Isa. 59:1 - Yus Papí: Shuarja̱i̱ Yus Yamaram Chicham Najanamu

¹ Nekaatarum Uunt Yusa kunturi̱sha sútarach ajaschai uwemtikratniunka. Núnisaṉ anturtamkatniuncha empekchaiti.

Isa. 59:1 Iomraidhean Croise

Naṉ. 18:14

Warí Yusja̱i̱ tujintkiamnia áwak. Wats nekas tájame chíkich uwitin iraakun íitjiame. Túrasha táatsa̱i̱ṉ Sáraka uchin takustatui” tímiayi.

YKan. 94:9

Nuiṉkia antutain najatrama nuka ¿ántatsuak? Núnisaṉ ji̱min najatrama nusha ¿wáitmatsuk?

Isa. 50:1

Uunt Yus chichaak “Atumí nukurí̱ nakitra ajapamu papisha ¿tui̱ aa? ¿Tura yana tumash asana surukuitjiarum? Nekaatarum, átumka atumí tunaari̱ni̱ṉ surunkamarme núnisaṉ átum nakitrakrumin atumí nukurí̱sha nakitniar ajapnamai.

Isa. 50:2

Wi támaj nui̱ṉkia ¿urukamtia chikichkisha atsuma. Untsumkuisha urukamtia chikichkisha ái̱rkachma. Antsu winia kuntursha peṉké sútarchikiait átum ata̱i̱tniun jeashtinia. Wikia átum aṉkant awajsatniunka kakarman takaktsujak? Nekaatarum, Wi chicharmaka nayantsasha kukach ajastatui tura entsasha ku̱yu̱kar kampuntin atsú ajasármatai namaksha kitiakai̱ kajinkiar kaukartatui.

Isa. 6:10

Tura ju̱ aentsu enentáimtairi̱sha ikiatsuátrarta. Tura antukara̱i̱ṉ tusam empemtikiarta. Núnisaṉ íimsara̱i̱ṉ tusam ji̱sha ukusturarta enentáimsar nekarawar Winí̱ táarmatai tsuarara̱i̱j” turutmiayi. Mat. 13:14-15; Jṉ. 12:40; Tur. 28:26-27

Isa. 65:24

Tura untsurainiatsa̱i̱ṉ Wikia ái̱kiartatjai núnisnak Wikia chicháa pujuiniai̱ṉ anturkartatjai.

Jrm. 32:17

‘¡Ii Yusri̱ Uunt Yusá! Ámeka ashí tujintkiachu asam kunturam takuim nayaimpisha tura nuṉkasha najankamiame. Ame tujintkiamniaka ishichkisha peṉké atsawai.

Wek. 11:23

Takui̱ Uunt Yus Muisaisan chicharuk “¿Kame Uunt Yusa uwejé̱ṉka sútarach ajasáik? Wats yamaikia iistá ame iismasha Winia chichamur uminkiatpiash núja̱i̱nchuka uminkiashtimpiash” tímiayi.

Mat. 13:15

Ju̱ shuara enentái̱ kátsuram ásar péṉkera nuna nakitiáiniawai. Nu asamtai péṉker ántuiniatsui ji̱sha pusá áinis áiniawai. Túrachkuṉka paant nekaawarainti tura nekas antukarainti tura enentái̱ji̱a̱i̱ enentáimias Winia tsuarat tusa tarutiarainti.’ Isa. 6:9-10

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

1 Sam. 4:3

Túrawaram matsamkamunam waketkiar Israer shuara uuntri̱ iruntrar chichainiak “¿Urukamtai Uunt Yussha Jiristíu aents nupettamkatniuncha tsaṉkampramkaji? Yamaikia Uunt Yus Aentsja̱i̱ Chícham Najanamu Eṉketai̱ Siru péprunmaya ju̱i̱ itiatai tura nu ii nemasri̱ya̱ ayamprutmak aṉkant awajtámsattaji” tu tiármiayi.

1 Sam. 8:18

Nu tsawantin túrutmakrumin atumí akupniúri̱ anaikiamarumna nu yajauchiti tusarum Uunt Yus seakrumnisha peṉké pachitmaschattarme” tímiayi Samuir.