Isa. 44:3 - Yus Papí: Shuarja̱i̱ Yus Yamaram Chicham Najanamu

³ Wi nuṉka kuchachnum entsan ukartatjai túran nuṉka ju̱ju̱ptinnium entsa waa ajastatui. Núnisnak Winia Wakantrun ame shuarumin ukartatjai tura péṉker yumiṉkran ame tiraṉkrumnia̱sha jé̱e̱rartatjai.

Isa. 44:3 Iomraidhean Croise

YKan. 107:35

Nisha atsamunmaya̱itiat yapajniá entsa pajamtai najanaiti. Tura nuṉka ju̱ju̱ptinia núnaka púkuni awajniuiti.

YKan. 63:1

Maa Yusá, Ámeka winia Yúsruitme ju̱cha enentáimpran e̱a̱jme winia wakantruka Áminiun kitiamawai. Nuṉka ju̱ju̱ptin entsa atsunum winia aya̱shur kitiamak wakerutmawai.

Neka. 1:23

Antsu wi tájana nuja̱i̱ seertarum. Wi nekatai̱ asan wakantruja̱i̱ jintintiakun paant nékamtikiattajrume.

Isa. 41:17

Kuítrincha tura atsumainia nu ni iniái̱ ju̱ju̱ptin ajasármatai kitiakén entsan atsumainiak e̱a̱iniawai túrasha atsawai. Wi Jiuwá asan susattajme, Wi Israera Yusri̱ asan ajapa iniaisashtatjame.

Isa. 49:10

Nuiṉkia tsukaja̱i̱sha kitiakja̱i̱sha wáitsachartatui tura etsa̱sha sukuiniak wáitkiaschartatui. Warí nin waitnentainia nu juinia asa púkuni entsa írunmanumaani̱ júkiartatui.

Isa. 55:1

“Kame ashí kitiamatirmeka entsá winittiarum tura kuit takakchakrumsha winirum sumakrum yurumáitiarum. Nuyá̱ wíniusha tura muntsusha peṉké ántrarmek kuítchaja̱i̱ sumaktarum.

Isa. 59:21

“Wikia chichaman niji̱a̱i̱ jú̱nis nájanjai. Winia wakaniur atumín pujurtamna tura Winia chichamprun ujakuitjiarmena nuya̱ṉka peṉké kanakchatniuitrume. Núnisaṉ atumí shuari̱sha nuna tiraṉki̱sha nuyá̱ tiraṉki̱sha yamaiya̱ juárkin ju̱ chichamnumia̱ṉka peṉké kanakchatin áiniawai” tawai Uunt Yus.

Isa. 61:9

Tura ni shuarka ashí nuṉkanam nekaamu ártatui tura nuna uchirí̱sha ashí péprunam nekanawartatui. Núnisaṉ ashí shuar nu aentsun wainiainiakka Uunt Yus ni shuar awajsar péṉker pujutnum yumiṉkrarmia nu shuar ainia nuna paant nekaawartatui.

Isa. 65:23

Tura takatan takainiaksha ántar takaschartatui núnisaṉ ni uchirí̱sha itiurchatnum pujuschartatui. Warí nu shuarka Uunt Yus ti shiir awajsamu áiniawai tura ni tiraṉki̱sha nuja̱i̱ métek Uunt Yus ti shiir awajsamu ártatui.

Isk. 34:26

Kame Winia naintru yantamén nuṉka írunna nunasha tura nui̱ pujuinia nunasha péṉkernum yumiṉkrartatjai. Nuyá̱ yumisha tsawant nekapmatamua nuja̱i̱ métek yútak Winia péṉker yumiṉkruka yumi yuta ajattawai. Riw. 26:4

Isk. 36:27

Kame átum umiktin chichaman wi akupeaj nu ímiatrusrumek umikrum wekasaku tusan Winia Wakantrun atumín ikiursattajrume.

Isk. 39:29

Tuma asamtai yamaikia Wikia u̱mprukchartatjai. Warí, Winia Wakantruka Israer shuarnumka akupkámu átatui” tawai Uunt Yus Ashí Aentsu Uuntri̱.

Isk. 47:8

Nuyá̱ chichartak “Jú̱ entsaka etsa̱ tatainmaani̱ akawai tura Arapánam jeá nuyá̱ jeakú nayantsanam ama̱a̱ entsan tsuwawai.

