus winiak atumniaka chanunmattarme.

Isa. 41:10

Sapijmiakaip. Warí Wi ámiji̱a̱i̱ pujajai. Ashamkaip. Warí Wikia ame Yúsrumetjai. Tuma asan tuke yáiṉtatjame núnisnak Winia kakarmarja̱i̱ ikiaká̱rtatjame. Tura winia náka túrutair untsuuruja̱i̱ péṉker apujsattajme’ tímiayi.

Isa. 43:5

Sapijmiakaip, warí Wi ámiji̱a̱i̱ṉkia pujajai. Kame amé shuarnaka nantu tatainmaya̱n ikiankartatjai antsu áminkia etsa̱ akatainmaya̱n itiattajme.

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Isa. 8:8

Tura ama̱a̱rak ukatak Jutanka kuntuje̱a̱ imiai amurtatui. Núnisaṉ nanape̱n ayapá̱r ame nuṉkemín enetkattawai, ¡Emanuérá! tíniuiti.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Jrm. 42:11

Kame Papirúnianmaya̱ úunt akupniuka ashamarmena nu ashamkairap. Wi atumí uwemtikrattsan atumji̱a̱i̱ pujajai túran ni uweje̱ya̱ aṉkant awajsattajrume’ tawai Uunt Yus.

Jrm. 46:28

Ámeka winia takartin Jakupá ashamkaip. Warí Wi ámiji̱a̱i̱ṉkia pujajai tawai Uunt Yus. Kame ashí uunt nuṉka mátsatkamunam tsakiṉmakuitjiamna nu nuṉkanmaya̱ṉka nekasan amukártatjai. Túrasha áminkia amukchattajme antsu nekasa nuja̱i̱ métek asutiáttajme. Tura asan tunamkachua núnisnaka peṉké asuttsuka iniaisashtatjame” tawai Uunt Yus.

Ukan. 3:37

¿Yaki wariṉkish naṉkaama nuna Yuska jú̱naka akupkachuiti tíminiait?

Juir 3:9

Tura ashí uunt nuṉka mátsatka kakaram aents ainia nu mesetan iwiarnatkar iruntrarti tama antuukati.

Aji. 1:13

Nuyá̱ Yúsnan etserin Ajíu Yus akupkámu asa ashí ni shuari̱n Uunt Yusa chichame̱ ujainiak “Wi Uunt Yus atumji̱a̱i̱ pujajai” tawai tu etserkamiayi.

Wek. 14:9

Tura Uunt Yus kajerkairap núnisaṉ nu nuṉkanmaya̱ aentssha ashamkairap. Paṉ yua awajkattaji nin ayamprúktinkia peṉké atsawai. Antsu iin yaintmaktinkia Uunt Yusaiti. Sapijmiakairap” tiármiayi.

Mat. 1:23

“Nuwa̱ natsa ajapruktatui tura áishmaṉchin takustatui. Nuna náari̱sha Emanuér anainiaktatui.” Tu áarmaiti. Emanuérsha nu chichamnum “Yus iiji̱a̱i̱ pujuwiti” tawai.Isa. 7:14

Mat. 28:20

Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

Rum. 8:13

Aya̱sh wakeramu umirniuitkiurmeka jakattarme. Antsu Yusa Wakaní̱ pujurtamkurmin aya̱sh wakeramu nupetkarmeka péṉker wekasarum nekas iwiaaku átatrume.

Rum. 8:31

Wats, nuikia Yus iin yáintmakrin ¿yaki iin nupettamkattajⁱ?

Muis. 20:1

Atumí nemasri̱ji̱a̱i̱ mániktaj tusa wéakrum atumji̱a̱i̱ṉkia naṉkaamas suntarsha kawaisha nuyá̱ kárusha ti untsurí wáinkiurmesha ashamkairap. Warí Uunt Yus atumí Yusri̱ Ejiptunmaya̱ ji̱i̱rmarmiarmena nú Yus atumji̱a̱i̱ṉkia pujawai.

Jus. 1:5

Tura ame iwiaaku pujuttamna nui̱ṉkia peṉké nupettamkachartatui. Wi Muisaisan pujurmiaj núnisnak amincha pujursattajme. Peṉké ikiukchattajme tura peṉkesha iniaisashtatjame.

1 Jṉ. 4:4

Uchiru, átumka Yusna asarum Yus atumí enentái̱n pujawai. Tura ju̱ nuṉkanmaya̱ shuara enentái̱n íwianch pujawai. Atumíin pujana nuka niji̱a̱i̱ naṉkaamas kakaram asamtai wáitrin ainia nu nupetkaitrume.