Isa. 5:2 - Yus Papí: Shuarja̱i̱ Yus Yamaram Chicham Najanamu

² Tura meekmi ipiantar kayarí̱n júrak utsantak ashí péṉker iwiaramai. Nuyá̱ uwa arakri̱n péṉkernak juuk arakmamai. Tura nui̱ uwa ajanam ajapén kumpin je̱a̱n je̱a̱mmai. Núnisaṉ winiu neketai̱ncha iwiaramai. Kame uwa péṉker nerekchartimpiash tusa nákasmai túrasha uwa churuin nerekarmai.

Isa. 5:2 Iomraidhean Croise

2 Sam. 7:10

Núnisnak Winia shuarun Israeran nekas péṉker pujustintri̱n iwiarturtatjai. Nuiṉkia yaunchu yajauch shuar itit awajáiniak wáitkiarmia núniska túrachartatui.

Neem. 13:15

Nu tsawantai̱sha Jutanam Sáwar tsawantin uwa yumiri̱n jusatai tusa nájarmai. Tura trikiu tsupir jiṉkiá kawain áentskar juíniak tura wíniuncha úwancha íkiuncha kawain áentsak Sáwar tsawantai̱ Jerusaréṉnum juínian wainkiajai. Tura ¿urukamtai Sáwar tsawantcha átum takakmaasha ikiankarum súrarum? tusan chicharkamjai.

YKan. 80:8

Ejiptunmaya̱ uwa arakri̱ itiamame túram uunt nuṉka mátsatkamu armia nu ji̱i̱ra akupram uwa araamame.

YKan. 80:9

Nuyá̱ nupa̱a̱ri̱sha ipianturmame túram kaṉkapé̱sha achimiar nuṉká piakmai.

Jiin. 33:16

¿Tura wi nuyá̱ amé shuarum waitnenkartin íkrattsaitmena ju̱nasha tura ame iin nemartamkakminkia ashí nuṉkanmaya̱ aentssha ame shuar akankaitmena nunasha nekaachartatuak?” tímiayi.

Isa. 1:8

Seuna nawantri̱nkia uwa ajanam tura inchí ajanam aak áakmakar ikiukmiana núnin tura pepru téntakar matsamtúkma ánis niṉki juakai.

Isa. 5:7

Nekasaiti, Israer shuarka Ashí Akupin Uunt Yusa uwa ajarí̱nti. Tura Jutá shuarka ni arake̱ yu ajataiti. Kame Nisha nekasa nuja̱i̱ péṉker sumamtikiawarat tusa nákamai túramaitiat aya chikichnan wakerutiarmai. Túrasha péṉker túrawarat tusa nákainiamaitiat áyatik wáitkiainiam untsumma antuimiai.

Jrm. 11:17

Israer shuarsha tura Jutá shuarsha Páaran kuṉkuinian áestuiniak yajauchin túrawar Ashí Akupin Uunt Yus atumín aratmawarma nu akajtukarmatai yajauchin akuptúkarmaiti.

Jrm. 2:21

Kame Wikia tí peṉker árak asakmin tí peṉker uwa ati tusan araamjame. Túramatiatmesha ¿urukamtaitsuk yajauch uwa núnikmesha muímprasha ajasum?

Use. 10:1

Israer shuarka uwa araam tí peṉker tsapái̱ nuke̱ kanetin nerekua ímiatrusaiti. Túrasha nuja̱i̱ métek najanamu yus áestutai̱ncha ti najankarmiayi. Núnisaṉ nuṉke̱ncha tí peṉker tsapamtikruiniamaitiat ju̱i̱ti ii yusri̱ tusar kayan nuna péṉker iwiarkarmiayi.

Mik. 4:8

Jerusaréṉká, ame Israera kumpintri̱yá tura Seuná ejamtai̱yá, yaunchua núnismek ashí naṉkamantu úunt akupin atak ajastatme.

Wek. 23:9

Warí, kátsuram kaya tsakakaru ainia nuna tsakari̱ pujusnak wainiainiajai. Núnisnak naint wajasnasha wainiainiajai. Kame aents pujuiniana ju̱ka aya níṉkik matsamsartin áiniawai tura chíkich uunt nuṉka mátsatkamu áiniana nuiṉkia peṉké pachischamu matsamsartatui.

Mat. 21:19

Ikiu ukat ukat jintiá yantam wajan wainiak akaktajtsa werimiayi. Túrasha werí aya núkenak wainkiamiayi. Tura numin chicharuk “Atakka peṉké nerekchattame” tutai nu chichamaik jakamiayi.

Mat. 21:33

“Ju̱ chíkich áujmatmasha antuktarum. Nuṉká nérentin uwa arak wenuimiai. Uwa neketai̱ncha tura kumpinniasha najanamai. Tura mash péṉker iwiarak shuar waitrukarti tusa apujkiarmai. Tura ikiuak yajá nuṉkanam wemai. Isa. 5:1-2

Mat. 21:34

Nuyá̱ júuktin tsawant jeamtai juuk nakak akuptúrkarti tusa takarniúri̱n akupkarmai.

Mar. 11:13

Tura arant wajan ikiu numiri̱n núkenniun wainiak nereatsuash tusa iyumiayi. Tura nereshtai̱ri̱n asamtai neren peṉké wainkiachmiayi.

Mar. 12:1

Jesus ju̱ métektaku chichaman unuiniamiayi. “Shuar uwa ajan ajam wenuimiai. Nuyá̱ uwa neketain najanamai. Tura kumpin je̱a̱n najanamai.Isa. 5:1-2 Najana takartusti tusa shuaran ikiuak niṉkia jeachat wemai.

Mar. 12:2

Neretai tsawant jeamtai ni takarniúri̱n juukman akankat tusa akupkámai.

Rum. 9:4

Israer wea shuar áiniawai. Tura ni uchirí̱ya áinis Yus achikiáruiti. Yusa winchari̱sha niji̱a̱i̱ pujumiayi. Yaunchu Chicham ni we̱a̱trí̱ji̱a̱i̱ iwiaramuncha tura Muisais akupkámuncha susamiayi. Tura Yusa Je̱e̱n Nin shiir awajsatniun jintintiámiayi. Tura ukunam shiir tsaṉkatkattana nunasha ujakmiayi.

1 Kur. 9:7

Suntarka ¿ní kuítri̱ji̱a̱i̱mpiash takáa? ¿Tsanimpian aráa nu nuna nere̱n yúatsuk. Waakan wáinniua nusha muntsurí̱n úmatsuk? Núnisaṉ Yus Chichaman étsera nusha nú takasmanumia̱ yurumámniaiti.

Muis. 32:6

¿Átumka waurka ántichu aentsua ánin ajasrumek Uunt Yus shiir enentáimtikniuram? ¿Kame atumí aparí̱ṉkia Yúschakait? ¿Najatma kakarmarmincha núnisaṉ pujustinniasha ashí iwiarak amasua nuka tura yámankamtaik atumín najatmaka Níchukait?

Suma. 16:4

Nuna ukunam Sansun Jiristíanmaya̱ nuwa̱n Sureknumia̱n Tariran anajmarmiayi. Nuya̱ṉka pepru uuntri̱ armia nu Tariran weriar chicharainiak “Uruku asá timiá kakarmait tura itiurá nupetkamniait nusha nekarata. Túrawakminkia úuntri̱ti chikichik chikichik mir sian kuit amasártatji” tiármiayi.