Isa. 5:6 - Yus Papí: Shuarja̱i̱ Yus Yamaram Chicham Najanamu

⁶ Núnisnak kanawencha puruntrashtatjai. Nuiṉkia aya kampuntin atsú awajsattajai. Túram mashiak arakmachmin narasha tura jaṉkisha tsapakartatui. Núnisnak yumi yuturkai tusan yuraṉmincha akuptúkchattajai.

Isa. 5:6 Iomraidhean Croise

1 Akup. 17:1

Tura Irías Tispi péprunmaya̱ Karaatnum pujuya nu Akaapan chicharuk “¡Uunt Yus íimmianum Nin takarin asan ju̱na tajai, Ju̱ uwí naṉkaamasartatna ju̱i̱ṉkia yumisha yutukchattawai tura sanasha sanamákchattawai. Antsu aya wi takui̱ yutuktatui!” tímiayi.

1 Akup. 8:35

Amiin tunaan túrawaru ásarmatai yumi yútumtikchakmin wáitiainiak Ame Náarmin shiir awajénak ni tunaari̱n iniaisar tura ju̱ Je̱a̱nmaani̱ iimsar seatmainiakui

Neka. 24:31

Tura aya jáṉkik narak nupa̱k awamai tura wenukesha sa̱a̱narun wainkiamjai.

Isa. 49:19

“Tura áminiun emeskar jú̱nik ikiukiarmasha nuyá̱ áme nuṉkemsha emeskamu arma nu nuṉkanmaṉka piákrum ashí aents matsamsachmin awajsattarme. Tura ámin emestamkaruka yajá pujusártatui.

Isa. 55:13

Jaṉki irunniuya nui̱ṉkia sepris numi tsapakartatui. Nara irunniuya nui̱ṉkia mirtu tsapakartatui. Nu túrunamtai Uunt Yus tí paantin ajastatui tura nuja̱i̱ nekanattana nuka ukunmasha peṉké japintrashtatui” tawai Uunt Yus.

Jrm. 14:1

Uunt esat átatui tusa Jirimíasan Uunt Yusa chichame̱ tarimiayi. Tura náakam ainia nuka takarniúri̱n entsan akuptuiniakui nuṉka tá̱i̱miunmasha wénawai. Túrasha entsan wáinkiachar natsa̱a̱r yumiri̱n aya wá̱a̱nak takaku waketainiawai. Núnisaṉ kampunniunmaya̱ su japasha petsak yurumke̱ atsakui uchirí̱n ajapa ikiuiniawai.

Jrm. 25:11

Tura ashí ju̱ nuṉkaka peṉké tsuumai̱ mitia awajsamu juáktatui. Tura ju̱yá̱ aentssha sataintia uwí Papirúnianmaya̱ akupniu takarniúri̱ pujuartatui.

Jrm. 45:4

Uunt Yus jú̱nis tawai títiatme, ‘Wi je̱a̱mma núnaka emeskattajai. Tura araamaj nuna uwetajai. Núnaka ashí nuṉkan tajai.’

Ukan. 2:6

Yus Shiir Awajtai̱ Je̱e̱ncha aak ajanam pujá itiurtain nútikias kajerak náṉkamas túraiti. Túrak irunin armia nú je̱a̱ncha emeskamiayi. Namperan ti arantúkmajai tura ayampratin tsawantincha najamin armia núnaka Jiuwaka Seúnnumka kajinmámtikiaruiti. Tura suir kae̱ kajenakamujai úunt akupniuncha tura Yúsnan pujurniuncha ajapa iniaisaiti.

Use. 3:4

Israer shuar núkap tsawant akupniúrtichu tura úuntri̱ncha pujusártatui. Núnisaṉ taṉkuncha maa áestutsuk tura ántar yusri̱ncha kayaja̱i̱ nakumkar najantsuk pujusártatui. Nu arant Yúsnan takarkur awaṉketai̱ tura nekatai̱ kayarí̱sha nuyá̱ najanamu yus nekaatai tusar inintrútai̱ najankamusha atsuartatui.

Juir 1:7

Tuma asa winia uwa ajarnaka aya jú̱nik awajtúras ikiu ajarnaka aya númik awajtúrsarai. Tura akattúrar paká paká awajsamu ásar kanaweṉka aya númik ajasárai.

Ams. 4:7

Júuktincha menaintiú nantu táasmanum yumincha yútumtikiachmajai jú̱ni̱ṉkia yútumtikiun atumínkia yútumtikiachmajai. Tura yumi yutukchamunmaṉka nuṉka ju̱ju̱karmai. Núnisaṉ entsa umartai tusar aentssha chíkich péprunmaya̱ chíkich péprunam ashiniarmai túrasha kitiakéncha imikcharmai tura nuya̱sha Wíniaka peṉké enentáimtursacharmai” tawai Uunt Yus.

Ruk. 21:24

Tura ju̱yá̱ aents mesetnum jákartatui. Tura chikichnaka ashí nuṉkanam misaawar júkiartatui tura yajaya̱ apach, Yúsnan enentáimtuiniatsna nu, ju̱i̱ Jerusaréṉnum waya̱war najakartatui. Nu túratniunka Yus tsaṉkatkana nui̱ṉ túrawartatui.

Muis. 29:23

‘Yaunchu Sutuma, Kumura, Atma, tura Sepuim péprun Uunt Yus ti kajerak suira kaje̱ntuk asupriji̱a̱i̱ tura weeja̱i̱ nuyá̱ jiji̱a̱i̱ amukmiayi. Tuma asa nu nuṉkanmaṉka nupa̱sha tsapaichmin araksha arakmachmin ajasuíti. Kame nuja̱i̱ métek atumí nuṉke̱sha ajasuíti’ tiártatui.

Apu. 11:6

Nu aentska Yúsnan áujmatainiak yumi yutukaip títinian kakarman takakainiawai. Núnisaṉ entsancha numpa awajsatniun kakarman takakainiawai. Tura ashí yajauchia nuja̱i̱ aentsun wáitkiastinian takakainiawai. Nuna ashí ni wakeruinia nui̱ páchitsuk túramin áiniawai.