Isa. 39:2 - Yus Papí: Shuarja̱i̱ Yus Yamaram Chicham Najanamu

² Nuyá̱ Esekías ti warasmaja̱i̱ ni je̱e̱n awayá̱war ashí ni wariri̱ shíirmach ainia nu émamkesar u̱u̱kar ikiutai̱niam awayá̱war kuítniasha, kurincha, kuṉkuinniasha, tsuámatai̱ asuitincha núnisaṉ mesetnum mánitiai ikiutai̱ncha tura niniu ashí armia núnaka ashí iniaktusmiayi. Chikichkinkesha iniaktutskeka iniaisachmiayi.

Isa. 39:2 Iomraidhean Croise

1 Akup. 10:10

Nuna tinia nuwa̱sha kurí kijintri̱nkia siantu painti tarentu jeá tura kuṉkuinniasha tí nukap nuyá̱ shíirmach kayancha susamiayi. Kame úunt akupin nuwa̱ Shiwia nuṉkanmaya̱ Saramúṉkan susamia nuka yáunchusha súchatai̱ji̱a̱i̱ naṉkaamas susamiayi.

1 Akup. 10:15

Nu arantcha nu nuṉkanmaṉ uuntri̱ akíarmia nunasha tura súrin armia núnancha nuyá̱ ashí úunt akupin Arapia nuṉkanmaya̱ akuptiarmia nunasha achimiayi.

1 Akup. 10:2

Tura niji̱a̱i̱ untsurí aents nemarkainia, kuṉkuinian tura tí nukap kurin nuyá̱ tí shiirmach kayancha kamiyun áentskar Jerusaréṉ péprunam tariarmiayi. Tura Saramúṉkan tarí ni anintrústaj tu enentáimmia núnaka mash anintrúsmiayi.

1 Akup. 10:25

Tura ashí uwitin iyuttsa ashintiuiniak warinkish kuitji̱a̱i̱ tura kuriji̱a̱i̱ najankamuncha, tarachniasha, mesetnum mánaitiaincha, kuṉkuinniasha, kawaincha tura umpuruncha juriarmiayi.

2 Akup. 20:13

Nuyá̱ Esekías ni je̱e̱n awayá̱war ashí ni wariri̱ shíirmach ainia nu émamkesar ú̱kar ikiutai̱niam awayá̱war kuítniasha, kurincha, kuṉkuinniasha, tsuámatai asuitincha núnisaṉ mesetnum mánitiai ikiutai̱ncha tura niniu ashí armia núnaka ashí iniá iniaktusmiayi. Chikichkinkesha iniaktutskeka iniaisachmiayi.

Neka. 4:23

Ashí wariṉkish péṉker wainkiamnia írunna núja̱i̱sha naṉkaamas ame enentáim wáinkiata. Warí nuiti ame iwiaakmaram.

Jrm. 17:9

Aentsu enentái̱ṉkia ashí írunna núja̱i̱sha naṉkaamas ti anaṉmawiti. Tuma asa eseerachminiaiti. ¿Nunasha yaki nekaatⁱ?

2 Kur. 12:7

Wi nayaimpiniam wainkiamajna nu timiá peṉker asamtai ántar waantu enentáimtumaschatniun jaṉki mesertinia núnisaṉ winia aya̱shrui̱ najaimiatniun sunasmiajai. Nuka wi wáitsatin Satanásnumia̱ akupkámuiti.

1 Jṉ. 1:8

“Wi tunaan túrichuitjiai” tákurkia ímia iik anaṉmamaji. Antsu nekasa nuka chichaatsji.