Isa. 2:2 - Yus Papí: Shuarja̱i̱ Yus Yamaram Chicham Najanamu

² Kame amúamu tsawantinkia Uunt Yus Shiir Awajtai̱ Je̱a̱ pujana nú naintkia chíkich naint ainia núja̱i̱ṉkia naṉkaamas páantin awajnástatui. Tura nu naint tépepra ainia núna naṉkaka uunt átatui. Túrunamtai ashí nuṉkanmaya̱ aents ti untsurí nin kauniartatui.

Isa. 2:2 Iomraidhean Croise

Naṉ. 49:1

Kame Jakup ni uchirí̱n untsukar chicharainiak “Winí̱ weankátarum, túrunawakrumin ukunam túrunattana nuna ujaktájrum.

Juup 19:25

Winia Uwemtikrin iwiaakna núnaka nékajai. Tuma asa ukunam jakar nuṉka najanarmanumsha Niṉki ayamprutkataj tusa wajastatui.

YKan. 102:23

Úchipiaitiatnak kakarmarchu nekapramjai. Warí Nisha winia tsawantrun táatkimiai.

YKan. 2:8

Winia seattiá. Seatkumni̱ṉkia áminiu átinia nuna ashí nuṉkan amastatjai. Tura ame pujustinian nuṉka náṉkatra tímianai susattajme.

YKan. 22:27

Ashí nuṉka náṉkatra tímianaiya̱ Uunt Yusan enentáimtustai tusar weankártatui. Kame ashí aents ainia nu irunturmarar tikishmátramprartatui.

YKan. 22:28

Warí Uunt Yúskete Akupniúka. Niṉki ashí nuṉkanam akuptiatui.

YKan. 48:2

Kame arakaani̱ṉkia Seun naintkia nuṉka tesarma tí shiirmach asa ashí aents tí shiir enentáimtutainti. Nuka ti úunt akupniu pépruri̱ṉkiti.

YKan. 68:17

Uunt Yuska Senainmaya̱ jiinkí̱ ni káruri̱ nekapmarar peṉké amukchamniaja̱i̱ Yus Shiir Awajtai̱ Je̱e̱n winiawai.

YKan. 72:8

Nayants náṉkatra tímianai tura Yúpratis entsanmaya̱ juarki̱ ashí nuṉkanam akupin átatui.

YKan. 86:9

Ashí uunt nuṉka mátsatkamu Ame najantkamamna nu Ame pujamunam taar tikishmátramprartatui. Túrawar Ame náarmincha páantin shiir awajsártatui.

YKan. 87:1

Yuska Ni akantúkma naintnium pépruri̱ tépakmari̱nkia apujaiti.

YKan. 87:2

Jakupa pujutái̱ri̱ áinian anea nuna naṉkaamas Jiuwá Seuna wá̱i̱ti̱a̱i̱ri̱ ainia nuna anenawai.

Isa. 11:10

Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Isa. 25:6

Tura jú̱ nainnium Ashí Akupin Uunt Yusa nu ashí nuṉkanmaya̱ aentsun tí peṉker yurumkan kunturman tura winiu péṉkeri̱ umúu ajamainian iwiarturartatui.

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Isa. 56:5

Wi Winia je̱a̱rui̱ susattajme tura Winia tanishrui̱ initiaani̱ enentáimtustatme tura ame uchiram tura nawantrumi náari̱ji̱a̱i̱ naṉkaamas péṉker átatui. Ni naari̱ tuke átinian amastatjai peṉké japintrashtatui.

Isa. 56:7

Winia akantúkma naintrui̱ ikiankaran Winia áujtin ainia nu je̱a̱nam awayá̱waran ti waramtiksartatjai. Nuiṉkia taṉkun takamtsuk áesturainiakuisha tura taṉku maa Yus áestutai̱niam súruiniakuisha shiir enentáimtusartatjai. Tura Winia je̱a̱rka ashí aents Yus aujtai̱ je̱a̱ tutai átatui.” Mar. 11:17

Isa. 65:11

Túrasha átumka Uunt Yus iniaisarum tura Winia náintrusha kajinmátkirum najanamu yus Purtuna yurumkari̱ iwiartiniaitrumna núnaka núnisaṉ najanamu yus Tistiniu winiu pachimpramu ukatniuitrumna nunasha

Isa. 66:20

Tura Yus súsatniun piniṉ péṉkernum chumpíawar Israer shuar Uunt Yusa Je̱e̱n ikianainia nútiksaraṉ atumí yachi̱ ashí uunt mátsatkamu ainia nui̱ pujuinian Winia akantúkma naintrui̱ Jerusaréṉnum Yus súsatniua núnis ikianainiak kawainiumsha núnisaṉ kárunmasha tura umpurunmasha nútiksaraṉ peaknumsha nuyá̱ kamiyunmasha ikiankartatui tawai Uunt Yus.

