Isa. 43:3 - Yus Papí: Shuarja̱i̱ Yus Yamaram Chicham Najanamu

³ Wikia ámin uwemtikramin Israernumia̱ tunaarincha Úunt Yusaitjiai. Áminkia Ejiptuja̱i̱ yapaji̱áitjiame. Núnisnak Itiupíancha Séwaja̱i̱ amiin surukmajai.

Isa. 43:3 Iomraidhean Croise

Naṉ. 10:7

Nuyá̱ Kusa uchirí̱sha Sewa, Awiira, Sapta, Rama tura Sapitkia ármiayi. Núnisaṉ Rama uchirí̱sha Shiwia tura Tetan ármiayi.

YKan. 72:10

Nuya̱sha Társesnumia̱ úunt akupin áiniasha tura tsue̱r nuṉkanam pujuinia nusha ni wariri̱ ikiatkar súsartatui. Nuyá̱ Shiwia nuṉkanmaya̱sha tura Séwanmaya̱sha nútiksaraṉ súsartatui.

Jiin. 10:7

Nui̱ṉkia Parauṉka takarniúri̱ nin chicharainiak “¿Urutáik ju̱ áishmaṉsha iincha itiurchat awajtámtsuksha iniaitiámsatajⁱ? ¿Ju̱ aentssha akuprarta ni Uunt Yusri̱n tikishmátuwarat? ¿Warí Ejiptu nuṉka emesnaka nuka nékatsmek?” tiármiayi.

Jiin. 20:2

“Witjiai Uunt Yus ame Yúsrum Ejiptunmaya̱ íniakur wáitkiatai pujamin jí̱i̱kmiajmena nu.

Neka. 11:8

Shuar péṉker enentáimkia nuka wáitsatniunmaya̱ aṉkant awajnásuiti. Túrunamtai Yusan enentáimtichuka íksaṉ ní waitsatniuri̱n súmamui.

Neka. 21:18

Wáitrin tura yajauchin túrinia nu asutniakui péṉkera túrinkia aṉkant awajnástatui.

Isa. 41:14

Ashamkaip Jakupa akari̱yá, maa, átumka Israer shuartirmeka wárumchikitrume. Ámin yáintmaaka Wíkitjiai ámin Uwemtikramin, Tunaari̱ncha Israera Yusri̱ Jiuwá tawai.

Isa. 42:8

Wikia Uunt Yusaitjiai, Winia Naarka nuiti. Tura Winia péṉkeruncha chikichan súsashtatjai núnisaṉ Winia shiir awajtutai̱rja̱i̱ nakumka najanamu yusa nuna shiir enentáimtusara̱i̱ṉ tusan peṉké tsaṉkatkachartatjai.

Isa. 45:21

Kame yúsaiti tusarmechuk untsúarum wats, weantúkrum untsuktarum. Túrarum ashí anintrústaj tusarum weantúktarum. Yama naṉkamtaiksha ¿ya ju̱na tíniuit? ¿Ya ti yáunchusha etserkait? ¿Nuiṉkia nu Uunt Yus Wíchakaitiaj? Tura Wini̱ya̱ṉka chíkich yuska péṉkeran túrak uwemtikkiartinkia peṉké atsawai.

Isa. 49:26

Nuyá̱ ámin wáitkiarmainia núnaka ni namaṉke̱nak ayurawartatjai túran ni numpe̱ja̱i̱ṉ winiu umar nampeana núnikiartatui. Nuyá̱ ashí nuṉkanmaya̱ aents Wikia Uunt Yus ámin Uwemtikin, ame Tumashrumin Akikmakua nu tura Jakupa shuari̱ Yusri̱ kakarmaitjiana nuna nekarawartatui” tawai.

Jrm. 16:21

Tuma asamtai yamaikia Wi nékamtikiajrume. Antsu yamaikia Winia kakarmarun tura Winia kakarmar nupetkachminia nuna iniaktustatjarme. Tura Winia naarka Uunt Yusa nu nekaattarme.

Isk. 39:7

Nuya̱ṉka Wi Tunaarinchaitjiana ju̱na Israer shuar nekarawartatui. Tura Winia Tunaarincha náarun ántar yajauch áujmatsacharti tusan peṉké tsaṉkatkachartatjai. Tura yajá nuṉkanmaya̱ shuar ainia nusha Wi Uunt Yus Israera Yusri̱ Tunaarinchaitjiana ju̱na nekarawartatui.

Use. 13:4

Ejiptunam pujumiarmena tímianiaṉ Wikia atumí Úunt Yusri̱ntjiai. Wíkitjiai Yus. Chíkichkia wáinkiashtatrume. Tura chíkich uwemtikkiartincha wáinkiashtatrume antsu aya Wíkitjiai.

Ams. 9:7

“Maa Israer shuará, Wi íismaka atumsha Itiupíanmaya̱ aentsu uchiri̱yá ¿ániuchukaitrum?” tawai Uunt Yus. “Warí Wíkichuk Israer shuarnasha Ejiptunmaya̱ ¿ji̱i̱rarmaj tura Jiristíu aentsnasha Kapturnumia̱ jí̱i̱rcharmakiaj núnisnak Sírianmaya̱ aentsnasha Kírnumia̱ jí̱i̱rcharmakiaj?” tawai.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15