Isa. 43:1 - Yus Papí: Shuarja̱i̱ Yus Yamaram Chicham Najanamu

¹ Yamaikia Uunt Yus ámin najatma jú̱nis túramui. Jakupá sapijmiakaip warí Wi sumakuitjiame. Israerá ámeka Wíniaitme tuma asakmin Wi anaikiamjame.

Isa. 43:1 Iomraidhean Croise

YKan. 100:3

Nekaatarum, Uunt Yuska Yúsaiti. Imiá iikia najanmamachuitji. Antsu Ni najatmaitji. Kame murikiu wáinniua núnis wáitmaji. Tuma asar Ni shuaraitji.

Sak. 13:9

Núnaka aya kuítiak ajasat tusar tura aya kúrik juákat tusar jinium áesainia núnisnak wisha jinium áesan nekapsattajai. Nuiṉkia winia náarun pachisar untsurainiakui wisha anturkaran ‘Átumka wí shuaraitrume’ tiártatjai. Tutai ni chichartuiniak ‘Uunt Yuska ii Yúsri̱nti turutiartatui’” tímiayi Uunt Yus.

Isa. 43:7

Winia naarja̱i̱ untsukarma káunkarua núnaka Winia paant awajtiarat tusan najankarmiajai. Ti nekas Wi najankamu áiniawai.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Apu. 5:9

Ju̱ yamaram kantancha kantampriarmai “Amek imiá naṉkaamas akupniuitme. Amek papí achikiam asakamu já̱a̱kminiaitme. Yus sutai namaṉkea áinis mantamna asam túramniaitme. Ashí nuṉkanmaya̱ shuarnumia̱sha Yusna árat tusam ame numpe̱mja̱i̱ iin sumakmiame.

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

Isa. 42:6

“Wi Uunt Yus nekasa nuja̱i̱ métek túrakun untsukmajme. Tuma asan eṉkesan ewekámsattajme. Núnisnak péṉker wainkian ashí aentsja̱i̱ chícham najanamua núnisan apujsattajme ántsamek ashí nuṉká tsáapnintri̱ átatme. Ruk. 2:32; Tur. 13:47

2 Tim. 2:19

Túrasha Yus ashí naṉkaamas enentáimtustinia nuna paant awajsaiti. Jú̱nisaiti “Uunt Yus ni shuari̱n nékainiawai” tura nuyá̱ “Ashí Kristu shuari̱ ainia nu tunaanumia̱ kanakiarti.”

Isa. 44:2

Ámin Najatma Uunt Yus jú̱nis tawai. Nukú aya̱shí̱ya̱ najatmamia nu yaintmaktatui. Winia takartin Jakupá ashamkaip. Kame ame Jesurunká Wi achikmajme.

Isa. 41:14

Ashamkaip Jakupa akari̱yá, maa, átumka Israer shuartirmeka wárumchikitrume. Ámin yáintmaaka Wíkitjiai ámin Uwemtikramin, Tunaari̱ncha Israera Yusri̱ Jiuwá tawai.

Isk. 16:8

Tura tsakaram anaṉkratamnia ajasákmin nekasan umiktatjai tusan ámiji̱a̱i̱ chichaman najanamjai nuya̱ṉka Winia awajsámjame. Pushincha áentsramjame tura sapatnasha awemtikiamajme núnisnak kuriji̱a̱i̱ iwiarmamtai najankamuja̱i̱ ti shiir iwiaramjame. Yurumkasha tí peṉker iwiarkamu yuámame tura tí shiirmach ajasam naṉkamantu páantin ajasmame. Tí shiirmach awajsámjamna nuja̱i̱ ashí nuṉkanam nekarmawarmai tawai Uunt Yus Ashí Aentsu Uuntri̱.

Jrm. 50:34

Túrasha ámin Uwemtikramniuka tí kakarmaiti. Tura ni náari̱ṉkia Ashí Akupin Úunt Yusaiti. Kame wáitiainia ásarmatai nekas chichampruktatui. Nuna tura nuṉkanka ayamtikiar Jerusaréṉnum matsatainianka páchim enentáimtikrartatui.”

Jiin. 33:17

Nuyá̱ Uunt Yus Muisaisan chicharuk “Winia waitnenkartutair wainkia asakmin núnisnak náarmin nekáa asan támena núnaka ímiatrusnak túrattajai” tímiayi.

Mks. 3:17

Tura Ashí Akupin Uunt Yus chichaak “Wi sumamtikiattajna nu tsawantinkia apa ni uchirí̱ umiriam waitnenta nútiksanak winia ti shiir kuítrua núnis awajsamu ásarmatai waitnentrartatjai.”

Tur. 27:25

Wisha winia Yúsrun nekas enentáimtajai. Yusa suntari̱ turutainia nuna nekas tu túrunattawai, tajai. Tuma asamtai kaka̱rtarum.

