Isa. 6:5 - Yus Papí: Shuarja̱i̱ Yus Yamaram Chicham Najanamu

⁵ Nuya̱ṉka chichaakun “¡Chuwa jákashtatjak! Warí wikia nekas yajauchin chicháu tunáa túrin áishmaṉkaitiatan tura núnisaṉ yajauchin chicháu matsatainiamunam pujayatan Úunt Akupniun Ashí Akupin Uunt Yusan wainkiajai” tímiajai. Ruk. 5:8

Isa. 6:5 Iomraidhean Croise

Naṉ. 32:31

Tura Jakupsha Piniuirnumia̱ jiinkí̱ weai̱ etsa̱sha jíinmiayi. Tura mámiṉkiunam awatir múunmamtikiamu asa shutuá shutuá ajamiayi.

YKan. 24:10

¿Ausha Naṉkamantu Úunt Akupniusha yait? Ashí Akupin Úunt Yusri̱ṉkia Naṉkamantu Akupniua nuiti. (Séraj)

Jiin. 24:10

Tura nui̱ Israer shuara Yusri̱ wajamuri̱ṉkia kaya aya píniunmaṉ saar kiṉkia eṉketka nayaim kíṉkiampatak ajasua ániunam wajan wáinkiarmiayi.

Jiin. 3:6

Tura Yus Muisaisan chicharuk “Wikia ame apachrumin Yúsri̱ntjiai, Aprajáman Yúsri̱ntjiai, Isakan Yúsri̱ntjiai tura Jakupan Yúsri̱ntjiai.” Nuna takui̱ Muisaissha Yus íistinian ashamak ni yapi̱n ejakmiayi.

Jiin. 33:20

Nuya̱sha chicharuk “Winia yapirka íischamniaitme. Warí aents chikichkisha winia wáitkiaṉka iwiaaku pujuschamniaiti.”

Jiin. 4:10

Nuya̱ṉka Muisais Uunt Yusan aya̱k “¡Maa Uuntá! Wikia yáunchusha tura yamái Ámin takartámin áujeamna ju̱i̱sha unuushím chicháu asan paant chichachuitjiai” tímiayi.

Jiin. 6:12

Tutai Muisais Uunt Yusan aya̱k “Israer shuar ishichkisha anturtuiniatsaisha, wi unuushím chichamuncha Parauṉsha itiurak anturtukat” tímiayi.

Jiin. 6:30

Muisais Uunt Yusan aya̱k “Wikia unuushím chichawaitjiai. Parauṉsha ¿itiurak anturtukat?” tímiayi.

Isa. 29:13

Kame Uunt Yus chichaak “Warí ju̱ shuar ainia ju̱ka nekas enentáiji̱a̱i̱nchu aya chichame̱ja̱i̱ shiir awajtuiniawai. Túrasha ni enentái̱ji̱a̱i̱ṉkia nekas enentáimturainiatsui. Tura Wíniaka ashampruk umirtutsuk antsu shuar akupkámu umiktinia nunak umirainiawai. Mat. 15:8-9; Mar. 7:6-7

Isa. 59:3

Warí atumí uwejé̱n numpak ajasurme tura atumí tsara uwejé̱sha yajauchin máatraiti. Nuyá̱ atumí wene̱ja̱i̱sha wait chicham chicharme núnisaṉ atumí iniai̱ji̱a̱i̱sha ishishmasrum yajauch chicham áujmatrume.

Jrm. 1:6

Túrutkui chichaakun “Maa winia Uunt Yusá wisha uchi asan péṉker chichastinian jeatsjai” timiajai.

Jrm. 51:57

“Nui̱ ni peṉkeri̱ pujuinia ainia nuna tura neka ainia nunasha úuntri̱ncha nuyá̱ páantniuri̱ncha tura suntari̱ncha mash umutain aturaran anamtukartatjai. Túran atakka shintiarchatniun kijinmamtikiartatjai” Úunt Akupin tawai nuna náari̱ṉkia Ashí Akupin Uunt Yusaiti.

Isk. 12:2

“Aentsu uchiri̱yá ámeka umichu ainia nu matsatmanum pujame. Nuka iimiainiaksha wáinmainiatsui tura kuíshtin áiniayataṉ ántuiniatsui. Warí tuke umichu áiniawai.

Tan. 9:20

Tura wikia winia Yusur akantúkma náintri̱n pachisan winia tunaaruncha núnisaṉ Israer shuara tunaarí̱ncha Uunt Yusa ujakun chicháa pujai̱ṉ

Awa. 3:16

Nuna antukan takamtsuk purushniarmajai. Núnisnak chichamun antukan chichaktaj tukamán ajamjai. Tura ukunchrusha mamukárua núnikiarmai. Nuyá̱ makursha kurainiarmai. Tuma asamtai ni suntari̱ji̱a̱i̱ káutramkar wáitkiarmastin tsawant jeat tusan warinkisha itiurtsuk aya nunak enentáimtusan útkamaikia nákastatjai.

Wek. 17:12

Túrasha Israer shuarka Muisaisan áujenak chicharainiak “¡Maa nekaata iikia amuukir wénaji! ¡Ausha peṉké amukártatji! ¡Maaj iikia ashí amukártatji!

Suma. 13:22

Nuyá̱ Manua ni nuwe̱n chicharuk “Yus wainkia asar nekas jakattaji” tímiayi.