Isa. 4:3 - Yus Papí: Shuarja̱i̱ Yus Yamaram Chicham Najanamu

³ Tura Jerusaréṉnum juákaru ainia nuka kame Seúnnum ikiukmia tunaarincha áiniawai tunartatui. Kame Jerusaréṉnum pujuinia nu ashí ni naari̱ papinium anujkamu áiniawai.

Isa. 4:3 Iomraidhean Croise

YKan. 69:28

Kame tuke iwiaaku átin papinium ni naari̱ anujtúkaraip. Núnisaṉ péṉkera túrin ainia núja̱i̱sha iruntracharti.

YKan. 87:6

Jiuwá pepru náari̱n anujtiartatna nui̱ nincha Rajapan pe̱a̱k chichaak “Ju̱ka Seúnnum akiiniaiti” títiatui.

Isa. 1:27

Nekas ni yajauch túrutairi̱n iniaisarmatai nuja̱i̱ Seunka ataksha awaiṉkir péṉker awajsamu átatui. Antsu Yusa nakitiáinia nuka amukma ártatui. Numi ukat ukatniua nui̱ najanamu yus shiir awajmiarum nu natsa̱a̱rartatui. Tura nu enentáimtusrum kúntuts pujustatrume. Kakaram ainia nusha tura takatrí̱sha chirunka núnisaṉ mai̱ keekartatui. Túrasha nui̱ṉkia yaaksha nuna ikiajniáktin atsuttawai. Tu Israer shuaran Isayas ujakármiayi.

Isa. 28:5

Tura nu tsawantinkia Ni shuari̱ juákaru ainia nuna páantin tawaspáa núnis tura tí peṉker iwiarmamka áinis Ashí Akupin Uunt Yusa nu ajastatui.

Isa. 35:8

Tura nui̱sha jintia kayaja̱i̱ péṉker iwiarkamu átatui Nuka “Yusna Akantúkma Wekaatai̱ Jintia” tama átatui. Tunamka ainia nuka nuniṉkia naṉkaamakchartatui. Yusak Niṉki ni shuari̱ji̱a̱i̱ pujustatui. Tura aents wárik ántichu ainia nusha nú jintianam wáatsuk wekaasartatui.

Isa. 46:3

Maa, Jakup shuartirmesha kame Israer shuara nu iwiaaku juákutirmesha akiintsurmini̱ṉ nukuí̱ eṉketrumni̱ṉ Wi achikma asarun antuktarum.

Isa. 52:1

Maa Seuná shintiarta, shintiaram kakaram ajasta. Kame Yusna akantúkma pepru Jerusaréṉka ti péṉker pushiram entsarta. Warí, tsupirnakchaka tura yajauch shuar ainia nuka atakka aminí̱ṉkia peṉké waya̱chartatui.

Isa. 6:13

Núnisaṉ tias írutkamunmaya̱ chikichik juáktatna nusha amukma ártatui. Túrasha ensena numi ajakam aya ájiṉkiari̱ṉ juákiat jeana núnisaṉ nuna ajiṉkiári̱ya̱ peṉké tunaarincha jé̱e̱rtatui” turutmiayi.

Isk. 13:9

Tura ántar ímiaja̱i̱k wainiainiana nuna nuyá̱ ‘nekamniuitjiai’ tusar wáitian etserainiana nunasha yamaikia asutiáwartatjai. Tuma ásar nu shuarka Israer shuara úuntri̱ṉkia áchartatui. Núnisaṉ Israer shuara naari̱ aarma áiniana nú papiniumsha ni náari̱nkia áantrachartatui tura Israer shuara nuṉke̱ncha atakka waketkichartatui. Nu túrunamtai Wikia Uunt Yus Ashí Aentsun Úuntri̱ntiaj nuna paant nekarawartatui.

Isk. 43:12

Ju̱i̱ti Yusa Uunt Je̱e̱ naintia pakari̱n je̱a̱mnatin jintíamu tura ashí ju̱na yantampri̱ṉkia peṉké shiir átatui. Tuma asa Yusa Uunt Je̱e̱ je̱a̱mtin jintíamu jú̱nisaiti” tímiayi Yus.

Juir 3:17

Winia akantúkma náintiur Seunka nui̱ṉkia atumí Yusri̱ Wi Uunt Yusan pujamu nekarattarme. Nui̱ṉkia Jerusaréṉka ti shiir akantúkma pepru átatui. Túrunamtaiṉkia atakka wáinchatai aentska nuní̱ wayá̱ yajauch awajtámas naṉkaamakchartatui.

Apt. 1:17

Maa nui̱ Seun naintnium juákaruka uwempraru ártatui. Nu naintkia aya Yusnak akantúkma átatui. Nuya̱ṉka Jakup aentska mashⁱ ni takaku armia núnaka awaṉtumprartatui.

