2 Tura chichaaksha kakantar chichakchattawai. Núnisaṉ páasanmasha ántumtikiashtatui.
Ju̱i̱ti Winia takartin anaikiamu yáiṉtatjana nu. Wi anaikiamu asamtai wakantrusha shiir enentáimtawai. Winia wakantrun nin súsaitjiai. Túramu asa nekasa nuja̱i̱ ashí nuṉkan sumamtikiawartatui.
Tura pintiu punuancha kupikchattawai. Núnisaṉ ji kaji̱niuncha ikiajniákchattawai. Antsu nekasa nuja̱i̱ métek sumamtikiattawai.
Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15
Wi kajechu asan tura péejchach enentáimin asamtai Winí̱ winirum unuimiártarum. Kame kijinian Wi súajrumna nu achikrum jukitiarum. Winia chichamur ántakrum umirtakrumniṉkia átum enentáimin ayamprattarme.Jrm. 6:16
Pariséu aents Jesusan inintrak “¿Yusa akupeamuri̱ urutáik ati?” tutai Jesus chicharuk “Yusa akupeamuri̱ paant wáinkiachminiaiti. ‘Yamái naṉkamnayi’ tichamniaiti.
Ii uuntri̱ Jesukrístu takarniuka chíkich shuarja̱i̱ nemasmanaikiashtiniaiti antsu ashí shuarja̱i̱ péṉker nawamnaikiatniuiti. Tura waitnentáimturar péṉker jintintiátniuiti.
Kátsekeamsha Niṉkia katsekachmiayi. Wáitkiamsha “yapajmiáktaj” tíchamiayi. Antsu “winia Apar Yus iistí” tímiayi Yus péṉker túrin asamtai.