Isa. 26:4 - Yus Papí: Shuarja̱i̱ Yus Yamaram Chicham Najanamu

^4-6 Tuke pujú Kaya asamtai Uunt Yus tuke enentáimtustarum. Warí Níchuk uunt pépruncha emesak aya núṉkak awajsaiti. Wáitkiatai ainia nu tura atsumainia nusha nawe̱ja̱i̱ wajatkartatui.

Isa. 26:4 Iomraidhean Croise

Juup 9:19

Ni kakarmari̱ áujmattsamsha nekas ti kakarmaiti. Tura sumamtiktairi̱ji̱a̱i̱sha yaki Niji̱a̱i̱ métek sumamtikiawaint.

YKan. 125:1

Kame Uunt Yusan enentáimtuinia nuka Seun naint amuchkachminia núnisaṉ tuke wajana ánis áiniawai.

YKan. 18:2

Úunt Yusruka uunt kaya núnisaiti. Wenuke péṉker iwiartukma asa nupetkachminia núnin asamtai winia Yúsruka aṉkant awajtiniaiti. Winia Yúsruka uunt kaya núnis asamtai Niin ejamkattajai. Níyaiti winia tantaruka kakarmari̱ji̱a̱i̱ uwemtikrana nuka tura tí yakí̱ iwiarak winia u̱u̱k apujtawai.

YKan. 46:1

Iin ayamprutmak ikiakátmajnia nuka Yúsaiti. Itiurchat pujakrincha wárik yáintmaji.

YKan. 55:22

Ame itiurchatrumsha tura itit nekapeamurmesha Uunt Yusai̱ íktumasam iniaisata. Túrawakminkia Ni péṉker waitmaktatui. Shuar péṉker enentáimkia núnaka tuke iniar pujusti tusa peṉké iniaisashtatui. 1 Pit. 5:7

YKan. 62:11

Yuska chikichkí chichakuiti núnaka jimiará antukuitjiai. Warí kakaram ajastinkia Yusai̱ya̱inti.

YKan. 62:8

Maa, aentstiram ashí tsawant Ni enentáimtusrum nákastarum túrarum atumí itiurchatri̱ ujaktarum. Warí Yuska ii u̱mtairi̱nti. (Séraj)

YKan. 62:9

Ti nekas aentska peṉké ántar áiniawai. Áishmaṉka peṉkeri̱ ainia nu wait áiniawai. Kijin nekapmatai̱niam irurar nekapmamka máyai̱ya̱ núnis wampuch ántar áiniawai.

YKan. 66:7

Ni kakarmari̱ji̱a̱i̱ tuke akupniuiti. Uunt nuṉka mátsatkamu ainia nunasha Ni iyawai. Yusan umirkatniun nakitín ainia nuka Yusja̱i̱ wajatnairataj tu enentáimsacharti.(Séraj)

YKan. 93:1

¡Jiuwaka akupeawai! ¡Nisha jíitsumpran entsaruiti! ¡Jiuwá tí kakarmari̱ji̱a̱i̱ iwiarnaruiti! ¡Jiuwaka nuṉkanka muchitkiachmin awajás apujsaiti!

Isa. 12:2

Wats iistá, winia uwemtikriṉkia Yúsaiti. Aya Nin tuke enentáimta asan peṉké sapijmiakchattajai. Warí winia ikiakátniuka tura kantarka Uunt Yúschakait. Tura winia uwemtikrinkia Níṉkiti” turuttiatrume.

Isa. 17:10

Warí ámin uwemtikramin Yuska ámeka peṉké kajinmátkiniaitme tura ejamtai̱ram Muchiṉsha ámeka peṉké enentáimtuschaitme. Tuma asam shíirmach araksha araktatrume núnisrumek chíkich nékashtai arakja̱i̱ apatkar jéemtikramusha araktatrume.

Isa. 44:8

Ashamkaip tura sapijmiatash sapijmiakaip. ¿Yaunchu núnaka ántumtikiachmakjarum? Warí átumketrume Winia nékarutirmeka. Chíkich yus ¿áminkiait? Antsu Wíkitjiai. Kakarmantka chikichniaka peṉké nékatsjai.”

Isa. 45:24

Kame Winia pachitias chichainiak “Aya Uunt Yusai̱ni̱ṉ nekasa nusha tura ti kakarmasha awai” turutiartatui. Tura ashí shuar Niji̱a̱i̱ kajernaikia nuka Ni pujamunam jeawar natsa̱a̱rartatui.

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Tan. 3:17

Túmaitkiuisha ii umiriajnia nú Yus ji keamunmaya̱ṉka uwemtikrampramniaitji. Tura úunt akupniu, aminí̱ya̱ṉka nekas uwemtikramprattaji.

Tan. 3:28

Nui̱kia Napukutunusúr kaka̱a̱r chichaak “Shatraak, Mishaak, Awitníkiu Yusri̱ nekas naṉkamantu shiir awajsamu atí. Warí, Nin takarin ásar enentáimtuiniam suntari̱n akuptuk uwemtikrarai. Tura akupin umiktin chicham najanamuncha umirkatniun núnisaṉ ántar yusan tikishmátratniuncha ti nakitrar antsu nekas ní Yusri̱niak umirkatniun ti wakeruiniak jinium apenátniuncha tsaṉkamakarai.

Mat. 28:18

Nuyá̱ Jesus tíjiu̱ch tantá chichaak “Ashí nayaimpinmasha nuṉkasha akupkatniun kakarman surusuiti.

Mat. 6:13

Tunáa wakeruktin tsaṉkamkartukaip. Antsu ashí yajauch túratniunmaya̱ iin aṉkant awajkartusta. Tuke ashí aents akupkámniaitme. Núnisam Amesha tuke ti kakarmaitme. Tura tí shiiraitme. Tuma asakmin seaji. Nuke atí.’

Muis. 32:15

Tura Jesurún ti nuer machar sáṉkanmia sáṉkanmia ajak nin najana nú Yusnaka páchitsuk iniaisámiayi. Núnisaṉ ni uwemtai̱ Kayasha ikiukmiayi.

Muis. 32:4

Niṉkia kátsuram Káyaiti, Israeran ayampri̱niaiti. Ni túramuri̱ṉkia ashí péṉkeraiti kame ashí túrana nuka nékaskete. Niṉkia nekas umin Yus asa yajauchiji̱a̱i̱ peṉké páchitkiachuiti antsu Niṉkia aya péṉkerkete.

Jir. 4:13

Kristu ni kakarmari̱n surakui ashí túramniaitjiai.