Isa. 42:3 - Yus Papí: Shuarja̱i̱ Yus Yamaram Chicham Najanamu

³ Tura pintiu punuancha kupikchattawai. Núnisaṉ ji kaji̱niuncha ikiajniákchattawai. Antsu nekasa nuja̱i̱ métek sumamtikiattawai.

Isa. 42:3 Iomraidhean Croise

YKan. 147:3

tura enentáinium jaa ainia nunasha tsuáwiti tura akaṉmári̱ncha jaanchji̱a̱i̱ pénuiniaiti.

YKan. 54:5

Yus winia nemasrunka yajauch túrutairi̱ni̱ṉ iniarat tusa níniak aju̱ntrattawai. ¡Ame nekas túrutairmiji̱a̱i̱ emesrarta!

YKan. 94:15

Kame yamái péṉker sumamtikiatin atsana nu ukunmaṉka métek sumamtikiatin átatui. Nui̱ṉkia péṉker enentáimin ainia nusha nui̱ pachinkiartatui.

YKan. 98:9

Jiuwá íimmianumka warastarum. Warí nuṉká matsatainian sumamtikiataj tusa winiawai. Túrak nuṉkanka nekasa nuja̱i̱ métek naka sumamtikiattui, aentsnasha núnisan tímiatrusan métekrak sumamtikiattawai.

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Isa. 40:11

Kame murikiu wáinin ni murikrí̱n wáiniuk kakaram akuptáiri̱ji̱a̱i̱ uchichíri̱nkia irurartatui. Murikchinkia miniakas jurukiartatui. Tura amuntsainia núnaka waitnentas yaruakartatui.

Isa. 42:2

Tura chichaaksha kakantar chichakchattawai. Núnisaṉ páasanmasha ántumtikiashtatui.

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Isa. 50:4

Pimpikin ainia nu jintintiakur péṉker chichaktinniaka ii Uunt Yusri̱ surusuiti. Tuke káshik ishintiátui. Unuimiáru áiniana tímiatrus anturtukat tusa tuke káshik wíniaka ishintiátui.

Isa. 66:2

“Ashí ju̱i̱ írunna núnaka Winia uwejruja̱i̱ najankamiajai. Túramu ásar irunainiawai tawai Uunt Yus. Antsu Wíji̱a̱i̱ṉkia péejchach áiniana nu ni tunáa túramun enentáimtusar wakaní̱ji̱a̱i̱sha kúntuts enentáimtumainiak Winia chichamprun antukar kurainiana nuna péṉker enentáimtusartatjai. YKan. 34:18; Tur. 7:50

Isa. 9:7

Tura Ni akuptáiri̱ncha nuyá̱ Tawitia pujutái̱ri̱ncha Ni akupeamuri̱ṉkia tí naṉkamantu kakaram ajas núnisaṉ aṉkant pujustincha náṉkatkachu átatui. Núnaka yamaiya̱ ju̱yá̱ tura tuke átinian nekasa nuja̱i̱ métek péṉker túrattawai. Kame Ashí Akupin Uunt Yusa nu tí akasmatak núnaka túrattawai.

Jrm. 31:25

Kame enentáiniam kakarmachu tura pimpiráru ainia nunasha Wi ikiaká̱rjai” Uunt Yus tímiayi.

Isk. 34:16

Murik meṉkaka tura waaku ainia nunasha e̱a̱karan ni ai̱ matsatainia nui̱ awaiṉki̱ itiartatjai. Tura kupiniaku ainia nunasha penuarartatjai núnisnak jáiniancha ikiaká̱rartatjai. Nuyá̱ unuerma tura kakaram ainia núnaka amukártatjai” tawai Uunt Yus.

Mat. 11:28

Ashí pimpikniutirmesha itiurchat pujarmena nusha Winí̱ winitiárum. Túrakrumni̱ṉkia ayamtikrattajrume.

Mat. 12:20

Tura pintiu punuancha kupikchattawai. Núnisaṉ ji kaji̱niuncha ikiajniákchattawai. Antsu nekasa nuja̱i̱ métek sumamtikiattawai. Isa. 42:1-3

Juaṉ 20:27

Nuyá̱ Tumasan chicharuk “Winia uwejur iisam ame uwejém awa̱intiuata. Núnismek winia paerui̱ uwejém awa̱intiuam iistá. Tura arantutsuk nekas enentáimtursata” tímiayi.

Juaṉ 5:30

“Wikia, Wi wakeramun e̱a̱tsjai antsu Winia akuptúkua nu wakeramun túrajai. Tuma asan Wíkikia warinkisha túratsjai. Wi itiur ántaj tímiatrusnak súmamtikiajai. Witjiai súmamtikiunka nekasa nuja̱i̱ métek súmamtikiajai.

Apu. 19:11

Nuyá̱ nayaimp uranniun wainkiamjai. Nui̱ kawái puju wantinkiamai. Nu kawainium ekema nuna naari̱ Tí Peṉker Umin tutaiyi. Núnisaṉ Ti Nekas Túrin tutaiyi. Tí peṉker Akupin asa aya nekas péṉker túrak mesetan najanaiti.