Isa. 53:4 - Yus Papí: Shuarja̱i̱ Yus Yamaram Chicham Najanamu

⁴ Nekasaiti ii najaimiakur wáitsatniuncha tura ii suṉkuri̱ncha Ni jurutrámkimiaji. Túrasha iikia Yus asutiam wáitiana núnis enentáimtusmiaji. Mat. 8:17

Isa. 53:4 Iomraidhean Croise

YKan. 69:26

Warí, ame asutiámiam nuna nisha awenawaruiti. Tura aya̱shi̱ emeskamiam nuna áujmatainiawai.

YKan. 69:27

Ni yajauch túramuri̱ni̱ṉ yájauchik patatsarta. Ame péṉkerumiṉkia peṉké pachinkiacharti.

YKan. 69:8

Warí winia yatsuruk yatsurcha núnis enentáimturainiawai.

Isa. 53:10

Kame Uunt Yuska awatnarti timia nuja̱i̱ métek mantamnamiayi. Tura niṉkia tunaanum taṉku maar áestuatniua núniktin asa ukunam akiiniawartatna nunasha wáinkiartatui. Nuya̱ṉka náṉkatkachu tsawantnum pujustatui tura Uunt Yus wakeramuka níji̱a̱i̱ṉkia tuke péṉker uminkiattawai.

Riw. 16:10

Antsu chíkich chipiu áishmaṉ tunáa jukí̱ wétin nekapkamsa iisar nekaamu jíinkinia núnaka Uunt Yusai̱ iwiaakunak itiatniuiti. Nú chipiun kampuntin atsú nuṉkanam akupeak nuja̱i̱ Yus suir enentáimmian atsaṉkar aṉkant ajastatui.

Sak. 13:7

Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Mat. 26:37

Tinia Pítruncha tura mai̱ Sepetéu uchirí̱ jukí̱ wémiayi. Nui̱sha ti kúntuts enentáimiuk wake mesekmiayi.

Mat. 8:17

Yúsnan etserin Isayas “Ii pimpirmári̱ncha ii suṉkuri̱ncha jurutrámkimiaji” yaunchu timia nu uminkiati tusa nu túrunamiayi.Isa. 53:4

Juaṉ 19:7

Tura Israer shuar chicharainak “Nu shuar ‘Yusa Uchirí̱ntjiai’ takui̱ jákatniuiti. Iiniu akupeamu aarma nui̱ núniskete” tiármiayi.

Kar. 3:13

Tura Kristu yamaikia uwemtikrampramji. Akupkámun umirkachu yumiṉkramuiti tana nuka iin túramtsuji. Antsu Kristu iin yaintmaktin krúsnum jaka yumiṉkramu ajasmiayi. Kame áarmaiti “Shuar jakati tusa numiniam nenasma yumiṉkramuiti.” Muis. 21:22-23

Isr. 9:28

Núnisaṉ Kristu chikichkí jákatniunam surumak untsurí shuara tunaari̱n asakáruiti. Tura atakka aents yajauch túrukarman asakártinian wantinkiashtatui. Antsu ni tátintri̱n nákainia nuna uwemtikrattsa wantinkiattawai.

1 Pit. 2:24

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Jṉ. 2:2

Jesukrístu ii tunaari̱n asakártaj tusa jarutramkamiaji. Túrasha aya íiniunkechu antsu ashí shuara tunaari̱n asakártaj tusa jarukmiayi.