Isa. 44:2 - Yus Papí: Shuarja̱i̱ Yus Yamaram Chicham Najanamu

² Ámin Najatma Uunt Yus jú̱nis tawai. Nukú aya̱shí̱ya̱ najatmamia nu yaintmaktatui. Winia takartin Jakupá ashamkaip. Kame ame Jesurunká Wi achikmajme.

Isa. 44:2 Iomraidhean Croise

YKan. 46:5

Yus nui̱ pujak ikiaká̱rtatui. Tsawant náṉkamkuisha tuke yáiṉtatui.

YKan. 71:6

Wi akiiniamiaj ímianiaṉ Ámeka winia emetruamiame. Winia nukuru initri̱ya̱ṉ jurusmamna nuka Ámetme. Tuma asan wikia Áminkia tuke shiir awajtiatjame.

YKan. 95:6

Wats iincha Uunt Yus najatma asakrin tikishmátrar shiir awajeakur wararsartai.

Isa. 41:10

Sapijmiakaip. Warí Wi ámiji̱a̱i̱ pujajai. Ashamkaip. Warí Wikia ame Yúsrumetjai. Tuma asan tuke yáiṉtatjame núnisnak Winia kakarmarja̱i̱ ikiaká̱rtatjame. Tura winia náka túrutair untsuuruja̱i̱ péṉker apujsattajme’ tímiayi.

Isa. 41:14

Ashamkaip Jakupa akari̱yá, maa, átumka Israer shuartirmeka wárumchikitrume. Ámin yáintmaaka Wíkitjiai ámin Uwemtikramin, Tunaari̱ncha Israera Yusri̱ Jiuwá tawai.

Isa. 41:8

“Túrasha ámeka Israerá, Winia amikiur Aprajáma shuari̱ya̱ Jakupan achikmiajna nu Wi wakeramu takartiniaitme.

Isa. 43:1

Yamaikia Uunt Yus ámin najatma jú̱nis túramui. Jakupá sapijmiakaip warí Wi sumakuitjiame. Israerá ámeka Wíniaitme tuma asakmin Wi anaikiamjame.

Isa. 43:5

Sapijmiakaip, warí Wi ámiji̱a̱i̱ṉkia pujajai. Kame amé shuarnaka nantu tatainmaya̱n ikiankartatjai antsu áminkia etsa̱ akatainmaya̱n itiattajme.

Isa. 43:7

Winia naarja̱i̱ untsukarma káunkarua núnaka Winia paant awajtiarat tusan najankarmiajai. Ti nekas Wi najankamu áiniawai.

Isa. 44:21

Jakupá, ame Israerá ju̱ enentáimturta. Warí ámeka winia takartiniaitme Wi najanamajme, ámeka winia takartiniaitme, Israerá kajinmátrukip.

Isa. 44:24

Ame nukú waké̱ ínitia̱ṉ najatma nu Uunt Yus ámin aṉkant awajtámsa jú̱nis túramui “Wi Uunt Yus ashí nájanjai. Aya nayaimpiniak ayapá̱jai nuṉkancha Wiki ayapá̱jai.

Isa. 49:1

Ashí nayantsa yantamén tura nuṉka náṉkatkamunam matsatrumna nú aentstirmesha antuktarum. Wikia akiiniatniuka atsa̱i̱ṉ Uunt Yus untsurkaiti. Tura winia nukurui̱ eṉketai̱n winia náarun pachis anaitiukuyayi.

Isa. 49:5

Tura Uunt Yuska winia nukurui̱ eṉketai̱n winia takartin atí tusa najatamai. Kame Jakupa shuari̱ Yusai̱ waketkiar Israer shuar Yusai̱ iruntrarti tusa Uunt Yus íimmianum shiir awajnásmajai. Tura winia Yúsruka winia kakarmar ajasuíti.

Jrm. 1:5

“Wikia nukui̱ṉkia najantsuk áminkia nekaamjame núnisnak akiintsumni̱ṉ Winia atí tusan akankámiajme. Tura ashí uunt nuṉka mátsatkamu áiniana nui̱ Winia chichamprun etserin atí tusan anaikiamiajme” turutmiayi.

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Ruk. 12:32

Winia murikrutiram ashamkairap. Untsuríchuitrume. Túrasha atumí Aparí̱ ni akuptáiri̱i̱n pachitmaktasa ti wakerutmarme.

Rum. 8:30

Tura Yus achikmia nuna Niniu awajsámiayi. Tura nu shuaran “péṉkeraitrume” tímiayi. Tura ti shiir awajsámiayi.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Muis. 32:15

Tura Jesurún ti nuer machar sáṉkanmia sáṉkanmia ajak nin najana nú Yusnaka páchitsuk iniaisámiayi. Núnisaṉ ni uwemtai̱ Kayasha ikiukmiayi.

Muis. 33:26

Israera Yúsri̱ji̱a̱i̱ métekka chíkichkia atsawai. Atumí ejamtairi̱ṉkia tuke pujú Yusaiti tura Niṉkia uwejé̱ja̱i̱ takus pujurtamprume. Túramu asarum péṉker pujustatrume. Warí atumí Yusri̱ṉkia naṉkaamas kakaram asa atumí nemasri̱nkia nupetkattawai túrak péṉker apujtamsattarme.” Tú timiayi Muisais.

1 Tis. 1:4

Yatsuru, Yus anenmarme. Anenma asa Winia ártí tusa achirmákurmena nusha nékaji.

Isr. 4:16

Yus waitneṉkratakur akupin pujutai̱niam shiir enentáiji̱a̱i̱ arantutsuk weantúktiniaitji. Tura Yus iin anenma asa waitnentramak itiurchat pujajnia nui̱ yaintmaktatji.