Isa. 42:8 - Yus Papí: Shuarja̱i̱ Yus Yamaram Chicham Najanamu

⁸ Wikia Uunt Yusaitjiai, Winia Naarka nuiti. Tura Winia péṉkeruncha chikichan súsashtatjai núnisaṉ Winia shiir awajtutai̱rja̱i̱ nakumka najanamu yusa nuna shiir enentáimtusara̱i̱ṉ tusan peṉké tsaṉkatkachartatjai.

Isa. 42:8 Iomraidhean Croise

YKan. 66:2

Ni Naari̱ naṉkamantu náakam asamtai kantampruátarum. Túrarum Ni páantniuri̱ shiir awajsatarum.

YKan. 83:18

Ame náaram Jiuwayaitmena nuna nekarmawarti. Tura aya Amek ashí nuṉkanam Ashí Naṉkamantuitmena nuna nekarmawarti.

Jiin. 34:14

Warí ántrarum chíkich yus tikishmátrairap, Yuska ti akasmawiti. Tuma asa ni náari̱ṉkia Akasmatkartin Yúsaiti.

Jiin. 4:5

Ataksha Uunt Yus Muisaisan chicharuk “Nuní̱ túrakmin nuiṉkia ‘Uunt Yus ame Úuntrumin Aprajáma Yusri̱ tura Isaka Yusri̱ nuyá̱ Jakupa Yusri̱ nekas wantintiurmakúme’ turamartatui” tímiayi.

Isa. 43:3

Wikia ámin uwemtikramin Israernumia̱ tunaarincha Úunt Yusaitjiai. Áminkia Ejiptuja̱i̱ yapaji̱áitjiame. Núnisnak Itiupíancha Séwaja̱i̱ amiin surukmajai.

Jrm. 33:2

“Uunt Yus nuṉkan najana muchitkiachmin awajsámia nu ni náari̱ṉkia Uunt Yusa nú chichartak

Tan. 5:4

Nui̱ wíniun úmuiniak ashí ni yusri̱ kuriji̱a̱i̱ kuitji̱a̱i̱ yaṉkú jiruja̱i̱ tura namincha jiruja̱i̱ ántsaṉ numiji̱a̱i̱ nuyá̱ kayaja̱i̱sha najankamu armia nuna shiir awajsarmiayi.

Juaṉ 5:23

Tuma asamtai ashí shuar Yus Apan shiir awajainia áintsaṉ ni Uchirí̱ncha métek shiir awajsatin áiniawai. Yus Apa ni Uchirí̱n akupka asamtai Uchirí̱n shiir awajeatsna nuka Yus Apancha shiir awajeatsui” tímiayi.

Juaṉ 8:58

Tutai Jesussha chichaak “Ti nekasan tájarme, Aprajámka pujatsa̱i̱ṉ Wikia Wíkitjiai” tímiayi Jesus.

Muis. 28:58

Tura Uunt Yus atumí Yusri̱ ashí naṉkamantu nuyá̱ tí tsuumainia nu ashamakrum esettsarum enentáimtusrum ni akupkámu chicham ju̱ papinium áarmana nu umirchakrumni̱ṉkia