Isa. 2:11 - Yus Papí: Shuarja̱i̱ Yus Yamaram Chicham Najanamu

¹¹ Aents waantu enentáimtuma ainia nusha natsanmai̱ ajakártatui tura kajen ainia nusha péejchach ajasártatui. Túrunawarmatai nu tsawantinkia aya Uunt Yusak naṉkamantu awajnástatui.

Isa. 2:11 Iomraidhean Croise

2 Sam. 22:28

Aents péejchach ainia nuka uwemtikiainiame. Ame antsu waantu enentáimtumainiana nuka natsanmai̱ péejchach awajáiniame.

YKan. 18:27

Aents péejchach ainia nuka uwemtikiainiame. Ame antsu waantu enentáimtumainiana nuka natsanmai̱ péejchach awajáiniame.

YKan. 18:28

Ti nekas winia shirikpir keek tsáapin awajturme. Uunt Yus winia Yusur wini̱n kirit ana nuna tsáapin awajturui.

YKan. 20:8

Tura niṉkia tikishi̱ ipijiátkam iniainiawai antsu iikia tariarar wajaji.

YKan. 46:10

“Wats Wíkitjiai Yus. Tee ajasa pujusrum nekaratarum. Ashí nuṉkanam aents írunna nuna Úuntri̱ntjiai.”

YKan. 46:11

Uunt Yus iiji̱a̱i̱ pujawai. Jakupa Yusri̱ ii ejamtairi̱nti. (Séraj)

YKan. 94:2

Ashí nuṉkan Sumamtikin Uuntá, páantniuram iniakmamsata. Túrakum naṉkamantu enentáimtuma ainia nuka ni túramuri̱ji̱a̱i̱ métek sumamtikiawarta.

Neka. 16:5

Shuar naṉkamantu enentáimtumin ainia núnaka Uunt Yus nakitniuiti. Tuma asa asuttsuk iniaisashtatui.

Neka. 30:13

Núnisaṉ aents waantu enentáimtumak ímiancha enentáimkiartinkia naka imias wekainiusha írunui.

Isa. 10:12

Túrasha Seun nainnium tura Jerusaréṉnumsha Uunt Yuska ni takatrí̱n amuk Asirianmaya̱ akupin naṉkamantu tura kakaram enentáimtuma asamtai asutiáttawai. Warí winia kakarmarja̱i̱ṉ tura ti enentáimin asan winia nekatairja̱i̱ṉ ashí nuṉkanam nupetmaran tesaknasha emeṉkáran kuítrincha ashí atantraran aents kakaram itiurawa nútiksanak aents nui̱ matsamin áinianka ashí amukárja̱i̱. Nu nuṉkanmaya̱ kuítian pasuṉnumia̱ júkitniua núnis winia uwejur wáinkiachaik tura nujint utsaṉman írumna núnisnak ashí nuṉkancha wiki irurcharjak. Túrasha yaaksha turutchayi tiniu asamtai niincha nútiksaṉ asutiáttawai.

Isa. 12:1

Nu tsawantai̱kia chichaakum “Uunt Yusru, wikia ámin yumiṉsajme. Warí winia kajertukuitiatmek tsaṉkurturuitme tura atsaṉturume.

Isa. 12:4

Tura nu tsawantinkia chichaakrum “Uunt Yus yumiṉsatarum tura Ni náari̱sha shiir awajsatarum. Núnisrumek ashí pepru ainia nui̱ Ni kakaram túramuri̱ áujmateakrum Ni náari̱ṉkia ashí naṉkamantuiti tusarum enentáimtustarum.

Isa. 13:11

Tura ashí nuṉkanmaya̱ aents ní yajauchiri̱ni̱ṉ asutniáttawai. Nuyá̱ Yusa umircha ainia nunasha ní mui̱jmiaintri̱ni̱ṉ asutniáwartatui. Naṉkamantu enentáimtuma ainia nusha péejchach awajnásartatui. Tura tí asutniatniuri̱ji̱a̱i̱ aentska kuriji̱a̱i̱ métek tura áishmaṉsha Upirnumia̱ kuri̱ji̱a̱i̱ métek peṉké ishichik ajasár wáinkiachmin awajnásartatui. Tura Ashí Akupin Uunt Yus tí kajeku asamtai nayaimpisha tura nuṉkasha muchitrar áiniana nuya̱ṉka yajá ekeemprartatui.

Isa. 14:15

Kame tu enentáimpra asam jakaa matsamtai̱niam tura náṉkatkachu wá̱a̱nam aju̱a̱muitme.

Isa. 2:17

aentsu páantniuri̱ áiniayat ashí natsanmai̱ awajnákartatui. Tura aentsu naṉkamantu enentáimtairi̱sha péejchach awajnásartatui. Antsu aya Uunt Yusak naṉkamantu awajsamu átatui.

Isa. 25:9

Nu tsawantinkia chichainiak “Ii Yusri̱ṉkia Uunt Yuska ju̱i̱ti. Ni nákasaruitji tura uwemtikramprartatji. Kame uwemtikrampra asakrin shiir enentáimtusar wararsartai” tiártatui.

