Isa. 49:1 - Yus Papí: Shuarja̱i̱ Yus Yamaram Chicham Najanamu

¹ Ashí nayantsa yantamén tura nuṉka náṉkatkamunam matsatrumna nú aentstirmesha antuktarum. Wikia akiiniatniuka atsa̱i̱ṉ Uunt Yus untsurkaiti. Tura winia nukurui̱ eṉketai̱n winia náarun pachis anaitiukuyayi.

Isa. 49:1 Iomraidhean Croise

YKan. 22:10

Akiiniamiaj nuiṉ Amiin íktusmaujai. Nukuru wake̱ya̱ṉ Ámeka winia Yúsruitme.

Isa. 11:11

Ántsaṉ nu tsawantinkia Ni shuari̱n Asirianam, Ejiptunam, Pátrusnum, Itiupíanam, Iramnum, Senarnum, nuyá̱ Amat nuṉkanam tura nayants yantamnumsha ishichik juákaru pujuinia nuna Uunt Yus ni kakarmari̱ji̱a̱i̱ awakearartatui.

Isa. 41:1

“Nayantsa yantametirmesha mitia ajasrun Winia anturtuktarum. Ashí aentstirmesha kakaram ajasrum weantkarum chichaktarum. Súmamtiktainiam métekrak wajasarmi.

Isa. 44:2

Ámin Najatma Uunt Yus jú̱nis tawai. Nukú aya̱shí̱ya̱ najatmamia nu yaintmaktatui. Winia takartin Jakupá ashamkaip. Kame ame Jesurunká Wi achikmajme.

Isa. 44:24

Ame nukú waké̱ ínitia̱ṉ najatma nu Uunt Yus ámin aṉkant awajtámsa jú̱nis túramui “Wi Uunt Yus ashí nájanjai. Aya nayaimpiniak ayapá̱jai nuṉkancha Wiki ayapá̱jai.

Isa. 45:22

Warí Wíkitjiai Yus. Chíkichkia atsá asamtai ashí nuṉka náṉkata tímianai pujarmena nu aentstirmesha Winia íirsarum uwempratarum.

Isa. 46:3

Maa, Jakup shuartirmesha kame Israer shuara nu iwiaaku juákutirmesha akiintsurmini̱ṉ nukuí̱ eṉketrumni̱ṉ Wi achikma asarun antuktarum.

Isa. 49:12

Nekaata, niṉkia yajaya̱ káunkartatui. Tura araki̱a̱sha nuyá̱ etsa̱ akatainmaani̱ya̱ tura chíkichkia Seweni nuṉkanmaya̱sha káunkartatui” tímiayi.

Isa. 49:5

Tura Uunt Yuska winia nukurui̱ eṉketai̱n winia takartin atí tusa najatamai. Kame Jakupa shuari̱ Yusai̱ waketkiar Israer shuar Yusai̱ iruntrarti tusa Uunt Yus íimmianum shiir awajnásmajai. Tura winia Yúsruka winia kakarmar ajasuíti.

Isa. 52:13

Nekaatarum, Winia takartin nupetmaktatui. Kame uunt awajsar tura páantin awajsamu núnisaṉ ti náakam awajnástatui.

Isa. 55:3

Tura péṉker antukrum Winí̱ winitiárum. Ántakrumni̱ṉkia atumí enentái̱sha iwiaaku ajastatui. Nuyá̱ Tawitian waitnentramiaj núnisnak amukashtin chichaman Wikia atumji̱a̱i̱sha najanattajai.

Isa. 66:19

Nuya̱ṉka nekanawarat tusan iwiaaku juákaru ainia nui̱ṉ Wi túrattajna nuja̱i̱ awajsartatjai. Juákaru ainia nuya̱n úunt matsatkamu Társesnum tura Pútnumsha núnisaṉ Rúutnum akupkartatjai. Nútiksanak Tuparnumsha tura Krésianmasha nuyá̱ yajá nuṉkanam nayants ayamach pujuinia Winia kakarmar aújmatmancha antukcharu tura Wina wincharnasha wáinkiacharu áiniana nui̱ akupkartatjai. Nui̱ Winia wincharun áujmatas etserkartatui.

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Jrm. 1:5

“Wikia nukui̱ṉkia najantsuk áminkia nekaamjame núnisnak akiintsumni̱ṉ Winia atí tusan akankámiajme. Tura ashí uunt nuṉka mátsatkamu áiniana nui̱ Winia chichamprun etserin atí tusan anaikiamiajme” turutmiayi.

Sup. 2:11

Jiuwaka niṉkia tí tsuumainian iniaktusartatui. Ántar yus ashí nuṉkanam írunna nuna emeskattawai ántsaṉ ashí nuṉkanmaya̱ uunt nuṉka mátsatka ainia nusha mashⁱ Niin tikishmátrartatui.

Ruk. 1:31

Antukta. Amesha ajapruktatme. Túram Uchi takustatme.Isa. 7:14 Nusha ‘Jesus’ anaikiata.

Juaṉ 10:36

Nisha yúsaitkiuiṉkia nuikia Yus Apa anaikia ju̱ nuṉkanam akupkámu asan ti nekas Yúschakaitiaj. Núja̱i̱ṉkia wi ‘Yusa Uchirí̱ntjiai’ takui̱ ¿itiurak ‘Yusan yajauch chicharui’ túrutrum?

Kar. 1:15

Túrasha wikia akiintsa̱i̱ṉ Yus winia achirkámiayi tura ti aneṉkratmari̱ji̱a̱i̱ winia anaitiukmiayi.

Ipi. 2:17

Kristu taa nawamnaikiatniun chichaman Israer shuaran ujakmiayi. Tura nu chichamnak atumín Yus nékachuyarmena nunasha ujaktinian akupkámiayi. Isa. 57:19

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

1 Pit. 1:20

Nuṉkan nájantsuk aentsun jaruktinian Krístun anaikiamiayi Yus. Tura wárik akupkachmiayi. Antsu yamái tsawantin átum pujarmin péṉker pujusúk tusa wakerak atumín jarutramkat tusa Krístun akupkámiayi.