Isa. 19:1 - Yus Papí: Shuarja̱i̱ Yus Yamaram Chicham Najanamu

^1-17 Uunt Yus Ejiptunam jeayi túrunamtai najankamu yus ainia nuka kurainiawai tura Ejiptunmaya̱ aentssha jakamnia enentáimiainiawai. Núnisaṉ chichaak “Wi Ejiptunmaya̱ aentsnaka aṉkant aṉkant aentsnaka nuamtak aentsnak tura péprunka nuamtak péprunak áitkiasnak akupeamunka nuamtak akupeamunak mámtikiartatjai. Kame Ejiptunka úunt akupin ti yajauch netsen íktusan iniaisattajai. Entsasha ashí ku̱yu̱kartatui túrunamtai árak Nírunam arakma ainia nuka ashí kukakártatui” tímiayi Uunt Yus. Nekamin Parauṉkai̱ pujuinia nuka Uunt Yus awajimtikrarma ásar nampekua núnisar pemperakut ajainiak waurka ajasárai. Ejiptunmaya̱ aentska nuwa̱ núnisar Ashí Akupin Uunt Yusan wáinkiar ashamkartatui. Ejiptunmaya̱ aents íismaka Jutaka tsuumai̱ ashamú ajamai átatui.

Isa. 19:1 Iomraidhean Croise

YKan. 104:3

Ame pujutai̱ṉkia ti yakí̱ éntsanmaṉ jeamniuitme. Ame eṉkempra wekatairmesha yuraṉmiti tura nasenam wekainiaitme.

YKan. 104:34

Tuke enentáimtakun shiir enentáimtikrattsan wakerajai. Túrakun Niji̱a̱i̱ warastatjai.

YKan. 18:9

Nayaimpisha núnisaṉ tsuntsumawar akaikímiai. Tura ni nawe̱ni̱ṉkia kirit amai.

YKan. 68:4

Wats átumka Uunt Yusa naari̱ pachisrum kantampruátarum. Yuraṉminiam eketkana nuna jinti̱ iwiarturtarum. Úunt Yusaiti Ni náari̱ṉkia. ¡Tikishmatrarum shiir awajsatarum!

Jiin. 12:12

Tuma asamtai nu kashi Ejiptu nuṉkanam naṉkaamaktiatjai. Túran Ejiptunmaya̱ aentsu uchirí̱ iwia̱i̱ri̱n núnisaṉ yajasma ainia núnanuncha mantuawartatjai. Tura aents najanamu yusan Ejiptunmaya̱ aents tikishmátainia nunasha asutiuáwaran emesturartatjai. Wi Uunt Yus asan tajai.

Isa. 13:1

Papirúnia urukatta nuna Amusa uchirí̱ Isayas ímiaja̱i̱k wainiak etserkamiayi. Tura tarach naint atsamunam ainia nui̱ awajárum takuitiarum. Núnisrumek aents untsuktarum túrakrumin kakaram áiniana nuna wáitiri̱n waya̱warti. Winia ti shiir awajsamu áinian útsuiniajai. Tura Winia kakaram ainia nunasha untsukarjai. Núnisaṉ Wi nupetmakui warainiana nunasha Wi kajekan akupkámurun umikiarat tusan akupénajai.

Jrm. 25:19

Núnisaṉ Ejiptunmaya̱ úunt akupin Parauṉnasha takarniúri̱ncha núnisaṉ úunt akupniu uchirí̱ncha ashí ni shuari̱miak

Jrm. 4:13

Wats nekaata, yuraṉmia núnis wakattawai tura ni káruri̱ṉkia úunt nasea tímianuiti. Tura kawairi̱ṉkia churuwiaja̱i̱sha naṉkaamas kakaram yujainiawai. ¡Maj ju̱sha iisha urukawartajik. Warí emesnakar aya jú̱nik awajsachmak áiniajⁱ!”

Jrm. 44:8

¿Urukamtai Ejiptunam matsamsarmesha atumí uwejé̱ja̱i̱ najankarum yúsaiti tusarum chíkich yus kuṉkuin áestakrum akajtukmarum? ¿Túrunarum átumka ashí amunkarum yumiṉkramu núnisrumek ashí aents uunt nuṉka mátsatkamunmaya̱ wishiktai̱ ártincha?

Jrm. 50:2

“Ashí nuṉkanmaya̱ aents matsatainia nu ishichiksha ú̱tsuk ju̱ chicham ashí túrunatta nu etserkatarum. Tura etserkuram ‘Papirúniaka emesnartatui. Túrunamtai najankamu yus Piir tura Martuksha natsanmai̱ juákartatui tura ántar yus najankamusha mash tsai̱niarartatui.’

Jrm. 51:44

Áitkiasnak Papirúnianmaya̱ aentsu yusri̱ Píirnasha asutián, ni ku̱jarmia nuna ímiumtikiattajai. Nuna túramtaiṉkia ashí nuṉkanmaya̱ aentssha nin shiir awajsachartatui. Tura Papirúnia téntakar wénuimiuri̱ṉkia mash yumpuartatjai.

Juir 3:19

Tura Ejiptu nuṉkaka ashí emeskamu átatui núnisaṉ Etumka aya kampuntin atsú juáktatui. Nuka ni nuṉke̱n pujuinian Jutá shuaran peṉké ántar máwar numpé̱ uputúraru ásar túrunawartatui.

Sak. 14:18

Ántsaṉ Ejiptunmaya̱ aents nuna túratai tusar táiniachkuiṉkia yumisha yuturchartatui. Ákmaka matsamtai̱ namperan najatatai tusar uunt mátsatkamu aents káunkacharun Uunt Yus asutkiaja̱i̱ métek Ejiptunmaya̱ aentsun asutiáwartatui.

Muis. 33:26

Israera Yúsri̱ji̱a̱i̱ métekka chíkichkia atsawai. Atumí ejamtairi̱ṉkia tuke pujú Yusaiti tura Niṉkia uwejé̱ja̱i̱ takus pujurtamprume. Túramu asarum péṉker pujustatrume. Warí atumí Yusri̱ṉkia naṉkaamas kakaram asa atumí nemasri̱nkia nupetkattawai túrak péṉker apujtamsattarme.” Tú timiayi Muisais.

Jus. 2:11

Nu antuku asar ti sapijmiakuitji. Atumji̱a̱i̱ṉkia meset peṉké jurunaikchamniaitji. Warí atumí Úunt Yusri̱ṉkia nayaimpinmasha tura ju̱ nuṉkanmasha ashí naṉkaamas kakarmachukait.

Jus. 2:24

Tura Jusuin ujainiak “Uunt Yus nu nuṉkan ashí shuari̱ntiuk íkturmasuitji. Túramu asar sapijmiak ajainiawai” tú ujakármiayi.

Jus. 2:9

“Ti nekas nékajai ii nuṉké̱ ataṉtinian atumí Uunt Yusri̱ tsaṉkatramkaitrume. Átum ashamkatniun ii enentái̱n Yus ikiurtámsaitji. Tuma asamtai atumí chichame̱ ántakur ti sapijmiainiaji.

Apu. 1:7

Wats, Krístuka yuraṉmiji̱a̱i̱ winittiawai. Tan. 7:13-14; Mar. 13:26; Ruk. 21:27; 1 Tis. 4:17 Tura íjiuarmia nushaJṉ. 19:34,37 tura ashí shuarsha nuna wáinkiartatui. Túrawar ashí sapijmiainiak úttiartatui.Sak. 12:10-14; Mat. 24:30 Maa, nekas núnis átatui.