Isa. 4:2 - Yus Papí: Shuarja̱i̱ Yus Yamaram Chicham Najanamu

² Kame nu tsawantinkia Úunt Yusai̱ya̱ jé̱e̱rtatna nuka ti shíiram núnisaṉ tí paantin wararsamu átatui. Tura nu nuṉka arakri̱ nere̱ja̱i̱ ti wararsamu nuyá̱ Israer shuar iwiaaku pujuartatna nuna iwiarmamke átatui.

Isa. 4:2 Iomraidhean Croise

YKan. 67:6

¡Núṉkaka péṉker nerekti! ¡Yus ii Yusri̱ shiir pujutan suramsattawai!

YKan. 72:16

Nuṉká pakari̱ncha murarí̱ncha árak núkap atí. Kame Ríwianu nuṉkanam árak tsapana tímiatrus pampaṉkartatui.

Jiin. 28:2

Tura ame yatsumi Arauna pushiri̱ Yusna íktusma atí tusam tí peṉker wincharpátin aparata.

Isa. 11:4

Antsu ju̱ nuṉkanam kuítri̱ncha ainia nuna nekasa nuja̱i̱ métek súmamtikiawartatui tura wáitiainiana nunasha métekrak waitnentrartatui. Núnisaṉ aya chíchame̱ja̱i̱ṉ numiji̱a̱i̱ awateana tímiatrus nuṉkanka asutiáttawai. Tura Yusan enentáimtichu ainia nunasha aya máyai̱ji̱a̱i̱ṉ umpuí máwartatui. Apu. 1:16; 2:16; 19:15

Isa. 26:1

Nu tsawantinkia Jutá nuṉke̱n ju̱ kanta kantamátui. Ii pépruri̱ṉkia wenuimiu takakji tiártatui. Uwempratniunka tanishmarma nútikia Yus ikiusuiti. Waiti uraitiarum uunt nuṉka mátsatkamu péṉker túrin ainia nu waya̱ttawai. Ámeka aṉkantnum tí peṉker wainkiattame. Kame ni enentáimmiaka Ámin tuke enentáimturma asa imiá shiir aṉkant pujuwiti.

Isa. 27:6

Israer shuar ukunmaṉka kaṉkaprurtatui túruna ni nere̱ja̱i̱ nuṉká piáktatui. Uunt Yus eteṉmas Israernaka asutiáttawai. Chíkich nuṉka mátsatkamun asutiáwarma nuni̱ṉkia asutiáshtatui.

Isa. 53:2

Ni íismaka nuṉka káarunmaya̱ kaṉkap puṉkái̱ jeana núnikmiayi. Niṉkia naṉkamantu enentáimtumamuri̱sha atsumai, shíirmari̱sha wáitkiachmaji tura iisrisha wakerukchamniauyi.

Isa. 61:11

Warí núṉkaka warinkísh tsapamtiktsuk tura jiṉkiaisha ajanam arakám tsapainia núnisaṉ Uunt Yuska nekasa nuja̱i̱ métek túrutai̱n tura Uunt Yus shiir awajsatniuncha ashí nuṉkanam nékamtikiawartatui.

Jrm. 23:5

Uunt Yus chichaak “Tsawant jeamtai Tawit shuarnumia̱n péṉkeran túrinian apujsattajai. Uunt akupin péṉker enentáimtai̱ji̱a̱i̱ akupea asa péṉker túratin tsaṉkatkamua nuna túrak ashí nuṉkanam nekasa nuja̱i̱ métek túrattawai.

Jrm. 33:15

‘Tura nu tsawant jeattana nui̱ṉkia Wi Tawitiai̱ya̱ numí Kanawe̱ tsupikma je̱e̱r ataksha tsakana áitkiattajai. Nisha nekasa nuja̱i̱ súmamtikiuk ju̱ nuṉkanam esetar akupkáttawai.

Jrm. 44:14

Tura Jutanmaya̱ wárumchik juákaru Ejiptunam pujustai tusar ashinkiarma nuya̱ṉka yaaksha pisarchattawai. Núnisaṉ Jutanam waketki̱ pujustinniaka ti wakeruiniayataṉ tujintkiartatui. Warí, chikichkisha iwiaakuka juákchattawai. Kame, peṉké waketkichartatui antsu wárumchik pisarárua nuke waketkiartatui’ tawai” tímiayi.

