Isa. 42:1 - Yus Papí: Shuarja̱i̱ Yus Yamaram Chicham Najanamu

¹ Ju̱i̱ti Winia takartin anaikiamu yáiṉtatjana nu. Wi anaikiamu asamtai wakantrusha shiir enentáimtawai. Winia wakantrun nin súsaitjiai. Túramu asa nekasa nuja̱i̱ ashí nuṉkan sumamtikiawartatui.

Isa. 42:1 Iomraidhean Croise

Naṉ. 49:10

Nekas nérentin táatsa̱i̱ṉ úunt akupniu akuptáiri̱ Jutaka atankichmin átatui. Nunasha ashí aents umirin ártatui.

YKan. 72:4

Núnisaṉ péprunam wáitkiasma matsatainia nunasha ayamprúkartatui. Tura atsumainia nuna uchirí̱ncha yaiṉkiartatui nuyá̱ itiurchat awajkartinniasha nupetkartatui.

YKan. 89:4

‘Amé wean iniaṉnatsuk átatui tura yamaisha ukunmasha aminí̱ya̱ akupin tuke átinian iwiarturuitjiai’ tákum” turutmiame. (Séraj)

Isa. 2:4

Tura ashí nuṉkanam Akupea asa ashí aentsun chicharkartatui. Tura aentska ni puya̱ri̱nkia nuṉka pukutai tura naṉkirí̱nkia trikiu tsupitiai̱ awajsártatui. Aentssha chíkich nuṉkanmaya̱ aentsja̱i̱ mesetan jurunáikchartatui. Nui̱ṉkia mániatin unuimiátratniusha peṉké atsuttawai.

Isa. 41:8

“Túrasha ámeka Israerá, Winia amikiur Aprajáma shuari̱ya̱ Jakupan achikmiajna nu Wi wakeramu takartiniaitme.

Isa. 41:9

Wikia nuṉka náṉkata ímianiaṉ Winia aminiam tusan áminkia untsukmiajme. Tura asan ‘Wikia winia takarniúr átatme tímiajme. Tura Wi anaikia asan áminkia peṉké iniaisachuitjiame.

Isa. 42:2

Tura chichaaksha kakantar chichakchattawai. Núnisaṉ páasanmasha ántumtikiashtatui.

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Isa. 52:13

Nekaatarum, Winia takartin nupetmaktatui. Kame uunt awajsar tura páantin awajsamu núnisaṉ ti náakam awajnástatui.

Isa. 53:11

Nuyá̱ Ni wakaní̱ wáitsamia nuja̱i̱ tsáapninian wainiak ti shiir enentáimprattawai. Winia takartin tí peṉkera túrin asa ni nékamuriji̱a̱i̱ ti untsurín makuchmin awajsattawai kame niṉkia ashí aentsu tunaari̱n entsaktatui.

Isa. 59:21

“Wikia chichaman niji̱a̱i̱ jú̱nis nájanjai. Winia wakaniur atumín pujurtamna tura Winia chichamprun ujakuitjiarmena nuya̱ṉka peṉké kanakchatniuitrume. Núnisaṉ atumí shuari̱sha nuna tiraṉki̱sha nuyá̱ tiraṉki̱sha yamaiya̱ juárkin ju̱ chichamnumia̱ṉka peṉké kanakchatin áiniawai” tawai Uunt Yus.

Isa. 61:1

Uunt Yus anaitiuku asamtai Yusa Wakaní̱ winí̱ pujurtawai. Wáitiainia nu péṉker chicham ujakárta tura enentáiji̱a̱i̱ jáiniana nusha tsuárarta núnismek achira yaruakma ainia nusha aṉkant ajastatrume tura sepusha uraniartatui tu etserkata tusa akuptúkuiti. Ruk. 4:18

Aji. 2:23

Ashí Akupin Uunt Yus chichaak ‘Saratiára uchirí̱ Surupapír Winia takartiniá, nú tsawantinkia Winia uwejruí̱ weamatai̱ya ímiatrusan Wi anaikiamu asakmin áminkia tuke wainkiattajme. Wi Ashí Akupin Uunt Yus tajai’ titiá” tímiayi.

Sak. 3:8

Yúsnan pujurniu uuntri̱ Jusuiyá amesha tura ame tsaníakmaram Yúsnan pujurin ámiji̱a̱i̱ pujuinia nuja̱i̱ ukunam ártatna nuna nakumin árumin ju̱ anturkatarum. Nekaatarum, Winia takarniurun Kanawe̱n tutai jé̱e̱rtatna nuna utitiatjai.

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Ruk. 3:22

Tura Yusa Wakaní̱ yámpits najanar paant tarurmiayi. Tura Yus nayaimpinmaya̱ chicharuk “Amek winia aneamur Uchiruitme, Ámin ti wararjame” tímiayi.