Sak. 14:2

Warí, nu tsawantin ashí nuṉkanmaya̱n Jerusaréṉja̱i̱ mánikiarat tusan irurartatjai. Túram nu péprun nupetkar ni je̱e̱n utsantuawar ashí kasarar ni nuwe̱ncha yajauch awajtúsartatui. Túrawar nui̱ pujuinia núnaka jímiapetek akankar chíkich nuṉkanam yarumainiak tura chikichnaka nui̱ṉ ujukartatui.

Mks. 3:16

Nuyá̱ Uunt Yusan ashamin armia nu aṉkant aṉkant ni ai̱ji̱a̱i̱ áujmatainian Uunt Yus wainiak anturkarmiayi. Tura Uunt Yusan ashamainiak Ni naari̱ shiir awajainia nu tuke enentáimtusma kajinmatkichmin armi tusa Nisha íimiai̱ṉ papinium áarmiayi.

Ruk. 10:20

Túrasha íwianch umirtamkui nu enentáimsam warasairap. Antsu atumí naari̱ nayaimpiniam aarma aa asamtai warastarum” tímiayi Jesus.

Tur. 13:48

Nú chichaman antukar Israer shuarcha ti wararsar “Uunt Yus tana nuka imiá péṉkeraiti” tiármiayi. Tura ashí tuke iwiaaku pujusmin achikma armia nu Krístun enentáimtusar Yus shuar ajasármiayi.

Rum. 11:4

Tura Yus aya̱k “Siati mir áishmaṉkan Israer shuarnumia̱ apujtumsaruitjiai. Nu shuar ántar yus Páaran tikishmátrachu áiniawai” 1 Akup. 19:18 timiai Yus.

Rum. 11:5

Núnisaṉ yamaisha Yus ti waitnentainia asa ashí Israer shuarnumia̱ ni shuari̱n achikiuiti.

Ipi. 1:4

Krístuja̱i̱ uwemprar ti shiir tunaaja̱i̱nchu Niji̱a̱i̱ pujusárat tusa Yus, ju̱ nuṉka atsai̱sha, anaitiamkamiaji.

Jir. 4:3

Amincha winia ai̱rú, nu nuwa̱ yaiṉkta tusan seajme. Nisha wi iwiaaku chichaman étsereakui wiji̱a̱i̱ métek takasarmai. Tura Krimintisha tura chikitcha wiji̱a̱i̱ métek takasarmai. Nuna náari̱n iwiaaku átinnium Yus áatraiti.

Kurs. 3:12

Yus atumín anenmak Niniu ártí tusa achirmákmarme. Túrutma asamtai ju̱ja̱i̱ shiir iwiarmampratniua áintsarum tuke túrin atarum, waitnenkartin, shiir awajkartin, péejchach átin, émtin áchatin, tura katsuntin átin.

Isr. 12:14

Kame tuke enentáimji̱a̱i̱ ashí shuar péṉker túrakrum itit awajnáitsuk tura tunaasha máattsuk aṉkant pujustinnium matsamsatarum. Kame núja̱i̱ṉchuka ii Uuntri̱ peṉké wainkiachminiaiti.

1 Pit. 2:9

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.Jiin. 19:5-6; Muis. 10:15; Isa. 61:6

Apu. 13:8

Túramtai ashí aents tuke iwiaaku átinia nu papinium ni naari̱ yámankamtaikniumia̱ anujkamu atsúarma nuka nu Yajasman tikishmátrarmai. Nu papincha Murik jaka nantakmia nu takakui.

Apu. 17:8

Nu yajasma wainkiam nuka yaunchu pujuwiti tura yamaikia ju̱i̱ pujachiat amúamunam tuke játsuk náṉkatkachu wá̱a̱nmaya̱ jiinkittiawai. Shuar nuna wáinkiar ni naari̱ tuke iwiaaku pujutai̱ papinium yámankamtaikniumia̱ anujtúkchamua nuka nu yajasman ashamkartatui. Nu yajasma yaunchu pujú yamaikia atsayat atak wantinkiattawai turutmiai.

Apu. 20:15

Tura ashí shuar tuke iwiaaku pujustin papinium ni naari̱ áatrachma asa wainniakchama nusha ti keá nu ji antumiaṉ kuamunam aju̱a̱warmai.

Apu. 21:27

Antsu yajauchikia peṉké waya̱shtatui. Mui̱jmiainian túrincha tura wáitrincha peṉké waya̱chartatui. Antsu áyatik shuar tuke iwiaaku pujutai̱ papinium naari̱ aarma ainia nuke waya̱wartatui. Nu papincha Murik takakui.

Apu. 3:5

Nupetmakuka pushí pújun entsartatui. Tura iwiaaku átinia nu papiniumia̱ ni naari̱ áarman japirashtatjai. Antsu winia Apar tura ashí nayaimpinmaya̱ suntar íimmianum shiir áujmattsattajai.