Isa. 6:8 - Yus Papí: Shuarja̱i̱ Yus Yamaram Chicham Najanamu

⁸ Nuna túruta ai̱ Uunt Yus chicháa antimjiai “¿Yanak akupkataj tura yaki iiniu akupkatajⁱ?” takui̱ wi ayakun “Wi pujajai, winia akuptukta” tímiajai.

Isa. 6:8 Iomraidhean Croise

Naṉ. 1:26

Nuyá̱ Yus chichaak “Yamaikia Iiya jú̱nin métektaku aents najanatai. Tura aentska namaknasha nanamtinniasha taṉkuncha yajasmancha tura nuṉká japinias yujá ainia nunasha mash núpeteaku ártí” tímiayi.

Naṉ. 11:7

Tuma asamtai akaatúkir nuamtak chichainiaksha anturnaikiacharat tusar aentsu chichame̱ pachimprukartai” tímiayi.

Naṉ. 22:1

Nu naṉkaamasu ai̱ Yus Aprajáman nekapsataj tusa “Aprajámá” tutai Aprajám áimiuk “Jaá, ju̱i̱ pujajai” tímiayi.

Naṉ. 22:11

Yusa suntari̱ nayaimpinmaya̱ṉ Aprajáman untsúak “¡Aprajámá, Aprajámá!” tutai “Warinmea Uuntá” tímiayi.

Naṉ. 3:22

Nuyá̱ Uunt Yus chichaak “Iisiá jú̱ shuarka numí nere̱n yúawaru ásar Iiya áantiaku ajasárai. Warí péṉkernasha tura yajauchincha nekaawarai. Antsu yamaikia iwiaaku pujustin numí nere̱n yúawarka tuke iwiaaku pujusárainti” tímiayi.

2 Sam. 1:7

“Tura Saur ukunmaani̱ apajá̱s íimiaj tukamá winia waitiak untsurkamai. Tura untsurkui wisha werin ‘Ju̱i̱ pujajai’ tímiajai.

1 Akup. 22:20

Tura Uunt Yus chichaak ‘Karaatnumia̱ Ramutan mesetan najata Akaap iniarat tusa ¿ya útsuktata?’ tawai. Tutai chíkichkia niisháa tura chikitcha niisháa aimiainiawai.

Isa. 65:1

Uunt Yus chichaak “Kame Winia pachitiainiatsna nu e̱a̱tkarti tura e̱a̱tainiatsna nu wáitkiarti tusan iniaisarmajai. Nu nuṉkanmaya̱ aents Winia náarun pachisar untsurainiachunak chicharainiakun ‘¡Ju̱i̱ pujajai! ¡Ju̱i̱ pujajai!’ tiármajai.

Isk. 1:24

Nanamainiakuiṉkia ni nanape̱nka entsa ti nujaṉkrua téter ajana tura Ashí Tujintkiachu Yus chichana tura untsurí aents tétete ajainia núninian núnisaṉ untsurí suntar charaatum ajainia núninian antukmajai. Tura nanaaktinian iniaisarka nanape̱nka wijiuimtikiarmai.

Isk. 9:1

Nuya̱ṉka ti kakantar untsumuk “Pepru emeskatniutiram atumí emeskartutairi̱ takaku weankátarum” winia kuishrui̱ tímiayi. Tura sais áishmaṉ ni uwejé̱e̱n emeskartutai̱ ainia nuna takarainia araki̱a̱ wininian wainkiamiayi. Tura nui̱ páchitkia áishmaṉ riniu pushí entsaru aakma ainia nu takatai̱ṉ takaku winimiai. Tura Israernumia̱ Yusa winchari̱ kirupínnium yakini̱ amia nuka tukí̱ ni Yusa Je̱e̱ wá̱i̱ti̱a̱i̱ri̱ni̱ wémiayi. Túrunamtai áishmaṉ áakmatai̱n ni akachumtairi̱n takaruya nuna Yus chicharuk “Jerusaréṉ péprunam waya̱m naṉkamakum chíkich aents mui̱jmiainian túruiniakui aents wáitiainia nuka nijia̱i̱nium áakarta” tímiayi. Nuya̱ṉka chíkich sais áishmaṉ arma nuna akupáiniak chichareak “Aents áishmaṉ tura nuwa̱sha nuyá̱ natsa núnisaṉ uchisha nijia̱i̱nium áarchamu ainia nuka Yusa Je̱e̱n naṉkamarum ashí kajeṉtarum” tímiayi. Nuya̱ṉka Yusa Je̱e̱n naṉkamawar áishmaṉ úuntach ainia nuna kaje̱nak Yusa Je̱e̱nka mui̱jmiai̱ najankar jakaan áimkiarmayi. Nuya̱ṉka Yúsnan etserin Yusan chicharuk “¿Jerusaréṉ kajerka asutiakum Israer shuar ashí juaru ainia nusha amú amuk awajsattam?” tímiayi. Tutai Yus chichareak “Israeran tura Jutá shuara tunaari̱nkia tí nukapete tuma asamtai peṉké waitnentrachartatjai” tímiayi. Nuya̱ṉka áakmatain takaru nu áishmaṉ Yus túrutna núnaka ashí umíajai tusa etserkattsa waketki̱ tamai.

Tur. 20:24

Kame wikia jákashtajash. Túrasha warí winia itiurtawa. Wikia Yusa jinti̱i̱n warasan wekasataj tusan wakerajai. Yusai̱ wea wéakuan jáakun iniaisataj tajai. Tura nuyá̱ takatan Uunt Jesus surusmia nuna péṉker amuktaj tusan wakerajai. Jesus chichartak ‘Yus waitnenkartana nú chicham etserkata’ turutchamka.

Tur. 22:21

Túrasha Uunt Jesus winia turutmiai ‘Wetá. Israer shuarcha matsatainia nui̱ akupkátjame’ turutmiai” tímiayi Papru.

Tur. 26:19

Tuma asamtai uunt Akripia, Uunt Jesus nayaimpinmaya̱ wantintiurak turutmia nuna umirkataj tusan pujajai.

Tur. 9:4

Túrunamtai Sauru nuṉká iniaarmiayi. Tura nayaimpinmaya̱ chichaamun antukmiayi. “Sauru, Sauru, ¿urukamtai yajauch awajtústaj tusam imiá pataaturam?” tímiayi.

Ipi. 3:8

Ashí Yus shuarja̱i̱ naṉkaamas wi péṉkercha ai̱ṉ Israer shuarchanum shiir chichaman etserkat tusa Yus tsaṉkatrukmiayi. Krístuja̱i̱ṉkia kuitji̱a̱i̱ naṉkaamas péṉker, enentáimtustin jeatsjinia nu, takakji. Nusha ti shiir chichamaiti.

1 Sam. 3:4

Uunt Yus Samuiran untsúak “¡Samuirá!” tutai “¿Jaá? Ju̱i̱ pujajai” tímiayi.