Isa. 22:12 - Yus Papí: Shuarja̱i̱ Yus Yamaram Chicham Najanamu

¹² Tuma asamtai nu tsawantinkia Ashí Akupin Uunt Yusa nu ajakmárua nuní̱ enentáimprar úttinian tura piniu awamártinian nuyá̱ kúntuts pujakur entsatái̱ pushí entsartinian untsumkattawai

Isa. 22:12 Iomraidhean Croise

Ists. 9:3

Nuya̱ṉka nuna antukan winia pushirun tura awaṉkémpruncha já̱a̱kmajai tura winia muukruiniancha intiashrun tura susurnasha uweran ti itiurchat nekapran nuṉká pujusmajai.

Juup 1:20

Tura Juupsha nu ashí ujakam tí kuntuts jakamnia nekapeak wajaataki̱ pushiri̱n achik ja̱a̱k piniu awaamar nuṉká tikishmar Yusan shiir awajuk

Isa. 29:1

Anearta Arierá, Tawit pujutai̱ péprusha Arierá urukatiṉ. Kame tuke uwitin námperka najankim uwir uwir wetá.

Jrm. 16:6

Tura nu nuṉkanam uuntcha uchisha jákartatui túrasha iwiarnaschartatui núnisaṉ úttancha útchartatui. Nin enentáimtusar aya̱shnium akamatnaksha akamakchartatui. Tura piniu awamatnasha awamarchartatui.

Jrm. 16:8

Núnismek namperan najanainia nu je̱a̱nam niji̱a̱i̱ tsaniṉkian yurumátaj tura umartaj tusam waya̱waip” tíniuiti.

Jrm. 4:8

Tuma asamtai yuṉkunim ukatmamkarum kúntuts jakamnia enentáimkiuram tsej ausha urukatjik ajatarum. Warí Uunt Yus suir kaje̱ntkamuri̱ṉkia ikiurmatsji.

Jrm. 7:29

Ame intiashmeka tsupiram ajapata. Naint tsékeṉkim wakam kúntuts jakamnia enentáimprata. Uunt Yuska suira kaje̱nak nakitiar jú̱ aentsnaka ajapa iniaisaruiti.’

Tan. 5:1

Kame úunt akupin Pirsasár ni yaintri̱ mir armia nuna ipiaawar uunt namperan nájanuk wíniun umimiayi.

Juir 1:13

Tuma asamtai Yúsnan pujurniutirmesha suí̱r pushí entsarum kúntuts jakamnia enentáimpratarum. Yus áestutai̱niam takaatirmesha úttiarum. Winia Yusur pujurniutirmesha suí̱r pushí entsarum kanartarum. Warí árak Yus áestutai̱sha tura umutai̱sha ii Yusri̱ Je̱e̱nkia itiachmaiti.

Juir 1:8

Tuma asamtai yamaikia nuwa̱ yama nuatnaikia aishri̱ jakamtai suí̱r pushí entsar utna núnisam úttiá.

Juir 2:12

Tuma asamtai Uunt Yus chichaak “Yamaikia atumí nekas kúntuts enentái̱ji̱a̱i̱ ijiarma útrum Winí̱ waketkitiarum” tawai.

Juir 2:17

Yúsnan pujurniutirmesha Uunt Yusna pujurin asarum Yusa Je̱e̱n wá̱i̱ti̱a̱i̱ri̱n Yus áestutai̱ pujana nui̱ ajapén wajasrum útkamaikia seakrum “Uunt Yusa ame shuarum tsaṉkurarta. Antsu natsanmai̱ ajaktinnium tsaṉkamkartukaip. Warí chíkich nuṉkanmaya̱ aents Yusan enentáimtichu ainia nu nupettamkar wishikiarturarai tsaṉkamkartukaip. ¿Urukamtai chíkich chíkich péprunmaya̱sha chichainiak ‘Ni Yusri̱sha ¿tuíntsuk pujá?’ tiártata?” titiarum.

Jns. 3:6

Núnisaṉ Níniwi pepru akupniuri̱sha nu chichaman antuk niṉki enentáimtumas akupin pujutái̱nmaya̱ akaikí̱ entsatái̱ri̱ncha áimiar suí̱r pushin entsar yuṉkunim ajaptai̱niam pujusmiayi.

San. 5:1

Kuítrinniutiram ju̱ antuktarum. Ti úttiarum. Tí waitsatin asarum ti kakantra úttiarum.