Isa. 6:4 - Yus Papí: Shuarja̱i̱ Yus Yamaram Chicham Najanamu

⁴ Tímiatainiakui Yus Je̱a̱ wáitiri̱ pauri̱ muchitrarmai. Tura Yusa Je̱e̱n yuraṉkim piakmai.

Isa. 6:4 Iomraidhean Croise

YKan. 18:8

Ni nuji̱ya̱ mukuint jiinmiai. Ni wene̱ya̱ ji keá áeskartua amukratkatin jiinmiai. Tura jinia kaí̱ri̱ keá Niya̱ naṉkimnarmai.

Jiin. 40:34

Nuiṉkia Yus Shiir Awajtai̱ Je̱e̱n yuraṉkim káunar amuamiayi. Túruna initkia Uunt Yusa tsáapnintri̱ piákmiayi.

Isk. 1:24

Nanamainiakuiṉkia ni nanape̱nka entsa ti nujaṉkrua téter ajana tura Ashí Tujintkiachu Yus chichana tura untsurí aents tétete ajainia núninian núnisaṉ untsurí suntar charaatum ajainia núninian antukmajai. Tura nanaaktinian iniaisarka nanape̱nka wijiuimtikiarmai.

Ams. 9:1

Uunt Yusan áestutai̱niam wajan wainkiamjai. Tura Nisha chichaak “Uunt Yusa Je̱e̱ pauri̱ yakini̱ awatim aents matsatainia nuna muuké̱ tsai̱ tsai̱ awajsarta. Túrawakmin nu aentsun Wi amú amú awajsarmatai yaaksha uwemprachartatui. Tui̱ṉsha ú̱mkarmataisha nui̱sha wáinkiartatjai. Nayantsanmasha init ú̱mkarmataisha napin akuptúkan áesiartatjai. Achirar yajá yaruakarmataisha nui̱sha puya̱ja̱i̱ mámtikiawartatjai. Wini̱ya̱ṉka peṉké úmkachartatui tuma asamtai kajerkaru asan aya yajauchiniak akuptúkartatjai” turutmiai.

Apu. 11:19

Tuíniakui Yusa Uunt Je̱e̱ nayaimpiniam ana nu uranmiatai wakenmaani̱ Yus Aentsja̱i̱ Chícham Najanamu Eṉketai̱ paant amai. Túrunamtai peemsha, ipiamtasha, cháarpisha, u̱u̱sha armai tura michasha tí kakekamai.

Apu. 15:8

Tura Yusa kakarmari̱ ti ashammai Ti Shiir Tesamunam mukuintiua núnis piakmai. Túramtai nu siati suntar wáitkiastinian ukarar amuiniatsa̱i̱ṉ Yusa Je̱e̱n waya̱chminiuyi.