Isa. 66:23

Tura nantur nantur nuyá̱ tuke ayamtai̱ tsawantin ashí aents Winia tikishmátrurtai tusar kauniartatui tawai Uunt Yus.

Jrm. 16:19

Maa, winia kakarmar tura utúachmin asa itiurchat ákuisha winia ejamtair Uunt Yusru. Nuṉka náṉkatramunmaya̱ uunt nuṉka mátsatkamu ainia nusha Ámin káutramiartatui tura chichartamainiak “Ti nekas ii úuntri̱ṉkia yaintmakchamnia ántar wait áiniana nuna ikiurtámkiaruitji” turamartatui.

Jrm. 23:20

Uunt Yusa suíri̱nkia túrutskeka tura Ni enentái̱ wakeramun umitskeka tsaṉkurchattawai. Tura tsawant amúamunmaṉka ti paant nekaatarme.

Jrm. 26:18

“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Jrm. 3:17

Nu tsawantinkia Jerusaréṉnaka Uunt Yus Akupkur Pujutái̱ri̱ tu anaikiartatui. Tura ashí nuṉkanmaya̱ aentska Uunt Yusa náari̱n pachikiar Jerusaréṉnum iruntrartatui. Nuya̱ṉka ni enentái̱ kátsuram ásarmatai yajauch túriarmia núnisarka túrachartatui.

Jrm. 30:24

Uunt Yus ni enentái̱n túratniun tuke umitsuk ni tí kaje̱ntkamuri̱ atsaṉnarchattawai. Tura nuka tsawant amúamunam nekaattarme.

Jrm. 31:12

Kame káunkar Seun naintia tsakari̱n Yusa náari̱n shiir awajsártatui. Warí Uunt Yusa péṉkeri̱n yurumkan tura umutairi̱ yamarman nuyá̱ asuitin núnisaṉ murikji̱a̱i̱ waaká uchirí̱ncha tseke káutkartatui. Tuma asa aja entsa tuke ukatmá urukuit nuja̱i̱ métek átatui. Túmainiak atakka peṉké wáitsachartatui.

Jrm. 51:44

Áitkiasnak Papirúnianmaya̱ aentsu yusri̱ Píirnasha asutián, ni ku̱jarmia nuna ímiumtikiattajai. Nuna túramtaiṉkia ashí nuṉkanmaya̱ aentssha nin shiir awajsachartatui. Tura Papirúnia téntakar wénuimiuri̱ṉkia mash yumpuartatjai.

Isk. 38:16

Túrunarum Wi shuarja̱i̱ mánaiktaj tusarum yuraṉkim nuṉká utsantra núniktatrume. Nuka amukatin tsawant jeakui túrunattawai. Kame ámin Kuká, túrattajmena nuna iisar uunt nuṉka mátsatkamu ainia nusha Wi Tunaarinchaitjiana nuna amiini̱ nekarawarat tusan Winia nuṉkar itiurchat awajka̱i̱ tusan áminkia itiattajme’ tawai” tímiayi.

Isk. 40:2

Tura ímiaja̱i̱k Yúsnan wainkiamaj nuka Israer shuara nuṉke̱n jurukí̱ naint yakí̱ wájakmanum apujtusmai. Nui̱ wajasan nuṉkaani̱ yantam iimkiamán péprunam uunt je̱a̱ je̱a̱mkatin iwiarkamua ániun wainkiamjai.

Tan. 10:14

Tuma asamtai amukatin tsawantin ame shuarum urukawartata nuna paant nekamtikiattsan wikia tarijme. Warí, ímiaja̱i̱k wainkiamam nuka nu tsawantaiti” turutmiayi.

Tan. 2:28

Antsu chikichik Yus nayaimpiniam pujana nuke nekaachminia nunasha paant awajniuiti. Tuma asa úunt akupin Napukutunusúrá, ukunam túrunattamna nuna paant iniakturmasai. Ame peakrumi tepesam mesekranam tura ímiaja̱i̱k wáinmiam nusha ju̱i̱ti.

Tan. 2:35

Nuya̱ṉka jírusha nuwe̱ iniarkámusha yaṉkú jirusha kuitcha tura kurisha tsai̱ tsai̱niá ajasár trikiu saepe̱ esatái̱ urukawa núnis mash ajasármai. Nase umpuí yaruakma asa ni wajasmaka atakka peṉké wainniakchamai. Tura kaya tukuma nuka naint ti uunt ajas ashí nuṉkan anetkámai.

Tan. 2:45

Kame naintia kaya yaaksha urakchamaitiat kaya uranáak namincha jirun tura yaṉkú jiru nuyá̱ kuítniasha kurincha tsai̱ tsai̱ awajsamu wainkiamamna. Núnaka, úunt akupniu, ukunam túrunatta nuna Yus imiá uunta nu ámin nekamtikramayi. Nuyá̱ nu mesekrasha ti nekasaiti. Tura ujakjamna tímiatrusaṉ uminkiattawai” tímiayi.

