Isa. 17:8 - Yus Papí: Shuarja̱i̱ Yus Yamaram Chicham Najanamu

⁸ Nuya̱ṉka aestutai̱ ni uwejé̱ja̱i̱ najankamu ainia núnaka íischartatui. Núnisan Asera nakumkarmancha tura etsa̱ nakumkar ni tsara uwejé̱ja̱i̱ najankamu irunainia núnaka peṉké íischartatui.

Isa. 17:8 Iomraidhean Croise

2 Sam. 22:42

Untsumiármayi túrasha nuna uwemtikrartinkia yaaksha atsumai. Úunt Yusnasha untsúarmai túrasha Nisha ái̱kcharmai.

Jiin. 34:13

Antsu ni yusri̱ áestakur tikishmáttai̱ ainia nuka sa̱a̱rkirum najankamu yus ainia nusha tsairatarum. Tura shiir awajtai̱ numi Asera náartin ainia nusha tsupiratarum.

Isa. 10:20

Tura nu tsawantai̱ Israernumia̱ Jakupa shuari̱ ishichik juákaru ainia nuka nin amukármia núnaka yaintmaktatji peṉkesha tu enentáimtuschartatui. Antsu nekaska Israer shuara Uunt Yusri̱ tunaarincha Yúsnak enentáimtusartatui.

Isa. 17:9

Nu tsawantiṉkia atumí pépruri̱ wenuke̱ iwiarkar utúachmin awajsamu ainia nuka Israer shuar wininiakui neré̱ juwamu kanawe̱n juákarua núnis ártatui túrar ashí amú amusma juáktatui.

Isa. 2:8

Nu arantcha ni nuṉke̱n ántar yus najankamu piakai. Túrawar ni najankamunak tikishmátainiawai.

Isa. 27:9

Najanamu yusan tikishmátratniun iniaisarmatainkia Israer shuara tunaari̱nkia tsaṉkuramu átatui. Tí nekas Jerusaréṉka ajapa ikiukmia átatui. Tuma asamtai waakasha nui̱ yurumáiniawai núnisaṉ nuwa̱sha nuya̱nak jinia júukar juíniawai. Nu aentska peṉké enentáimcha áiniawai. Tuma asamtai ní najanasha Yus waitnentrachartatui.

Isa. 41:29

Nekaata, ashí ántar áiniawai núnisaṉ ni takatri̱ṉkia peṉké ántar áiniawai. Imintrar najanamu yus ainia nuka peṉké ántar áiniawai” tímiayi.

Isa. 44:15

Jinia ikiapáiniawai. Tura anamainiawai nuyá̱ jinia ikiapár páṉkan iniaráiniawai nuya̱sha yúsaiti tusan najana shiir awajainiak nuyá̱ tikishmátainiawai.

Jrm. 17:2

Ni uchirí̱sha nuna wáinkiar enentáimtiarti tusar túraiti. Kame Asera áestai̱ri̱ nuyá̱ Asera yus najankamu ainia nusha tura Asera enentáimtutai̱ numisha ukatkat numia nui̱sha Asera yus enentáimtutai̱ naintcha mash wáinkiar nékainiawai.

Isk. 36:25

Tura péṉker entsaja̱i̱ ukatran ashí yajauchia nuyá̱ atumí tunaari̱ncha tsaṉkurattajai. Nuyá̱ najankamu yus enentáimtutai̱nmaya̱sha aṉkant awajsattajrume.

Use. 14:8

Maa, Eprainkia, najankamu yus ainia nunasha yamaisha ¿warinia íistiniaitiaj? Witjiai ámin wáinkiun íistinniaka. Wikia sepris numi sameka núniniaitjiai tura Winia shuaruka ni nere̱n wini̱ṉ wáinkiartatui.

Use. 14:9

¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.

Sup. 1:3

Aentsnasha, yajasmancha tura yaki̱ya̱ nanamtinniasha ántsanak namak nayantsanam írunna nunasha emeskattajai. Tura Yusan enentáimtichu ainia nunasha amuktatjai. Tura ashí aents nuṉká matsatainia nunasha amukáran atsá awajsattajai” tawai Jiuwá.

Sak. 13:2

Núnisaṉ nu tsawantinkia ju̱ nuṉkanam najankamu yus írunna nuna náari̱nkia ashí asakátrartatjai. Kame nu túramka atakka núnaka peṉké enentáimtuschartatui” tawai Ashí Akupin Uunt Yus. “Núnisaṉ ju̱ nuṉkanam najankamu yúsnan etserin írunna nunasha tura yajauch wakanniasha amuktatjai.

Muis. 7:5

Antsu átumka ju̱ túratniuitrume. Najankamu yus áestakur enentáimtutai̱ya̱ nusha tura kayá yussha, numí yussha, núnisaṉ Asera yus nakumkamu shiir enentáimtutai̱ ainia nuka ashí tsairkarum áestuktiniaitrume.