Isa. 22:16 - Yus Papí: Shuarja̱i̱ Yus Yamaram Chicham Najanamu

¹⁶ ‘¿Amesha ju̱i̱sha warí pujuram tura ya ame ikiumastin najanatniuncha tsaṉkatramkama? ¿Tura yakí̱ wa̱a̱ sáisaintnium táuram nuíchuka kátsuram kayanam jakam iwiartumastin najatmamachumek?

Isa. 22:16 Iomraidhean Croise

Naṉ. 50:5

Winia apar játsuk chichartak ‘Iisiá, wikia jasattuk ajasjai tura jakamtaisha Kanaan nuṉkanam wi wa̱a̱ táurmanumaṉ iwiartustarum tájamna nu nekas umirtukta’ túrutkui ‘Ayu, nekas umirkattajme’ timiajai. Tuma asan seajai, winia aparun iwiarsa ikiurmaun tátaj waitneas tsaṉkatrukti túramui titiarum.” Tú akatmampramiayi.

2 Sam. 18:18

Kame Apsarún iwiaaku pujus Úunt Akupniu Pakarí̱i̱n nakumprukrum winia najatatarum tusa akupkámiayi. Kame winia uchirsha atsawai tura ukunmasha yaki winia náarnasha enentáimtusat tusa túramiayi. Nakumkar najanamunam ni náari̱n áatrarmiayi. Tura yamaisha núnaka Apsarún nakumkar najanamu tiniu áiniawai.

Juup 3:14

Uunt akupin tura ashí nuṉkanam aentsun chicharin ní pujustinian pepru emeskarman iwiarkarma nuja̱i̱ métek ayamú tepe̱a̱jai.

Isa. 14:18

Ashí akupin uunt nuṉka mátsatkamunmaya̱ ainia nuka shiir awajsamu áiniayataṉ jákaru áiniawai tura yamaikia iwiarsamunma̱ṉᵏ pujuiniawai.

Isa. 14:19

Túrasha ámeka muí̱jkiar asa̱a̱rar ajapamua núnisam iwiarsamurminia̱sha ajapamuitme. Kame mesetnum puya̱ja̱i̱ maamu pushiri̱ tsupiramu iwiarsar amutúrar ikiukmia núnisam init ikiusmaitme.

Isa. 22:17

Anearta, Uunt Yus achirmak wereṉká ajaprama yarurmaktatui. Maaj kakaram áishmaṉká nekas yapimin nukurmáktatui.

Isa. 52:5

Tura yamaikia Uunt Yus chichaak “Wi shuar antra achirar yaruakma ai̱sha ¿warinia ju̱i̱sha pujuraj? Warí nuyá̱ akupniúsha niṉkia wishikiainiawai tura Winia náarnasha iniaṉnatsuk peṉké yajauch chicharainiawai” tawai.

Mat. 27:60

Tura kaya wa̱a̱ táurmanum yamaram amia nui̱ iwiarsamiayi. Ni iwiarsatin táumtikramunam Jusé iwiarsamiayi. Iwiaras kaya uuntja̱i̱ etektuk ikiuak wémiayi.