Isa. 20:1 - Yus Papí: Shuarja̱i̱ Yus Yamaram Chicham Najanamu

^1-6 Uunt Yus Isayasan chicharuk “Ame pushiram ai̱kta túram sapatrumsha ukuinkiata” tutai imiatrusaṉ túramiayi. Tura misú náwek menaintiú uwí wekasamiayi. Nuyá̱ Uunt Yus chicharuk “Isayaska Ejiptunmaya̱ tura Itiupíanmaya̱n túrawartatna nuna nakumui núnisaṉ Asirianmaya̱n úunt akupin Ejiptunmaya̱n tura Itiupíanmaya̱ natsancha úuntchincha achir misú náwek yaruakartatui. Nu tsawantinkia Jutanam matsatainia tiártatui ‘Íimsakia péṉker átin nákarnisha tura Asirianmaya̱ úunt akupniui̱ya̱ uwempratai tusar pisarar wénarnisha ¿urukamtai áninia? Tura yamaisha iisha ¿urukatjik itiurak uwemprattajⁱ?’” tímiayi.

Isa. 20:1 Iomraidhean Croise

2 Akup. 18:17

Tura Asiria nuṉka úunt akupniuri̱sha suntara úuntri̱n Tartanan, Rapsarísan, nuyá̱ Rapsasesan untsurí suntarja̱i̱ Rákis péprunmaya̱ naṉkamawar Jerusaréṉ péprunmasha meset juárkitiai tusa Esekíasan akuptúkarmiayi. Nuyá̱ wákar Jerusaréṉ péprunam jeawar yumirmata nuji̱n arakaani̱ núṉkentin nijiakmakur wakettai̱ jintianmaani̱ weantúrar matsamtúkarmiayi.

Isa. 14:31

Atumsha wá̱i̱ti̱a̱i̱yá najaimiakrum charáa charáa ajatarum. Amesha uunt pepru yáintkiatarum tusam untsumkata. ¡Jiristíayi, emé emesusma juákume! Araki̱a̱ múkuint winitramui túmak iruntramunmaṉka chikichkiksha juákchattui.

Jrm. 25:20

tura ashí írar armia nusha ashí nuṉkanmaya̱ úunt akupin armia nusha Jiristía nuṉkanmaya̱ úunt akupin armia nu Askarún, Kaasa, Ikrun, Astutnum pepru juákaru pujuarma nusha

1 Sam. 5:1

Yusna Eṉketáin Jiristíu aents Astutnum júkiar najanamu yus Takuna Je̱e̱n Takunja̱i̱ ayamach apujsarmiayi. Kashin tsawa̱r Uunt Yusna Eṉketáin naka Takun nuṉká tekem iniar tepan wáinkiarmiayi. Tura pujutái̱ri̱ni̱ṉ ataksha ekentsarmiayi túrasha kashin tsawa̱r Yusna Eṉketai̱ naka Takun ataksha iniar tepan wáinkiarmiayi. Antsu nuya̱ṉka Takun múuktuk tura uwejésha tsupiramu waiti á̱a̱ri̱n tepan wáinkiarmiayi.

1 Sam. 6:17

Nuyá̱ Pitsemísnumia̱ aents Uunt Yusna Eṉketáin initri̱n iisu ásarmatai sataintia áishmaṉkan Yus mámiayi. Túramtai Pitsemísnumia̱ aents chichainiak “Ju̱ Tunaarincha Uunt Yusai̱sha ¿yaki eemsha wajasaint?” tiármiayi. Nuya̱ṉka Kiriat Jearím aentsun chichaman akuptuiniak “Jiristíu aents Uunt Yusna Eṉketáin awaiṉkí̱ itiaruiti. Tuma asamtai winitrum jukirum ní pujutái̱ri̱ni̱ṉ awaiṉkí̱ ikiutarum” tiármiayi.