Isa. 6:6 - Yus Papí: Shuarja̱i̱ Yus Yamaram Chicham Najanamu

⁶ Nuya̱ṉka Yusa suntari̱ chikichik Yus áestutai̱nmaya̱n jinia kaí̱ri̱ kean jiruja̱i̱ shikik jukí̱ nanaaki̱ tarutmiai.

Isa. 6:6 Iomraidhean Croise

Jiin. 25:38

Núnisaṉ tsaurtairi̱sha nuyá̱ tsaurar eṉketáiri̱sha aya kúrik ártiniaiti.

Isa. 6:2

Nuyá̱ Ni pujamunam yakini̱ Yusa suntari̱ serapín pujuriarmai. Tura nusha aṉkant aṉkant sais nanaptin armai. Tuma ásar ni yapi̱nkia jimiará nanape̱ja̱i̱ ejaarmai. Tura chíkich jimiará nanape̱ja̱i̱ṉkia nawe̱n ejaarmai. Nuyá̱ chíkich jimiará nanape̱ja̱i̱ṉkia nanamiarmai.

Jrm. 1:9

Nuya̱ṉka Uunt Yus uwejé̱n iwiaintiurak wenurun ántiṉ chichartak “Pai, yamaiya̱ ju̱yá̱ ame chichaktatmena nuna Winia chichamprun amaajai” turutmiai.

Riw. 16:12

Nuya̱sha Yus íimmianum Yus áestutai̱ pujana nuya̱n jinia kaí̱ri̱ kapa̱a̱n jusa kuṉkuin áestai̱niam eṉkea tura kuṉkuin nekeṉman jimiará atsakak tarach ejamu á̱a̱wini̱ júkitniuiti.

Wek. 16:46

Nuya̱ṉka Muisais Araunan chicharuk “Kuṉkuin Yus áestutai̱ piniṉ achikiam Yus áestutai̱nmaya̱ ji eṉkeam kuṉkuincha yaram aents irunar pujuiniana nui̱ wari wetá. Túram aents yajauch túrawarmanum akikmatkarta. Warí Uunt Yus suíran ka̱e̱ kaje̱ntkamtai aents kaji̱i̱tian juárkiarai” tímiayi.

Mat. 3:11

Wikia átum ené enentáimiá ajasákrumin aya entsaja̱i̱ṉ ímiajrume. Antsu winia úkurui̱ winiana nuka péṉker awajtámsataj tusa imiantinia ánis tura jía ánis Yusa Wakaní̱n eṉketramprattarme. Wiji̱a̱i̱ naṉkamantu asamtai wikia tsuntsumpruán ni sapatrí̱nkisha atitrachminiaitjiai.

Tur. 2:3

Tura nui̱ pujuiniai̱ ji wajái̱ keá ániun wáinkiarmiayi. Túruna aṉkant aṉkant puunak tarurarmiayi.

Isr. 1:14

Antsu Yusa suntari̱ wakan áiniak ashí shuar uwemprartatna nuna yaiṉkiarat tusar Yus akupkámu áiniawai.

Isr. 1:7

Nayaimpinmaya̱ suntarnan jú̱nis chicharui “Nayaimpinmaya̱ suntari̱n takartursarat tusa násea áintsaṉ awajsaiti. Ni suntari̱n charpia áinis akupeawai.” YKan. 104:4

Isr. 13:10

Yaunchu Yúsnan pujurin taṉku maar Yus susamunmaya̱n yuu ármiayi. Tura iikia Yus sutai̱ nusháa ana nu súaji. Nusha Kristu jakamu asamtai yaunchua nu Yúsnan pujurin nui̱ pachinkiachmin áiniawai.