Isa. 5:7 - Yus Papí: Shuarja̱i̱ Yus Yamaram Chicham Najanamu

⁷ Nekasaiti, Israer shuarka Ashí Akupin Uunt Yusa uwa ajarí̱nti. Tura Jutá shuarka ni arake̱ yu ajataiti. Kame Nisha nekasa nuja̱i̱ péṉker sumamtikiawarat tusa nákamai túramaitiat aya chikichnan wakerutiarmai. Túrasha péṉker túrawarat tusa nákainiamaitiat áyatik wáitkiainiam untsumma antuimiai.

Isa. 5:7 Iomraidhean Croise

Naṉ. 4:10

Tutai Yus chicharuk “¿Urukamtai ausha áitkiam? Ame yatsumi numpe̱ uputúrumna nu nuṉkaya̱ untsurun paant anturkajai” tímiayi.

2 Sam. 7:10

Núnisnak Winia shuarun Israeran nekas péṉker pujustintri̱n iwiarturtatjai. Nuiṉkia yaunchu yajauch shuar itit awajáiniak wáitkiarmia núniska túrachartatui.

YKan. 147:11

Antsu Nin ashamainiana nuja̱i̱ Uunt Yus waraawai tura Ni waitnenkartutairi̱n nákainia nuna enentáimtuiniawai.

YKan. 149:4

Warí Uunt Yuska ni shuari̱n wararniuiti tura waantu enentáimtumachu ainia núnaka uwemtikrar aṉkant awajainiawai.

YKan. 80:15

Ame untsuur uwejmiji̱a̱i̱ árak je̱e̱r tsapait tusam araamam nuka ju̱i̱ti.

Jiin. 3:7

Túrunamtai Uunt Yus chicharuk “Wí shuar Ejiptunam pujusár wáitiainiak tí kuntuts pujuinian nekas nekaajai tura takatan iniamin wáitkiainiam seatainia nunasha anturkarjai.

Neka. 21:13

Shuar kuítrincha “yaintkiai” támaitiat anturchaka nisha ukunam “yaintkiai” tusa seameakui peṉké umirnakchattawai.

Anen. 7:6

¡Imiá shíirmachitmea tura timiá péṉkerchitme! ¡Maa aneamuru wakerú ajamaintme!

Isa. 1:21

¡Seuncha ausha! ¿Itiura timiá peṉker Yusa umirniuitiatcha chíkich yusan umirkusha kuitji̱a̱i̱ aya̱shi̱n tsaṉkamin nuwa̱ núnikia? Warí tí peṉker nekasa nuna túrin ármiayi. Túrasha yamaikia maṉkartin matsatui. Kuítri̱sha tura wíniuri̱sha peṉké yajauch ajasárai. Sumamtikin ainia nusha aya kajen tura kasa ajasárai. Túmainiak mitiaikiancha tura waje̱ncha chichaman péṉker iwiartuiniatsui.

Isa. 1:6

Nawe̱nmaya̱ juarki̱ muukmea tímianai aṉká péṉkerka peṉké atsawai. Antsu awatra tsupíamu ear kauru nijiarar penutcha penuarchamuitrume tura chimiat tusar asuitiji̱a̱i̱sha yakarchamuitrume.

Isa. 27:2

Uunt Yus Israer shuaran nakumkamu chichamja̱i̱ tawai “Wi, Uunt Yus uwa aja Winia shíiram ajarun tsawai̱sha tura káshisha yáakesh emeska̱i̱ tusan wainjiai. Yáakesh emeskattsa taaṉka emesrattajai. Túrasha Wi wainma núnis Winia yáinkrattairun tura Wiji̱a̱i̱ aṉkant pujustinian wakerakka Wiji̱a̱i̱ aṉkant pujusti” tawai.

Isa. 46:12

Atumí enentái̱ kátsuram asamtai nekasa nuja̱i̱ métek túrichutirmesha antuktarum.

Isa. 5:2

Tura meekmi ipiantar kayarí̱n júrak utsantak ashí péṉker iwiaramai. Nuyá̱ uwa arakri̱n péṉkernak juuk arakmamai. Tura nui̱ uwa ajanam ajapén kumpin je̱a̱n je̱a̱mmai. Núnisaṉ winiu neketai̱ncha iwiaramai. Kame uwa péṉker nerekchartimpiash tusa nákasmai túrasha uwa churuin nerekarmai.

Isa. 59:13

Ni wakeramusha umitsuk Uunt Yussha nakitrar ii Yúsri̱nchuiti tíniuitji. Ii Yúsri̱ji̱a̱i̱ wekayatar Yuska iniaisar ataksha Níiya̱ṉka kanaaji. Tura wáitkiastai tusar áujmatkur aya kájeaji núnisrik yajauch túrakur ii enentái̱ji̱a̱i̱ṉ waitruar chichawitji.

Isa. 59:14

Kame naka túratniua nuka nakitniarai núnisaṉ nekasa nuja̱i̱ súmamtikiatniusha arant ajasái. Tura aents iruntai̱niam nekasa nu tukumeawai. Túmakui̱ naka enentáimin waya̱tniun tujintiawai.