Use. 3:5

Tura Israer shuarka ataksha ni Uunt Yusri̱ enentáimturar ni akupniúri̱ Tawitiai̱ waketkiartatui. Tura amúamu tsawantinkia Uunt Yusan ashamainiak kuraṉkar waitnenkartutairi̱n seawar Nin weantúkartatui.

Sak. 14:10

Tura Kepa péprunmaya̱ juarki̱ Jerusaréṉ nuṉkaani̱ Rimiunka ímianai nuṉka pakamnattawai. Túrasha Jerusaréṉka yakí̱ ji̱i̱tkia juákmatai Piṉjiamín wáiti̱ya̱ nuyá̱ juarki̱ Emka wáitiya̱ ímianai núnisaṉ Tsukin wáiti̱ya̱ nuyá̱ Ananéran kumpintri̱ya̱ nui̱ juarki̱ tura úunt akupin uwa nekeṉkar yumiri̱ jutaiya ímianai nui̱ṉ matsamsarma átatui.

Sak. 14:9

Nuiṉkia Uunt Yus ashí ju̱ nuṉkanam akupkáttawai. Nu tsawantinkia Uunt Yusak aya Níṉkiti tura ni náari̱nkia chikichkiniak átatui.

Sak. 8:22

‘Túrawar untsurí aents tura untsurí nuṉka mátsatkamunmaya̱ kakaram ainia nusha Jerusaréṉnum tariar Ashí Akupin Uunt Yusan yaintkiat tusar e̱a̱kartatui.’

Sak. 8:3

Uunt Yus jú̱nis tawai ‘Wikia Seúnnaka atak ímiatrusnak awajsájai. Jerusaréṉnumsha matsastatjai. Nuyá̱ Jerusaréṉka Nékaskea Nú Pepru tunattawai. Núnisaṉ Ashí Akupin Uunt Yusna Naint Yusna Akantúkma Naint tunattawai.’

Mks. 3:12

“Tura tí peṉker wakerú ajamai nuṉka asamtai ashí nuṉkanmaya̱ aents chichartamainiak Yus shiir awajsamu núṉkaiti turamiartatui” tawai Ashí Akupin Uunt Yus.

Wek. 24:14

Pai yamaikia jú̱ nekaata, wikia winia nuṉkarui̱ wáketjai. Túrasha winitiá, anairartaj tusan jú̱ shuar ame shuarumin ukunam itiurkartata nuna ujaktatjame” tímiayi Paraam.

Tur. 2:17

‘Yus tawai “Jú̱ nuṉka amuukatin jeatémamtai winia Wakantrun yumi yaranua áintsaṉ ashí aentsnum akupkáttajai. Atumí uchirí̱ atumí nawantri̱sha Yusa Chichame̱n áujmatiartatui. Tura nátsaka íimiarartatui. Tura uuntka mesekramiartatui.

2 Tim. 3:1

Amuukatin tsawant jeakui tí itiurchat átatui.

Isr. 1:2

Kame amúamu tsawantin pujajnia ju̱i̱ṉkia Ni Uchiri̱i̱ní̱ chichartamkaitji. Tura ashí írunna nunasha Niini̱ najanka asa Ni nérentin ajasti tusa Uchirí̱n ashí súsaiti.

2 Pit. 3:3

Ju̱sha emka nekaatarum. Amúamu tsawantin Yúsnan wishikin wantinkiartatui. Tura nisha ni yajauch wakeramuri̱n túrusar wekasartatui.

Apu. 11:15

Nuyá̱ suntar siatia nu, kachun umpuarmatai chícham kakaram chichainia nayaimpinmaya̱ antunkamai. Jú̱nis tiarmai “Yamaikia ii Uuntri̱ Yus tura ni Anaikiamu Kristu ashí shuaran akupin ajasárai. Nisha tuke amutsuk akupkartatui.”

Apu. 20:4

Nuyá̱ akupin pujutai̱nium pujuinian wainkiamjai. Tura shuara túramuri̱n íirsarat tusa kakaram sunasarmai. Tura núnisaṉ muuke̱ tsupirka maamu wakaní̱ncha wainkiamjai. Nusha Yusa Chichame̱n etserainiak tura Kristu Chichame̱ncha etserin ásar maamu armai. Nisha Entsaya̱ Yajasmancha ni nakumkamuri̱ncha tikishmátracharu armai. Núnisaṉ náari̱ncha nijia̱i̱niumsha tura uwejnumsha anujmamprakcharu armai. Nu shuar ataksha nantakiar emka nantaktin tsawantnum pachinkiarmai. Túmainiak Krístuja̱i̱ métek mir uwí akupeamun wainkiamjai. Antsu chíkich jákaruka mir uwí naṉkamatsa̱i̱ṉ nantakcharmai.