Jrm. 44:28

Kame puya̱ja̱i̱ mácharma pisaráru wárumchik juákarua nuka Ejiptunmaya̱ Jutanam waketrar kaunkartatui. Antsu nui̱ṉkia Jutanmaya̱ shuar juákuru Ejiptunam matsamsatai tusar waya̱warua nuka Winia chichampruash núja̱i̱ṉchuka ni chichame̱ya̱sh uminkiat nuna nekaawartatui.

Isk. 34:29

Tura tí peṉker páantin ajanam apujsartatjai. Túramu ásar pujuartatna nui̱ṉkia atakka tsukaikia peṉké amukachartatui. Núnisaṉ chíkich aentssha natsanmai̱ awajkur wishiktasha wishikrachmin ajasártatui.

Juir 2:32

Kame Uunt Yus timia tímiatrusaṉ Jerusaréṉnum Seun nainniumka uwempratin átatui. Tuma asamtai yaaksha Uunt Yusa naari̱ pachis enentáimtuinia nuka uwemprartatui. Nuyá̱ Uunt Yus untsukma ainia nuka tuke iwiaaku juákaru ainia nuja̱i̱ pujusártatui. Tur. 2:17-21

Juir 3:18

Tura nu tsawantinkia nú nuṉka náintri̱sha pakari̱sha tí peṉker asamtai araksha tí peṉker tsapainiakui yurumkanka peṉké atsumachartatui. Tura Jutanmaṉka ashí entsa núkap wártatui. Núnisaṉ Uunt Yusa Je̱e̱ya̱ púkuni entsa jíntiatna nuka Setim nuṉka pakari̱n ukattiatui.

Apt. 1:17

Maa nui̱ Seun naintnium juákaruka uwempraru ártatui. Nu naintkia aya Yusnak akantúkma átatui. Nuya̱ṉka Jakup aentska mashⁱ ni takaku armia núnaka awaṉtumprartatui.

Sak. 3:8

Yúsnan pujurniu uuntri̱ Jusuiyá amesha tura ame tsaníakmaram Yúsnan pujurin ámiji̱a̱i̱ pujuinia nuja̱i̱ ukunam ártatna nuna nakumin árumin ju̱ anturkatarum. Nekaatarum, Winia takarniurun Kanawe̱n tutai jé̱e̱rtatna nuna utitiatjai.

Sak. 6:12

Tura Ashí Akupin Uunt Yusri̱ chichartamuk ‘Ju̱ áishmaṉka náari̱ṉkia Kanawe asa numia áintsaṉ jé̱e̱rtatui. Tura ni kaṉkapé̱ya̱ je̱e̱r Yusa Uunt Je̱e̱n je̱a̱mtiatui túramui’ titiá.

Mks. 3:17

Tura Ashí Akupin Uunt Yus chichaak “Wi sumamtikiattajna nu tsawantinkia apa ni uchirí̱ umiriam waitnenta nútiksanak winia ti shiir kuítrua núnis awajsamu ásarmatai waitnentrartatjai.”

Mat. 24:22

Nu wáitsatin ti esarmaitkiuiṉkia chikichkisha uwemprachainti. Tura Yus nu wáitsatniun wárik amumtikiattawai. Shuar Niniu ajasarat tusa achikma ainia nu uwemprarat tusa wárik amumtikiattawai” tímiayi.

Ruk. 21:36

Anearum wekasatarum. Túrunattana nui̱ katsuntrataj tusarum Yus aujsa pujustarum. Túrarum Aents Ajasu tutai íimmianum péṉker átaj tusarum túratarum” tímiayi.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

2 Pit. 1:16

Ii Uuntri̱ Jesukrístu kakarmari̱ tura ni táratniuri̱ etserkamajnia nu aya aentsnumia̱ ántar chichamchauyi. Antsu imia íi ji̱ji̱a̱i̱ Uunt Jesukrístu naṉkamantu ajasu wainkia asar ujakmajrume.