Isa. 17:5 - Yus Papí: Shuarja̱i̱ Yus Yamaram Chicham Najanamu

⁵ Kame trikiu juwakur itiurtain núnisan juwana nuka uwejé̱ja̱i̱ neren akachukait nuja̱i̱ métek [Repaimia/Repa] pakari̱ncha tríkiun juwana nútikias túrattawai.

Isa. 17:5 Iomraidhean Croise

2 Sam. 5:18

Jiristíanmaya̱ aentska káunkar Repaimia pakarí̱n enetkar matsamkarmiayi.

2 Sam. 5:22

Tura Jiristíanmaya̱ aentska waketrar káunkar Repaimia pakarí̱n enetak ataksha matsamkarmiayi.

Neka. 27:25

Sa̱a̱k táasa̱i̱ṉ tusam núkap takarsatniuitme túram iwiartukim wétiniaitme.

Isa. 17:11

Araattamna nu tsawantinkia tsapamtikiamsha kuku̱jmamtikiam júuktin tsawant jeamunam aya aneachma emeṉkátkattajme tura wáitsatin tarutrámmatai najaimiakum katsuntrachmin nekaptiatme.

Jrm. 51:33

Warí Ashí Akupin Uunt Yus Israer shuara Yusri̱ya nu chichaak “Papirúnia núṉkaka trikiu júukar pakatai̱niam matsasma núniniaiti. Tuma asa nekeṉkar pakartintri̱ jearní̱.

Jrm. 9:22

Uunt Yus jú̱nis tawai tusam ujakárta ‘Áishmaṉ kaji̱ṉkiáruka arakan péṉker neremtikin iniana núnis nuṉká kakekartatui. Árak júukar jiṉkiamu úkumur tepetar ajainia núnisar tepetar wáinkiartatui túrasha nuna takuiyartinkia peṉké atsuartatui’ tawai” tímiayi.

Use. 6:11

Tura Wí shuar achirar yajá yaruakman ikiankattajna nui̱ṉkia Jutáa atumniasha júuktin tsawantrum iwiarturmaitrume” tímiayi.

Juir 3:13

Tura ni yajauch túramun árak júuktinia áintsaṉ chichaak ‘Árak júuktin tsawant jeayi’ tíniuiti. Tuma asamtai winirum tsupitiairmiji̱a̱i̱ trikiu neré̱ tsupirum juuktarum. Núnisaṉ uwa júukar najatai̱ṉkia piákuiti túrasha yumiri̱ yaratai̱ áimnar piákar metsainia áintsaṉ nú aentsu yajauch túrutairi̱ṉkia tí nukap ásar metsainiawai.

Mat. 13:30

Iniaisatarum. Antsu métek tsakakti. Júuktin tsawant jeamtai winia takartinian emka yajauch nupa̱n uwer irumar jiṉkiawarat tusan akupkartatjai. Tura áesawartatui. Tura trikiu nere̱n júukar péṉker ikiusarat tusan akupkartatjai’ timiai” tímiayi Jesus.