Isa. 26:1

Nu tsawantinkia Jutá nuṉke̱n ju̱ kanta kantamátui. Ii pépruri̱ṉkia wenuimiu takakji tiártatui. Uwempratniunka tanishmarma nútikia Yus ikiusuiti. Waiti uraitiarum uunt nuṉka mátsatkamu péṉker túrin ainia nu waya̱ttawai. Ámeka aṉkantnum tí peṉker wainkiattame. Kame ni enentáimmiaka Ámin tuke enentáimturma asa imiá shiir aṉkant pujuwiti.

Isa. 28:5

Tura nu tsawantinkia Ni shuari̱ juákaru ainia nuna páantin tawaspáa núnis tura tí peṉker iwiarmamka áinis Ashí Akupin Uunt Yusa nu ajastatui.

Isa. 29:18

Tura empekáru ainia nusha nu tsawantinkia nu papiniumia̱ chichamnasha antukartatui. Tura kusurúsha kirit tee íimmianumia̱ paant íimiartatui.

Isa. 4:1

Nu tsawantiṉkia chikichik áishmaṉnak siati nuwa̱ chicharainiak “Iikia ii yurumkari̱ṉ yurumtiaji tura entsartincha iik imiastaji antsu natsan ajajnia ju̱ nakitkiartutsuk ame nuatkartukam náaram sukartusta” tiártatui.

Isa. 40:23

Tuma asa úunt akupin ainia nunasha amuiniawai tura ju̱ nuṉkanam naṉkamantu ainia núnaka peṉké ántar awajsártatui.

Isa. 52:6

Kame tsawant jeattana nui̱ Wi shuarka Winia náarun nekaawartatui. Warí Wikia Ju̱i̱ Pujajai tana Nuitjiai.

Jrm. 12:9

¿Winia nuka nanamtin yukartin paiṉkiampramun chíkich nanamtin yukartin yuatai tusar téntakma ajapén pujá núninchakait? Wats, kampunniunmaya̱ yajasma yuáwarat tusarum werum ashí irurtarum.

Jrm. 9:24

Antsu aents shiir enentáimtumastaj tákuṉka ju̱na nekáa enentáimias Wikia Uunt Yus asan ju̱ nuṉkanmasha Winia waitnenkartutairja̱i̱ métek sumamtikniuitjiana tura nekasa nuja̱i̱ túriniaitjiana nuna péṉker anturtuk nekara warasti. Warí nuiti Winia shiir enentáimtikrana nuka” tawai Uunt Yus. 1 Kur. 1:31; 2 Kur. 10:17

Isk. 38:14

Aentsu uchiri̱yá, maa yamaikia Yus Kúkan túratta nu ujakum Uunt Yus Ashí Aentsu Uuntri̱ chichartamuk ‘Nu tsawantai̱ Israer shuar Winia ainia nu itit awajsachma aṉkant ti shiir matsamsartatna nuka ¿ámeka nekashtatmek?’ túramui.

Isk. 38:19

Nu tsawantinkia Wi nekas Yúsaitjiana nuna iniaktusan tura ashí yajauchin ti kajerkan Israer nuṉkanam ti kakaram ú̱u̱rmamtikiattajai.

Isk. 39:11

“Kame nu tsawantinkia wekain ainia nuna pakarí̱ tutai Israernum nayantsanmaya̱ṉka etsa̱ tatainmaani̱ ana nui̱ Kuk iwiarnastinian nuṉkan Wi susattajai. Tura Kukka núnisaṉ ni aentsri̱ ti untsurí nekapmarchamnia ainia nusha nui̱ṉ iwiarnasartatui túrawar Jamunkuk paka anaikiartatui. Túrunamtai nú pakanmaani̱ wekasatniuka tujinniaktatui.

Isk. 39:22

Kame Israer shuarka nu tsawantai̱ Wi Uunt Yus ni Yusri̱ntjiana ju̱na nekarawartinian juárkiartatui.

Tan. 4:34

Tura tsawant naṉkaamarmatai wi Napukutunusúr nayaimpinmaani̱ nakaasan iimiai̱ ataksha aentsua núnis enentáimtikrurmai. Túrutamtai Ashí Naṉkamantu Yusan tuke pujú asamtai shiir awajeakun tura naṉkamantu enentáimtakun yumiṉsamjai. Warí, Ni akupeamuri̱sha peṉké amukashtiniaiti. Tura ukunam aents matsamiartatna nui̱sha tuke átiniaiti.

Use. 2:16

Uunt Yus chichaak “Nu tsawantinkia ‘Paari’ túruttsuk antsu ‘Ishi’ turuttiatrume.

Use. 2:18

Tura nu tsawantinkia Israer shuaran waitnentraran ashí kampunniunmaya̱ yajasma ainia nuja̱i̱ tura yakiya̱ nanamtin ainia núja̱i̱sha nuyá̱ napiji̱a̱i̱sha nawamnairar pujusárat tusan chichaman najanattajai. Tura tíshimkiuncha puya̱ncha núnisaṉ mesetnasha atsutí tusan amuktatjai. Túran imiatkinchanum aṉkant apujsartatjai.

