Isa. 18:4 - Yus Papí: Shuarja̱i̱ Yus Yamaram Chicham Najanamu

⁴ Warí Jiuwá chichartak jú̱nis turutmiai “Winia pujutái̱rui̱ tee ajasa ekemsam yumi yutuk naṉkamasmatai etsa̱ páantin ajas tura árak juutai̱ tsawantin séeji̱k ajamunam yuraṉkim utsanar sanamamtikna núnisan iimiá pujuttajai.”

Isa. 18:4 Iomraidhean Croise

2 Sam. 23:4

esat tsawa̱a̱kui yuraṉmisha atsamunam etsa̱ jíiniuk tsáapin ajana tura yumi yutuk naṉkaamas tsáapin ajas nuṉkaya̱ nupa̱n tsapamtikna núnisaiti’ tawai.

YKan. 72:6

Kame nupa̱ kuarman yumi yútak ju̱yu̱í̱ ajak wárik tsapamtikia nútikias nisha shuaran péṉker yaiṉkiartatui.

Neka. 19:12

Uunt akupniu kajetáiri̱ṉkia úunt ya̱wa̱ kajeana ántsaiti tura ni waitnenkartutairi̱ṉkia sana nupa̱n ukatna núnisaiti.

Isa. 12:6

Wats Seúnnum matsatrumna nútiram atumíin Tunaarincha Yus naṉkamantua nu pujá asamtai warakrum kakaram kantampruátarum” títiatrume.

Isa. 14:32

Tura uunt nuṉka mátsatkamunmaya̱ chichama etserin ainia nusha ¿warí tiártajik? Warí Seunka páuri̱nkia Jiuwá ukuraiti tuma asa ní shuari̱ wáitkiasma pujuinia nuka nui̱ weankartatui».

Isa. 18:7

Nu tsawanti̱nkia entsa ti irunmanum nuṉka ana nú nuṉkanmaya̱ aents naya aya̱shí̱sha wincharpátin tura yáma naṉkamtaiknumia̱ṉ tura ukunmasha ti tsuumai̱ núnisaṉ kakaram nuyá̱ utsanawar chikicha nuṉke̱n akintrukar nérentin ajáu ainia nuyá̱ Nayaimpinmaya̱ Suntara Uuntri̱ Jiuwan yumiṉkiainiak Ni naari̱ shiir awajtai̱ya̱ nui̱ Seun naintnium ántar súsatniun ikiatkartatui.

Isa. 26:19

Áminiu jákaru ainia nuka ataksha iwiaaku ajasártatui. Maa nuṉká matsatrumna nútirmeka shintiarum kantamátarum. Maa Wí shuar árumna nútirmeka Ame pujutái̱rmin waya̱ta. Winia kajetair naṉkaamam ú̱mkatarum. Yajauchiri̱n asutiáwartaj tusa pujutái̱ri̱ya̱ Uunt Yus jiiniui. Núṉkaka maamu ainia nuna numpe̱n tura aya̱shi̱ncha peṉké ú̱kchattawai.

Isa. 46:13

Wi nekasa nuja̱i̱ métek túrutair atumín weantúrmaktatrume. Winia uwemtikkiartutai̱rka naṉkankashtatui. Seúnnumsha uwempratniunka ejettajai tura Israer shuarnaka Winia páantniur átatui.

Use. 14:5

Kame Israernaka Wi sana sanamtikna nútikiakun kuku̱j kuku̱jrana nútikiattajai. Túran Ríwianu naintia ímianu umuchkiachmin kaṉkaprumtikiattajai.

Use. 5:15

Nuyá̱ Winia pujutái̱rui̱ waketkin ni tunaari̱n nekamawar iniainiachkui tuke nákastatjai. Túrasha ti waitiainiak e̱a̱tkartatui.

Juir 3:17

Winia akantúkma náintiur Seunka nui̱ṉkia atumí Yusri̱ Wi Uunt Yusan pujamu nekarattarme. Nui̱ṉkia Jerusaréṉka ti shiir akantúkma pepru átatui. Túrunamtaiṉkia atakka wáinchatai aentska nuní̱ wayá̱ yajauch awajtámas naṉkaamakchartatui.

Ams. 3:7

Warí ii Uuntri̱ Jiuwaka ni takarniúri̱ Yúsnan etserin ainia nuna paant ujatskeka nekaachminia nuna túrichuiti.