Isa. 59:4

Yaaksha péṉker túratniun wakerak untsumtsui. Tura yaaksha nekasa nuja̱i̱ métek sumamtikiachmaiti. Naṉkamantu enentáimtumainia nuna anturainiak wait chichaman chichainiawai. Yajauch wakerutai̱n ajaprukar yajauchin takuiniawai.

Jrm. 12:10

Murikiu wáinin untsurí uwa ajarnasha emesturkar Winia nuṉkarnasha amuuturarai. Winia tí shiirmachia nuka kampuntin atsá awajsamuiti.

Jrm. 24:2

Tura emka chaṉkinniumia̱ṉka ikiu tí peṉker eem nerekma tsamana ímiatrus armai tura chíkich chaṉkinniumia̱ṉka ikiu tí yajauch peṉké yúachmin kaushmaku armai.

Use. 10:1

Israer shuarka uwa araam tí peṉker tsapái̱ nuke̱ kanetin nerekua ímiatrusaiti. Túrasha nuja̱i̱ métek najanamu yus áestutai̱ncha ti najankarmiayi. Núnisaṉ nuṉke̱ncha tí peṉker tsapamtikruiniamaitiat ju̱i̱ti ii yusri̱ tusar kayan nuna péṉker iwiarkarmiayi.

Mik. 6:8

¡Maa aentstinkia, péṉkera núnaka Niṉki paant awajtúrmasuiti! Kame Amincha Uunt Yussha ¿warí itiurkai tusa wakerutma? Áyatik péṉkera túrin tura tuke waitnenkartin nuyá̱ péejchach ajasam ame Yúsrum tuke umirin ai̱ tusa wakerutmawai.

Awa. 1:3

¿Urukamtaitsuk timiá mui̱jmiai̱sha tura wáitiamusha iniakturam? ¿Warí, kajernáiyamuncha nuyá̱ mániamuncha núnisaṉ emesnaiyamuncha tura tí yajauch awajnáiyamuncha wáintsujak?

Sup. 3:17

“Jiuwaka amiin pujawai tura kakarmari̱ji̱a̱i̱ uwemtikramprattawai. Ámin shiir enentáimturmak warastatui. Anenmamuja̱i̱ mitia apujtamsattawai tura waramuja̱i̱ kantamprútmattawai.

Mat. 23:23

Maa jintinniutirmesha, Pariséutirmesha aneartarum. Ántrarum shiir chichamtiniaitrume. Kuminiu nuke̱sha, anisa nuke̱sha, menta nuke̱sha tias akantram chikichik akankámu Yus súwitrume. Nuka péṉkeraiti, ikiukchatniuiti. Túrayaitrum nekas péṉker túratniua nu túrutsuk ikiuwitrume. Yus nekas enentáimtustincha, waitnentáimturtincha tura tuke péṉker túratniusha enentáimtsuk ikiuwitrume.

Ruk. 18:7

Tura Yus tí peṉker asa ni achikman tsawai̱sha, káshisha untsuamka nú naṉkaamas anturkashtatuak. ¿Yáitsuk meṉkakatuak?

Juaṉ 15:2

Ashí kanawe Winí̱ áyat nereatsna núnaka tsupirak jurustatui. Antsu nereana núnaka nú nukap nerekat tusa puruartatui.

Muis. 15:9

Núnisrumek tsaṉkurnatai̱ uwí ishichik ajasmatai susamsha awaṉturkichai tusarum yajauch enentáimiakrum atumí yachi̱ atsumamuri̱ sútsukka iniaisashtiniaitrume. Nu túrawakrumni̱ṉkia atumí yachi̱ Uunt Yusan seatramiakrumin yajauchiniam iniartatrume. Tura yajauch enentáimtsuk ni atsumamuri̱ súakrumninkia núnisaṉ Uunt Yussha atumniasha yaintmaktatrume. Kame kuítrinchasha tura atsumainiasha tuke iruntin áiniawai tuma asamtai nuka tuke yáiṉtiniaitrume. Tura Israer shuar áishmaṉkesha núja̱i̱nchuka nuwa̱ksha atumí takartámin ajastaj tusa surumakmataiṉkia sais uwichik takamtiksam siati uwí jeamtaiṉkia aṉkant akupkatniuitrume túrasha aṉkant akupeakrumsha jú̱nikkia akupkashtiniaitrume. Warí atumsha Ejiptunam emetamu wáitkiatai pujarmin Uunt Yus aṉkant awajtámsamiarumna nu enentáimsatniuitrume. Antsu anenmak wétinian nakitiakuiṉkia nakash achikrum wáitiniam anumkrum kuishi̱ chiṉkiaratarum túramka tuke atumí takartámin ajastatui. Tura aṉkant akupeakrumsha itiurchatka enentáimtusairap. Warí takakma chikichik tsawantin akitiái̱ji̱a̱i̱ṉkia naṉkaamas ishichkich akikiam sais uwí takamtiksa asarum túratniuitrume. Nu túrakrumni̱ṉkia Uunt Yussha péṉker yaintmaktatrume Uunt Yus turutmiayi” tusa Israer shuaran Muisais ujakármiayi.

San. 5:4

Ame takat iniararam ementushim akirarmamna nu “akirkati” turamainiawai. Anearta. Ashí Akupin Uunt Yus, nu takartámniu chichame̱n antukai.