Use. 2:21

Uunt Yus chichaak “Nu tsawantinkia nayaimpinkia Wi íistatjai tura nayaimp nuṉkan íistatui.

Juir 3:18

Tura nu tsawantinkia nú nuṉka náintri̱sha pakari̱sha tí peṉker asamtai araksha tí peṉker tsapainiakui yurumkanka peṉké atsumachartatui. Tura Jutanmaṉka ashí entsa núkap wártatui. Núnisaṉ Uunt Yusa Je̱e̱ya̱ púkuni entsa jíntiatna nuka Setim nuṉka pakari̱n ukattiatui.

Ams. 9:11

Nu tsawant jeatta nui̱ṉkia Tawitia Yusa Je̱e̱n já̱a̱rar emestukma nuna ashí péṉker iwiarkattajai. Túran yaunchu amia tímiatrusnak awajsattajai.

Apt. 1:8

Antsu nu tsawantiṉkia Etumnumia̱ tí neka nuyá̱ Esaú náintri̱n tí peṉker enentáimin matsatna nunasha ¿mash emeskashtatjak?” tawai Jiuwá.

Mik. 4:6

Uunt Yus chichaak “Nu tsawant átatna nuiṉkia murik shutuap ainia nunasha tura nakitraran yajauch awajsarmaj nunasha ikiankaran irurartatjai.

Mik. 5:10

“Nu tsawantinkia mesetnum mánitiai kárurmincha tura kawairmincha núnisnak pepru wenuimiu ainia nunasha núnisnak kumpin je̱a̱ncha ashí emestuktatjarme” tawai Uunt Yus. “Núnisnak uwishniuncha nekamniuncha emeskartatjai. Túramtai aents najanamu yus ainia nuka atakka peṉké tikishmátrashtatrume” tímiayi.

Sup. 3:11

Nu tsawantinkia Winia umirtuktin nakitiakum túraitme núja̱i̱ṉkia natsan awajkámuka áchattame. Warí, ame naṉkamantu enentáimtumatairmin wararin ainia nu aentsnaka amiya̱ṉka jusattajai. Túramu asam Winia akantúrkamu náintrui̱ṉkia atakka peṉké naṉkamantuka enentáimtumaschattame.

Sup. 3:16

Nu tsawantinkia “Seuná Sapijmiakaip, yawe̱kim kuntukip” Jerusaréṉkan tiártatui.

Mks. 4:1

“Pai, yamaikia ji keak weantúkchamnia ajana imianú tsue̱r tsawant winittiawai. Nui̱sha ashí naṉkamantu enentáimtuma ainia nusha tura yajauchin túruinia nuka tsarútrája̱i̱ métek juákartatui. Tuma asamtai nu tsawantinkia ji keek kaṉkaptiuk tura kanawentuk nú aentska áeskam peṉké juákchartatui” tawai Ashí Akupin Uunt Yus.

Ruk. 18:14

Wats tájarme, nu kuítian juu shuar Yus íimmianum ni enentái̱ péṉker awajnas ni je̱e̱n waketkimiai. Tura Pariséuka tamia núnisaṉ waketkimiai. Nekaatarum. Shuar naṉkamantu enentáimtumana nuka péejchach awajnástatui. Tura antsu péejchach enentáimtumana nu, naṉkamantu awajnástatui” tímiayi Jesus.

2 Kur. 10:17

Tura péṉker enentáimtumastaj tusa wakerakka, Yúsnaitjiai tusa péṉker enentáimtumasti.Jrm. 9:24

2 Kur. 10:5

Ju̱ nuṉkanmaya̱ aentsu jintíamuri̱ṉkia tura waantu enentáimtumamuri̱ṉkia Yus nekaatniun itit awajea nuka, nu naṉkiji̱a̱i̱ núpeteaji. Tura ashí ju̱ nuṉkanmaya̱ enentáimsatin yapajniak, emetamu áintsaṉ Krístun umirkarat tusar nu naṉkiji̱a̱i̱ núpeteaji.

2 Tis. 1:10

Kame Uunt Jesukrístu tátin tsawantri̱ jeamtai ni shuari̱ nekas enentái̱ji̱a̱i̱ péṉker awajsaru ainia nu, ni náari̱n shiir pachisartatui. Tura Yusan umikiaru ásar ti shiir enentáimsar Jesukrístun íisartatui. Ii ujakmajrumna nu antukrum umirka asarum atumsha nui̱ pachinkiattarme.

1 Pit. 5:5

Tura natsatirmesha atumí uuntri̱ umirkatarum. Kame yaunchu Yus Papinium aarma asamtai ashí Yus shuartiram naṉkamantu enentáimtumatsuk umirnaikiatarum. “Waantu enentáimtuma núnaka Yus nakitiawai. Antsu naṉkamantuchu enentáimtuma nuna Yus waitnentak yaya̱wai.” Neka. 3:34