Ruk. 4:18

Yusa Wakaní̱ winí̱ pujurtawai. Shuar warainiachun shiir chichaman ujaktinian anaitiukuiti. Kúntuts enentáimiar wake mesek pujuinian tsuártinian akuptúkuiti. Achira yaruakma ainia nusha aṉkant awajsaruiti tura ji̱ kusurúncha íimtiktinian tura yajauch awajsamu ainia nuna péṉker awajsatniuncha

Ruk. 4:19

tura Uunt Yus shuaran yáiṉtin tsawant jean etserkatniuncha akuptúkuiti. Isa. 61:1-2

Ruk. 9:35

Nuiṉkia yuraṉminmaya̱ chichaamun antukarmiayi “Ju̱ka winia aneamu Uchiruiti. Ni anturkatarum.”

Juaṉ 16:32

Tí warik átumka ashamkarum tsakiṉmakattarme tura Winiak ikiurkittiarme. Antsu winia Apar pujakui Wiki pujatsjai.

Juaṉ 3:34

Yus akupkámuka Yusa Chichame̱n étserui. Warí, Yuska ni Wakaní̱nkia nekapmas amaatsji.

Juaṉ 6:27

Ju̱yá̱ yurumak amuukatin asamtai ti enentáimtuschatnuitrume̱. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi Aents Ajasu asan susattajrume. Tú tusa Yus Apa nuna túratniun surusuiti” tímiayi.

Tur. 10:38

Tura ju̱sha nékatsrumek. Nasarétnumia̱ Jesus, Yus Anaikiamu asa, Yusa Wakaní̱ kakarmari̱ji̱a̱i̱ péṉker túriniuyayi. Iwianchruku wáitias pujuarmia nuna péṉker awajsámiayi. Yus Niin pujurma asa ashí nuna túriniuyayi.

Tur. 11:18

Tura Pítiur táman antukar mitia wáinkiar “Nekasaiti Israer shuarchancha ni enentái̱n yapaji̱áwarmatai tuke iwiaaku átinian Yuska nin súsaruiti” tiármiayi. Tusar Yusa náari̱n ti shiir awajsarmiayi.

Tur. 28:28

Tuma asamtai nekaatarum. Yamaikia Yusai̱ uwempratin ana nuna Israer shuarcha susamuiti. Tura niṉkia nekas umikiartatui” tímiayi.

Tur. 9:15

Tutai Uunt Jesus chichaak “Ántkisha wetá. Jú̱ aishmaṉkan winia etserniur atí tusan Wi achikjiai. Nisha Israer shuarchancha tura úunt akupniuncha tura Israer shuarnasha wínian etserin átatui.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Ipi. 1:6

Núja̱i̱ṉkia ni waitnenkartutairi̱ imiá péṉkera nu paant atí tusa nuna túriniaiti. Núnaka peṉké ántar ni aneamu Uchirí̱n suramsaitji.

Ipi. 3:8

Ashí Yus shuarja̱i̱ naṉkaamas wi péṉkercha ai̱ṉ Israer shuarchanum shiir chichaman etserkat tusa Yus tsaṉkatrukmiayi. Krístuja̱i̱ṉkia kuitji̱a̱i̱ naṉkaamas péṉker, enentáimtustin jeatsjinia nu, takakji. Nusha ti shiir chichamaiti.

Jir. 2:7

antsu nuna ikiuak aents ajas péejchach asa ashí aentsu takarin ajasmiayi. Tura aentsu aya̱shi̱n aya̱shímiak tura Yusan umireak jákatniuncha surimiakchamiayi. Maa, imiá tunaarinniua áintsaṉ krúsnum natsanmainium jakamiayi.

Kurs. 1:13

Yus iwianchin nupetak íwianch akupeana nú kiritniunmaya̱ uwemtikramar ni aneamu Uchirí̱ akupeana nui̱ wearmákmiaji.

1 Pit. 2:4

Ii Uuntri̱ Kristu kaya ántsaṉkete. Tura shuar kayan yajauchin nakitiáinia núnisaṉ Jesukrístun nakitrarmiayi. Tura kayan tí peṉkeran wakeruinia núnisaṉ Yuska “winia Uchir tí peṉkeraiti” tusa Jesukrístun achikmiayi. Atumsha Jesukrístu weantuktarum. Ni iwiaaku káyaiti.

1 Pit. 2:6

Jesukrístunun Yusa Papirí̱i̱n jú̱nis áarmaiti “Iistarum. Kayan tí peṉkeran achikjiai” Yus tímiayi. “Je̱a̱n emka apujtuamuri̱ atí tusan Seúnnum ápujeajai. Nin enentáimtana nu ántar enentáimtachu asa natsa̱rchattawai.” Isa. 28:16