Isa. 7:9 - Yus Papí: Shuarja̱i̱ Yus Yamaram Chicham Najanamu

⁹ Nuja̱i̱ métek Eprainkia uunt pépruri̱ṉkia Samariaiti tura Samaria úuntri̱ṉkia Remaríasa uchirí̱nti. Tura átum nekas enentáimtachkurmeka ti nekas emetnarum pujuschattarme”’” Uunt Yus tíniuiti.

Isa. 7:9 Iomraidhean Croise

2 Akup. 15:27

Kame Jutanmaṉka úunt akupin Asarías seṉkuintitús uwí akupeamunam Israernumka Pikia úunt akupin ajas painti uwí pujusmiayi. Nisha chíkich túrawarmia núnisaṉ yajauchinkia túramiayi. Nuya̱ṉka Asirianmaya̱ úunt akupin Tikratpirisér Israeran kakarmaja̱i̱ utsantua Ijiunnumia̱ncha tura Apirpitmákanmaya̱ncha Januanumia̱ncha Káatishnumia̱ncha Karaatnumia̱ncha Ásurnumia̱ncha tura Kariréanmaya̱ncha núnisaraṉ Neptarí nuṉkanmaya̱ncha ashí achirar Asirianam yaruakarmiayi. Nuya̱ṉka Irá uchirí̱ Useas Píkianka mámiayi. Kame Jutanmaṉka Asarías uchirí̱ Jutam úunt akupin ajas painti uwí pujamunam nu túrunamiayi.

Isa. 28:1

Eprainniumia̱ shuar nampen ásar waantu enentáimtumamuja̱i̱ tawaspa etseṉkrakua ímiatrus enentáimtumak tura kuku̱j shíirmachitiat kaana núniniaitiat waantu enentáimtumainiana nuka núnisaṉ núkap takakainiak páantin enentáimtumainiana nusha tura winiú nampen ásar nékachu ajasáruka aneararti.

Isa. 5:24

Kame Ashí Akupin Uuntri̱ Uunt Yus akupkámun antukcharu ásarmatai tura Israernumia̱ Tunaarincha chichame̱ncha mui̱jmiai̱ awajsaru ásar chírichri áeskam kaṉkapé̱sha mamúatsuk tura chirunkasha ji keakui aya méṉkatsuk núnisaraṉ Israer shuarka túrunawartatui. Tuma asamtai Uunt Yuska Ni aentsri̱n tí kajerak asutiáwartatui. Naintcha muchitrartatui tura aents kaji̱ṉkiáruka jintiaṉka tsuata tímiatrus wáinkiartatui túrasha núja̱i̱sha Uunt Yuska peṉké tsaṉkurchattawai.

Isa. 7:10

Tura nu arant Uunt Yus Akaasnasha chicharuk

Isa. 7:4

chicharkum ‘Anearta túram ii awajtia. Resenka tura Sírianmaya̱ nuyá̱ Remaríasa uchirí̱ ni kajenamuri̱ jimiará ji mukuintia nu ashamakum kakarmachu ajasaip.

Isa. 8:4

“Warí úchikia chichatan juáruk ‘apá’ ‘nukuá’ tutan juártsa̱i̱ṉ Tamasku warirí̱n tura Samaria warirí̱ncha ata̱a̱rman akantrar Asiria úunt akupniuri̱i̱n yaruakartatui” turutmiai.

Jrm. 43:2

Usayása uchirí̱ Asarías nuyá̱ Karea uchirí̱ Jujanán tura ashí áishmaṉ naṉkamantu enentáimtuma armia nu Jirimíasan chicharainiak “¡Wáitrame! Íi Yusri̱ṉkia Uunt Yus ‘Ejiptunam tuke pujustin wérap’ tu titiá tusa akuptámkachuitme.

Mik. 1:5

Kame ashí nusha Jakup péṉker umikchamuja̱i̱ nuyá̱ Israer shuara yajauch túramuri̱ji̱a̱i̱ nuka túrunattawai. Tura Jakupa umikchamuri̱sha ¿tuit? Nuka Samariachukait. Tura Israer shuara tunaarí̱sha ¿tuit? Nuka Jerusaréṉnumchakait.

Tur. 27:11

Suntara úuntri̱ṉkia Páprunka anturtsuk kanú wianniuri̱n úuntri̱ncha tura uunt kanú úuntri̱ncha chichame̱n anturkarmiayi.

Tur. 27:25

Wisha winia Yúsrun nekas enentáimtajai. Yusa suntari̱ turutainia nuna nekas tu túrunattawai, tajai. Tuma asamtai kaka̱rtarum.

Rum. 11:20

Nekasaiti, túmaitiat nisha Yusan enentáimtuiniachu ásar tsupinkiarmiayi. Amesha aya Yus nekas enentáimta asam anujnakuitme. Tuma asamtai naṉkamantu enentáimtumatsuk aya anearta.

Isr. 11:6

Tura Yus nekas enentáimtachkumka ¿itiurak Ni shiir enentáimtiksatam? Nekas enentáimji̱a̱i̱ Yusan weantúktaj tusam wakerakmeka emka Yus iwiaakuiti tu enentáimpratniuitme. Nuya̱sha Wi Yusan imiá nekas e̱a̱kuiṉkia Yus winia yaintkiattawai, tu enentáimsatniuitme.

1 Jṉ. 5:10

Yusa Uchirí̱n enentáimtana nú shuar ni enentái̱ncha nékawai. Antsu Yus ni Uchirí̱n timian enentáimtatsna nú shuar Yusan enentáimtachu asa Yusan “wáitriniaiti” tawai.