Juir 2:27

Nui̱ṉkia átum Israer shuartiram Wi Úunt Yusaitjiana nu atumji̱a̱i̱ pujamu tí paant nekarattarme. Warí Wíkitjiai atumí Uunt Yusri̱ṉkia, chíkichkia peṉké atsawai. Tuma asamtai Wi shuartirmeka atakka peṉké natsanmai̱ juákchattarme.

Juir 2:28

Tuma asamtai ju̱na ukunam Winia Wakantrun ashí aentsun akuptúkartatjai. Nuja̱i̱ atumí uchirí̱sha núnisaṉ atumí nawantri̱sha Yúsnan etseriartatui tura úuntach ainia nuka mesekramiartatui. Núnisaṉ nátsaka ímiaja̱i̱k paant wainiartatui.

Juir 3:1

Nu túrunamtai tura nu tsawantinkia Jerusaréṉ pépruncha tura Jutá nuṉkancha aṉkant awajsattajna nui̱

Juir 3:18

Tura nu tsawantinkia nú nuṉka náintri̱sha pakari̱sha tí peṉker asamtai araksha tí peṉker tsapainiakui yurumkanka peṉké atsumachartatui. Tura Jutanmaṉka ashí entsa núkap wártatui. Núnisaṉ Uunt Yusa Je̱e̱ya̱ púkuni entsa jíntiatna nuka Setim nuṉka pakari̱n ukattiatui.

Mik. 5:7

Kame sánaka Yusai̱ya̱ winiatsuk tura yumisha aentsnaka nákatsui núnisaṉ yaaksha akupkachmaitiat yútakka ashí nuṉkan péṉker awajui. Núnisaraṉ Jakup shuar ishichik juákarua nuka ashí nuṉkan péṉker awajsártatui.

Sak. 12:10

Tura Tawitia shuari̱n nuyá̱ Jerusaréṉnum pujuinia nuna waitnenkartin tura Yus seamin enentái̱n súsartatjai. Nuya̱ṉka Winia ijiutiarmia nuna ijiumun wáinkiar kúntuts enentáimiainiak ni uchirí̱n chikichkiniak iwia̱i̱ri̱ ajakra núnis úttiartatui.

Mat. 12:43

“Shuara enentái̱ya̱ yajauch wakan jiinkí̱ yumi peṉké yútatsna nui̱ wéawai. Tura nui̱ péṉker pujustinian wáinkiach ataksha waketkitniun enentáimiui.

Tur. 10:45

Tuma ásar aṉkant aṉkant chíkich chichamja̱i̱ chichasarmiayi. Túmainiak “Yus tí peṉkeraiti” tiármiayi. Tura Israer shuar Yus shuar armia nuka Pítruja̱i̱ taarmia nu nuna antukar ti enentáimsarmiayi. Maa, Yusa Wakaní̱sha Israer shuarcha ainia nunasha tarurcharaik, tu enentáimsarmiayi

Tur. 2:17

‘Yus tawai “Jú̱ nuṉka amuukatin jeatémamtai winia Wakantrun yumi yaranua áintsaṉ ashí aentsnum akupkáttajai. Atumí uchirí̱ atumí nawantri̱sha Yusa Chichame̱n áujmatiartatui. Tura nátsaka íimiarartatui. Tura uuntka mesekramiartatui.

Tur. 2:33

Yuska Jesus naṉkamantuiti tusa ni untsuurí̱ni̱ apujsaiti. Tura ni Wakaní̱n Jesusan súsaiti Ni yaunchu timia nútiksaṉ. Tuma asamtai ju̱sha átum antukurmena nuna tura íisurmena nunasha Yus suramsaiti.

Tur. 2:39

Yus timia nuka atumín túramprume. Atumí uchirí̱ncha tura ashí arant matsatainia nunasha tawai. Kame ii Yusri̱ aentsun untsuktaj tusa wakerana nuna tawai” tímiayi.

Apu. 21:6

Ataksha chichartak “Yamaikia mash uminkiayi. Witjiai ashí juármari̱ tura amúamuri̱sha. Kame A rétranmaya̱ Y rétranam ashí retra áintsaṉketjai. Ashí kitiama núnaka tuke iwiaaku pujutai̱ entsan peṉké kuítchaja̱i̱ áartatjai.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.