Isa. 5:1 - Yus Papí: Shuarja̱i̱ Yus Yamaram Chicham Najanamu

¹ Wi aneamu amikrun kantamprakun ni ajarí̱n pachisan kantampruáttajai. Tí peṉker nuṉka ayantánmanum winia amikiur uwa ajan takakuyi.

Isa. 5:1 Iomraidhean Croise

YKan. 101:1

Maa Jiuwaá waitnenkartutairmin tura naka sumamtiktairmin kantampruáttajme.

YKan. 45:1

Péṉker chichamak winia enentái̱rui̱ṉkia piákuiti. Tuma asan winia akupniúrun kantamprajai. Winia iniai̱rusha shuar péṉkeran áakmauwa núnisaiti.

YKan. 60:5

Ame untsuurumji̱a̱i̱ aneamuram uwemtikrarta túram ai̱kratkata.

YKan. 80:8

Ejiptunmaya̱ uwa arakri̱ itiamame túram uunt nuṉka mátsatkamu armia nu ji̱i̱ra akupram uwa araamame.

Anen. 2:16

Winia aneamurka wíniaiti tura wisha níniuitjiai. Ririu kuku̱ji ainia nui̱ niṉkia murikrí̱n ayurainiawai.

Anen. 5:16

Kayakpatrumka ti yuminiaiti. Ashí wakerú ajamainti. Jerusaréṉnumia̱ natsachiá, nisha winia nekas aneamurka, nisha winia nekas wakeramurka níyaiti.”

Anen. 5:2

“Wikia kanimjiai túrasha winia enentái̱rka iwiaamiayi. Untsumna nuka winia aneamuru chichame̱nchukait. ‘Winia ekentru, winia aneamuru winia yampitschiru eteṉmas enentáimniu aya wíniak uratritia. Warí winia muukarnaka sana ukatkayi. Tura ashí mash intiashruka kashi wekaamuja̱i̱ jíiniarai.’

Anen. 6:3

Wikia winia aneamurnaitjiai tura winia aneamurka wíniaiti. Niṉkia ririu kuku̱j írunmanum murikrí̱n ayureawai.”

Jrm. 12:10

Murikiu wáinin untsurí uwa ajarnasha emesturkar Winia nuṉkarnasha amuuturarai. Winia tí shiirmachia nuka kampuntin atsá awajsamuiti.

Jrm. 2:21

Kame Wikia tí peṉker árak asakmin tí peṉker uwa ati tusan araamjame. Túramatiatmesha ¿urukamtaitsuk yajauch uwa núnikmesha muímprasha ajasum?

Isk. 19:10

Ame núkuka uwa tí peṉker nerena núniniauyi tura entsá supichik wajá asa ni kanawe̱sha tí nukap armai. Nuna numiri̱sha tí katsuram akupin akupeakur takutai̱ naṉki najanamnia armai. Túrasha kajerkar ukuinkiarmai tura numiri̱ kátsuram arma nusha kupiniararmai. Nuyá̱ yamaikia atsú nuṉkanam araamuiti. Nuiṉkia numiri̱ kátsuram akupin akupkur takutai̱ naṉki najanamniaka atsawai. Ju̱ kántaka kúntuts enentáimtusar wáitiakur támaiti tura wáitiakur kúntuts enentáimkiur títiniaitme” Uunt Yus tíniuiti.

Use. 10:1

Israer shuarka uwa araam tí peṉker tsapái̱ nuke̱ kanetin nerekua ímiatrusaiti. Túrasha nuja̱i̱ métek najanamu yus áestutai̱ncha ti najankarmiayi. Núnisaṉ nuṉke̱ncha tí peṉker tsapamtikruiniamaitiat ju̱i̱ti ii yusri̱ tusar kayan nuna péṉker iwiarkarmiayi.

Mat. 21:33

“Ju̱ chíkich áujmatmasha antuktarum. Nuṉká nérentin uwa arak wenuimiai. Uwa neketai̱ncha tura kumpinniasha najanamai. Tura mash péṉker iwiarak shuar waitrukarti tusa apujkiarmai. Tura ikiuak yajá nuṉkanam wemai. Isa. 5:1-2

Mar. 12:1

Jesus ju̱ métektaku chichaman unuiniamiayi. “Shuar uwa ajan ajam wenuimiai. Nuyá̱ uwa neketain najanamai. Tura kumpin je̱a̱n najanamai.Isa. 5:1-2 Najana takartusti tusa shuaran ikiuak niṉkia jeachat wemai.

Ruk. 20:9

Nuyá̱ Jesus ju̱ métektaku chichamja̱i̱ aentsun jintintiámiayi. “Áishmaṉ ni ajarí̱i̱n uwa aráa amuk shuaran takartusti tusa ikiukmiai. Tura niṉkia wau táchataj tusa jeachat wemai.

Juaṉ 15:1

“Witjiai nekas araknaka tura Winia Aparka arakan wáinniuiti.

Muis. 8:7

Uunt Yuska nekas péṉker nuṉkanam awa̱intiamearme. Nú nuṉkaka tí peṉker asamtai yurumkaka peṉké tátramsashtatrume. Núnisrumek ti taramkarum pujakrum yaṉkú jirusha nú nainniumia̱ṉ jusattarme.