Jrm. 31:3

Kame yáunchuk Uunt Yuska wíniaka wantintiurkamai tura chichartak “Winia aneṉkrattair náṉkatkachua nuja̱i̱ tuke aneemjame tuma asan Winia waitneṉkratairnaka iniaṉnatkachuitjiame.

Naṉ. 32:28

Takui̱ áishmaṉ chicharuk “Yamaikia ámeka Jakupka áchattame, antsu Israer náartin átatme. Warí Yusja̱i̱ tura áentsja̱i̱sha mánaikiam awakmakume” tímiayi.

YKan. 102:18

Ukunam akiiniawartatna nusha nekaawar ii Yusri̱n wararsarti tusar ju̱ chichamka aarma atí.

Muis. 32:9

Warí Uunt Yusna tesamuka ní shuarchakait. Tuma asa níniua nuka Jakup shuaraiti.

Isa. 49:1

Ashí nayantsa yantamén tura nuṉka náṉkatkamunam matsatrumna nú aentstirmesha antuktarum. Wikia akiiniatniuka atsa̱i̱ṉ Uunt Yus untsurkaiti. Tura winia nukurui̱ eṉketai̱n winia náarun pachis anaitiukuyayi.

Jrm. 33:24

“Ámeka ju̱ shuar chichainiak ‘Uunt Yus jimiará matsatka aentsun Israer Jutaja̱i̱ Wí shuaraiti tusa achikiárat ajapawaruiti’ tiarma nuka ¿antukchamkum? Warí niṉkia Wí shuaran imiancha enentáimtuiniak uunt nuṉka mátsatka ímianu enentáimtuiniatsui.

Jrm. 33:26

nuiṉkia Wikia Jakupa tiraṉki̱ncha tura Winia takartin Tawitia tiraṉki̱ncha nakitrartatjai. Tura Tawitia uchirí̱nkia Aprajáma uchirí̱n, Isaknasha núnisan Jakupnasha, nin úunt akupin ajasarti tusan apujsashtatjai. Antsu nekas Wikia nin péṉkernum apujsattajai túran waitnentrartatjai’ tawai” tímiayi.

Jiin. 15:13

Tura amé shuarum uwemtikrarmamna nu waitnenkartutairmiji̱a̱i̱ yarumename. Tura ame kakarmarmiji̱a̱i̱ péṉker nuṉkanam juíniame.

Tur. 27:20

Tura untsurí tsawant tsawai̱sha etsantrachmiayi tura káshisha yaasha tsaparcharmiayi. Tura nasesha ti kakantar tukumpramkurin “Yamaikia uwempratin atsawai” tiármiaji.

Jiin. 15:16

Uunt Yusru, amé shuar uwemtikrarmam nu iniaṉkamam ame naṉkamantu kakarmarmiji̱a̱i̱ nú aents sapijmiainiak kuraṉkar kaya núnis muchitkiachu ajasártatui.

Isa. 43:5

Sapijmiakaip, warí Wi ámiji̱a̱i̱ṉkia pujajai. Kame amé shuarnaka nantu tatainmaya̱n ikiankartatjai antsu áminkia etsa̱ akatainmaya̱n itiattajme.

Isa. 52:9

Jerusaréṉka emeskar jú̱nik ikiukmiaitiatrumek ti shiir warakrum untsumkatarum. Warí Uunt Yuska ni shuari̱n atsaṉkrachukait. Tura Jerusaréṉnasha akikmatak awaiṉkin asamtai warastarum.

Tan. 10:19

Tura chichartak “Ti aneamu áishmaṉká sapijmiakaip. Aṉkant átinkia ámiji̱a̱i̱ atí. Núnismek katsuntram kakaram ajasta” turutmiai. Túrutkui kakaram ajasan chicharkun “Winia uuntru ikiakátra asam yamaikia chichakta” tímiajai.

Muis. 32:6

¿Átumka waurka ántichu aentsua ánin ajasrumek Uunt Yus shiir enentáimtikniuram? ¿Kame atumí aparí̱ṉkia Yúschakait? ¿Najatma kakarmarmincha núnisaṉ pujustinniasha ashí iwiarak amasua nuka tura yámankamtaik atumín najatmaka Níchukait?

Muis. 32:15

Tura Jesurún ti nuer machar sáṉkanmia sáṉkanmia ajak nin najana nú Yusnaka páchitsuk iniaisámiayi. Núnisaṉ ni uwemtai̱ Kayasha ikiukmiayi.

Isa. 49:26

Nuyá̱ ámin wáitkiarmainia núnaka ni namaṉke̱nak ayurawartatjai túran ni numpe̱ja̱i̱ṉ winiu umar nampeana núnikiartatui. Nuyá̱ ashí nuṉkanmaya̱ aents Wikia Uunt Yus ámin Uwemtikin, ame Tumashrumin Akikmakua nu tura Jakupa shuari̱ Yusri̱ kakarmaitjiana nuna nekarawartatui” tawai.

Ukan. 3:57

Wi untsukmajmena nu tsawantini̱ṉ tarutim chichartakum «Sapijmiakaip» turutmiame.