Isa. 8:1 - Yus Papí: Shuarja̱i̱ Yus Yamaram Chicham Najanamu

¹ Nuyá̱ Uunt Yus chichartak “Numi waṉkaram nakakmanum paant áujsamnia émamkesam MAJER-SHARAR-JÁSH-PAS aartá.

Isa. 8:1 Iomraidhean Croise

Isa. 8:16

Tura, Uunt Yusru, akupkámu umiktin chicham winia unuiniamur ainia nuna enentáin nú áchitrakea núnis awajsam péṉker anujtúkam ikiusta.

Isa. 8:3

Nuwa̱ Yúsnan etserin nua̱r ajasmai. Niji̱a̱i̱ tsaniṉkian ajaprumtikian uchin takumtiksamjai. Túramtai Uunt Yus chichartak “Majer-sharar-jásh-pas anaikiata” turutmiai.

Jrm. 30:2

“Uunt Yus Israera Yusri̱ jú̱nis chichaak ‘Wi ámin tájamna ju̱ka papinium ashí aartá’ tímiayi.

Jrm. 36:2

“Israernancha tura Jutanuncha tura ashí uunt nuṉka mátsatkamua núnancha Jusías pujumia nu tsawant ámiji̱a̱i̱ chichastinian naṉkamamiaj ímianiaṉ tura yamaiya̱ ímiaja̱i̱sha chichasuitjiame. Tuma asamtai papí pénuimiu achikta túram nui̱ ashí Wi ámin tímiajmena nu aartá.

Jrm. 36:28

“Papí pénuimiu achikta tura nú chichamak papinium emka áarmam nuna Jutanmaya̱ úunt akupin Juasim áesamia nuja̱i̱ métek ashí aartá.

Jrm. 36:32

Nuyá̱ Jirimías chíkich papí pénuimiun achik Neríasa uchirí̱ papí ain Parukan susamiayi. Tura Jutanmaya̱ úunt akupin Juasim papin jinium áesamia nuna Jirimías atak ashí áamtikramiayi. Tura nu arantcha chíkich chichamnasha untsurín íikiak nuja̱i̱ métekrak áarmiayi.

Apu. 13:18

Wats, wi tájana ju̱ nekaatniuka ti nekas enentáimtustiniaiti. Entsaya̱ Yajasma númiruri̱ áishmaṉka númiruri̱ asa saisiantu sasaintisáisaiti. Ashí ti neka ainia nú aents Entsaya̱ Yajasma númiruri̱n nekapmar nin nekaati.

Apu. 21:17

Nuyá̱ péṉkri̱ncha nekapmarmai. Suntar aents nekapmatai̱ji̱a̱i̱ nekapmaram sasaintikuátru mitru amai.