Isa. 26:7 - Yus Papí: Shuarja̱i̱ Yus Yamaram Chicham Najanamu

^7-15 Péṉkeran túrinia nuna jinti̱nkia nákaiti. Ame naka enentáimin asam péṉkera túrinia nuna jinti̱ní̱ wetá. Maa Uunt Yusru, iikia Ámin nákasmaji. Nekasa nuja̱i̱ métek nuṉka sumamtikniumin nuṉká matsatna nu aents nekasa nuja̱i̱ métek túratniun nekaawartatui. Tura Yusan enentáimtichu ainia nuka nekasa nuja̱i̱ métek túratniun nékainiatsui núnisaṉ Uunt Yusa tsáapnintri̱n waintsui núnisaṉ naka wekain ainia nú nuṉkanmasha yajauchin túruiniawai. Ame kakarmarmincha wainiainiatsui. Ame asutiam emeskaruitme. Túram ti shiir ajasuitme. Tura ashí tesarnáiyamua ímianai iwiaṉkáruitme.

Isa. 26:7 Iomraidhean Croise

YKan. 1:6

Warí péṉkera túrin ainia núnaka Uunt Yus nemarkawai. Antsu Yusan enentáimtichu ainia nuna wekaamuri̱ṉkia amukatniunmaani̱ júawai.

YKan. 11:4

Uunt Yuska Uunt Je̱e̱ akantúkma nui̱ pujawai. Uunt Yusa pujutái̱ri̱ṉkia nayaimpinmaiti. Tura Ni ji̱ṉkia aentsnasha tura aentsu uchirí̱ncha wainiainiawai.

YKan. 11:7

Uunt Yuska péṉkeran túriniaiti tuma asa péṉkeran anenaiti. Tuma asamtai naka enentáimkia ainia nuka Niji̱a̱i̱ métek íiniaisar pujusártatui.

YKan. 25:4

Maa Uunt Yusá Ame jintim jintintruata. Túram Ame jintim iniaktursata.

YKan. 25:5

Winia uwemtikrin Yus asam péṉkeran túrataj ewekátsam jintintruata. Tsawant takamtsuk Ámin nákasmajme.

YKan. 27:11

Winia nemasrui̱ya̱ naka jintianmaani̱ juruktia. Túram Uunt Yusá Ame jintim nekaprutáta.

YKan. 5:9

Warí niṉkia anaṉkartin ásar nekascha nuna chichainiawai. Tura péṉker enentáimtursarat tusar shiir chichaman ántar chichainiawai. Kame ni chichame̱nka iwiarsamu ashiimiua núnis ti yajauch tsuumainti.

Neka. 11:5

Péṉker enentáimkia nuka péṉker túrutairi̱ṉ péṉkernumaani̱ wekasatniun iwiartiniaiti. Tura Yusan enentáimtichu ainia nuka ni yajauchiri̱ji̱a̱i̱ṉ wáitsattawai.

Neka. 20:7

Péṉker enentáimniuka naka wekainiaiti tuma asa ni uchirí̱sha shiir awajsamu ártatui.

Neka. 21:8

Yajauch shuar ainia nuna túrutairi̱ṉkia jintia tuníarua núnisaiti tura péṉker shuar ainia nuna túrutairi̱ṉkia jintia naka tímiatrusaiti.

Neka. 3:6

Ame tui̱ṉsha wekaittiam nui̱sha tuke enentáimtitia. Túrakmiṉkia Niṉki naka ewekátmastatui.

Neka. 4:18

Antsu Yusan umirkaru wekaamuri̱ṉkia etsa̱ etsantki̱ takuuṉki̱ tutupnirka ashí tsáapin ajana núnisaiti.

Isa. 35:8

Tura nui̱sha jintia kayaja̱i̱ péṉker iwiarkamu átatui Nuka “Yusna Akantúkma Wekaatai̱ Jintia” tama átatui. Tunamka ainia nuka nuniṉkia naṉkaamakchartatui. Yusak Niṉki ni shuari̱ji̱a̱i̱ pujustatui. Tura aents wárik ántichu ainia nusha nú jintianam wáatsuk wekaasartatui.

Isa. 52:12

Jíinkiurmesha wárik jíinkishtiniaitrume tura pisatcha pisarchatniuitrume. Warí Uunt Yus atumíya̱ eem wétatui. Tura Israera Yusri̱ṉkia atumí úkuri̱n winittiawai.

Jrm. 10:23

Maa nékajai Uunt Yusá, aents ju̱ní̱ túrattajai tusa niṉki iwiartumarchamniaiti. Núnisaṉ ni túrataj tana núnaka nekas umiktatjai títinniaka jeatsui.

Use. 14:9

¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.

Sup. 3:5

Túmaitkiuisha Jiuwaka aya tí peṉkernak túriniaiti, yajauchinkia túrashtatui. Táamtsuk tuke káshik ni naka sumamtiktairi̱n paant awajui tura Ni túrutai̱ya núnaka túrutskeka iniaisashtatui. Túrasha Yusan enentáimtichuka natsantan nékatsui.

1 Kur. 4:5

Tsawant jeamtai ii Uuntri̱ Kristu atak tátatui. Tura ashí yamái kiritniunam u̱kma nuna tura shuar ashí enentáimprarma nunasha paant awajsattawai. Nu tsawant jeatsa̱i̱ṉ shuar umikiuashit tusarum enentáimtusairap. Tura nu tsawantai̱ Yus ashí péṉker umikiarun shiir awajsattawai. Péṉker umikiuncha ishichik umikiuncha takasmaja̱i̱ métek Yus shiir awajsattawai.

2 Kur. 1:12

Yatsurtiram, ju̱ nekaatarum tusar wakeraji. Ju̱ nuṉkanam pujusár tura nekaska atumji̱a̱i̱ pujusár anaṉtsuk tura Yus umirkar wekaimji. Aya ii nekatairi̱ji̱a̱i̱ṉ wekaichmaji. Antsu Yus iin waitnentrama asa péṉker wekasatniun yaintmakmaji. Nu nekaar shiir enentáimji.

Ipi. 2:10

Yus najanamuitji. Kame Jesukrístuja̱i̱ tsaníakrin yamaram iwiaakman suramas tuke péṉker túratniun najatmamji. Yáunchuk nuna enentáimturmasmiaji.

1 Jṉ. 3:10

Shuar péṉker túratsna nuka tura Yus shuaran kajera nuka Yus shuarchaiti. Nuja̱i̱ Yusa uchirí̱ ainia nusha tura iwianchi uchirí̱ ainia nusha paant nekaamniaiti.

1 Jṉ. 3:7

Uchiru, shuar anaṉkramawairap. Péṉker túrinkia Kristu tí peṉker asamtai nisha péṉkeraiti.