Biblia Todo Logo
Bìoball air-loidhne

- Sanasan -




Isa. 5:5 - Yus Papí: Shuarja̱i̱ Yus Yamaram Chicham Najanamu

5 Wats yamaikia Winia uwa ajarun warí itiurkattaja nuna ujaktatjarme. Yamaikia wenuke̱ncha sa̱a̱rkittiajai túram amukma átatui. Tura tanishri̱ncha sa̱a̱rkittiajai túramtai yajasma naja̱trartatui.

Faic an caibideil Dèan lethbhreac




Isa. 5:5
31 Iomraidhean Croise  

Túrawar chichainiak “¡Pai! Uunt pepru najanatai túrar uunt je̱a̱ nuṉkaya̱ naṉkamar je̱a̱mkir nayaimpiniam ejetai. Túrarkia ashí nuṉkanam naṉkamantu ártatji. Nuiṉkia tsakiṉmakatniusha atsuttawai” tiármiayi.


Tuma asamtai akaatúkir nuamtak chichainiaksha anturnaikiacharat tusar aentsu chichame̱ pachimprukartai” tímiayi.


Túmayatnak úunt akupniun chicharkun “Uunt akupniú, tuke iwiaaku pujú atá. Winia apar iwiarsamu péprusha emeskar ti yajauch awajsamu tura wáitiri̱nkia ashí ekemárma áiniawai tu ujatkaru ai̱sha ¿urukamtaik wisha kúntutscha pujuschattaj?” tímiajai.


Tura ni ayamprumaktintri̱sha ashí emestukuitme.


Túruna ayamprumakchamnia ajasu asamtai ashí jintiak naṉkaamainiak ashí kasarainiawai. Nu arant niji̱a̱i̱ írutra nu íismaka natsanmai̱ ajasuíti.


Tura aya jáṉkik narak nupa̱k awamai tura wenukesha sa̱a̱narun wainkiamjai.


Tura átum jákatniuja̱i̱ chícham najanamiarmena nuka peṉké ántar átatui. Núnisaṉ jaka matsamtai̱ji̱a̱i̱ chícham najanaitrumna nusha peṉké ántar ajastatui. Tura atumí wáitsatniuri̱ nújaṉ paṉkaki̱ winiana tímiatrus winiak atumniaka chanunmattarme.


Tura Eprainniumia̱ shuar nampen ásar waantu enentáimtumatairi̱ tawaspa ímiatrus enentáimtutairi̱ṉkia naja̱trartatui.


Kame yamaikia Jutanam tura Jerusaréṉnum aents pujuiniana nu chicharainiakum Uunt Yus chichaak “Nekaatarum yajauchiji̱a̱i̱ átum wáitsatniun iwiarturan Wi tesarájrume. Tuma asamtai yamaikia aṉkant aṉkant atumí yajauch túrutairi̱ṉkia iniaisarum seertarum tawai tiartá” tímiayi.


‘Israera Yusri̱ Uunt Yus jú̱nis tawai “Mesetnum mánitiai takakrumna nunak atumniak Wi ipijmiamtikiatajrume. Papirúnianmaya̱ úunt akupniuja̱i̱ mániarmena núnaka Kartíu aentsnasha tanishnum a̱a̱ áreṉka matsatrumna nui̱ Wi jú̱ pepru ajapéri̱n irurtatjai.


Yúsnan etserin ámeka táatsmini̱ṉ tura wisha táatsa̱i̱ṉ tí yaunchu taarmia nu etserainiak uunt nuṉka mátsatkamua nui̱sha núnisaṉ úunt akupin akupáinia ímianaisha mesetcha tsukasha suṉkursha ártatui.


Uunt Yus jú̱nis tawai títiatme, ‘Wi je̱a̱mma núnaka emeskattajai. Tura araamaj nuna uwetajai. Núnaka ashí nuṉkan tajai.’


Winia Úuntruka wisha wajai̱ṉ winia aentsur kakaram ainia nunasha najatrarai. Natsancha awakkataj tusa yajaya̱ untsurí aentsun untsumprukai. Uwa chanúa nútikias Jutá nawantri̱n natsach áishmaṉja̱i̱ tsaniṉcha ainia nuna Uuntka najakarai.


Yus Shiir Awajtai̱ Je̱e̱ncha aak ajanam pujá itiurtain nútikias kajerak náṉkamas túraiti. Túrak irunin armia nú je̱a̱ncha emeskamiayi. Namperan ti arantúkmajai tura ayampratin tsawantincha najamin armia núnaka Jiuwaka Seúnnumka kajinmámtikiaruiti. Tura suir kae̱ kajenakamujai úunt akupniuncha tura Yúsnan pujurniuncha ajapa iniaisaiti.


Nuya̱ṉka tunaarincha chichaan antukmajai tura chíkich tunaarincha nuna chicharuk “¿Urutáik ímiaja̱i̱k wainma ju̱sha amuukat tura taṉkun áestuatniunka tuke túruki wéartata tura yajauch awajkartincha katsua̱rtata nuyá̱ Yusa Je̱e̱sha tura suntarsha amuturmak ártata?”


Íkiuncha tura uwa ajancha ‘Ju̱ja̱i̱ winia tsanir akirkarmai’ tiarma núnaka emestukarjai. Túrawaram ni ajarí̱nkia kampuntin ajasármatai kampunniunmaya̱ yajasma yuáwartatui.


“Túrasha ju̱ nekaata, wikia péṉker chichasan kampuntin atsunum jukin ni enentái̱n chichastatjai.


Tura ju̱yá̱ aents mesetnum jákartatui. Tura chikichnaka ashí nuṉkanam misaawar júkiartatui tura yajaya̱ apach, Yúsnan enentáimtuiniatsna nu, ju̱i̱ Jerusaréṉnum waya̱war najakartatui. Nu túratniunka Yus tsaṉkatkana nui̱ṉ túrawartatui.


Antsu je̱a̱ á̱a̱ri̱ṉkia yajaya̱ shuar susamu asamtai nekapmatsuk ikiuktia. Nu shuar ti shiir péprun Jerusaréṉkan kuaraintitús nantu nui̱ akupénak mash yajauch awajsártatui.


Lean sinn:

Sanasan


Sanasan