Isa. 53:2 - Yus Papí: Shuarja̱i̱ Yus Yamaram Chicham Najanamu

² Ni íismaka nuṉka káarunmaya̱ kaṉkap puṉkái̱ jeana núnikmiayi. Niṉkia naṉkamantu enentáimtumamuri̱sha atsumai, shíirmari̱sha wáitkiachmaji tura iisrisha wakerukchamniauyi.

Isa. 53:2 Iomraidhean Croise

Isa. 11:1

Kame numí kampuí̱ jeana núnis Isái shuari̱ya̱ tsapaittiawai. Tura nuna kampui̱ya̱ chikichik jé̱e̱rtatna nuke nerektatui.

Isa. 4:2

Kame nu tsawantinkia Úunt Yusai̱ya̱ jé̱e̱rtatna nuka ti shíiram núnisaṉ tí paantin wararsamu átatui. Tura nu nuṉka arakri̱ nere̱ja̱i̱ ti wararsamu nuyá̱ Israer shuar iwiaaku pujuartatna nuna iwiarmamke átatui.

Isa. 52:14

Tura untsurí aents “¡tsej ausha! ¿urukamtai áitkiawara?” tiármiayi. Warí ni yapi̱sha nekaachmin awajtúsma asa ashí shuarja̱i̱ naṉkaamas shuarcha núnikmiayi.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Sak. 3:8

Yúsnan pujurniu uuntri̱ Jusuiyá amesha tura ame tsaníakmaram Yúsnan pujurin ámiji̱a̱i̱ pujuinia nuja̱i̱ ukunam ártatna nuna nakumin árumin ju̱ anturkatarum. Nekaatarum, Winia takarniurun Kanawe̱n tutai jé̱e̱rtatna nuna utitiatjai.

Sak. 6:12

Tura Ashí Akupin Uunt Yusri̱ chichartamuk ‘Ju̱ áishmaṉka náari̱ṉkia Kanawe asa numia áintsaṉ jé̱e̱rtatui. Tura ni kaṉkapé̱ya̱ je̱e̱r Yusa Uunt Je̱e̱n je̱a̱mtiatui túramui’ titiá.

Mar. 6:3

Ju̱sha numiji̱a̱i̱ takachukait. Marí uchirí̱nchukait. Ni yachi̱sha Sántiaksha, Jusesha, Jútassha, Semuṉsha nékatsjik. Tura ni umai̱sha ju̱i̱ iiji̱a̱i̱ pujuiniatsuk” tiármiayi. Túrawar Nin nekas enentáimtustinian tujintkiarmiayi.

Mar. 9:12

Tutai Jesus chichaak “Nekas Irías ashí iwiarattsa emka tátiniaiti. ¿Tura Aents Ajasunun Yus Papinium warintiua? ‘Ti wáitsattawai. Nin nakitrartatui.’ Isa. 53:3

Ruk. 2:7

Nui̱ uchi áishmaṉkan iwia̱i̱n takusmiayi. Tura uchi penutaiji̱a̱i̱ penuar waaka yurumtainiam aepsamiayi. Írar kanutai pujustin aṉkant atsá asamtai túrawarmiayi.

Ruk. 9:58

Tutai Jesus chichaak “Ku̱janchmasha ni wá̱a̱ri̱n takaktsuk. Chiṉkisha pasuṉke̱n takaktsuk. Tura Wi Yusa Uchirí̱ntiatan tepesan ayampratniur atsawai” tímiayi.

Juaṉ 18:40

Nuiṉkia ashí kakantar untsumainiak “Ju̱ akupkaip; antsu Parapás akupkata” tiármiayi. Nu Parapássha kásauyayi.

Juaṉ 19:5

Tímiatai Jesussha jaṉkin etseṉkraku tura pushin yamakáirman entsaru jiinkimiayi. Tura Piratu nui̱ káunkarun chicharainiak “Pai ju̱i̱ti, iistarum” tiármiayi.

Rum. 8:3

Aya̱sh wakerutaiṉkia wi akupkámun enentáimtakui nuna naṉkaamas tunaan wakerumtikrimiayi. Tuma asamtai akupkámuka yáinkiachminiuyi. Antsu akupkámu tujintkiamia nuna Yus túraiti. Ni Uchirí̱n aya̱shtin awajás tunaan jarukat tusa akupkámiayi. Tura nuja̱i̱ aya̱sh tunáa wakeramun nupetkamiayi.

1 Pit. 2:14

Tura ni akupeamuri̱ ainia nusha tunaan túruinia núnaka asutiáti tura péṉkeran túruinia núnaka shiir awajsati tusa úunt akupin akupkámu ásarmatai umirkatarum.