Isa. 17:3 - Yus Papí: Shuarja̱i̱ Yus Yamaram Chicham Najanamu

³ Wenuke iwiartukar utúachmin awajsamu ainia nuka Eprainnumia̱n kamenkarattawai tura Tamaskunmasha núnisan túrunattawai. Tura Sírianmaya̱ juákarua nuka Israera páantniuri̱ urukait núnisan niincha menarkartatui tawai Nayaimpinmaya̱ Suntara Uuntri̱ Jiuwá.

Isa. 17:3 Iomraidhean Croise

2 Akup. 17:6

Tura Useas nuiwi uwí akupin pujusu ai̱ Asiria úunt akupniuri̱ Samarian akinkiamiayi. Tura Israera shuari̱n achikiar Asiria nuṉkanam yaruakar Ará nuṉka Mítianmaya̱ aentsu pépruri̱n Kusan entsá yantamén Apur nuṉkanam matsasármiayi.

Isa. 16:14

tura Jiuwá yamaikia chichaak “Menaintiú uwitin takakmau tsawantri̱ jeamtai takatri̱ amutana núnis ti untsurí aents nui̱ matsatáinia nuí̱miak Muapa naṉkamantu enentáimtumatairi̱ṉkia amutuktatui. Tura iwiaaku juákartatna nuka peṉké ishichik tura kakarmachu ártatui.”

Isa. 17:4

Nu tsawantinkia Jakupa páantniuri̱ṉkia majatattui tura nuérmarincha iniais watsartatui.

Isa. 7:16

Ti nekas nú uchikia yajauch nakitratniun tura péṉker túratniun nekaamam ju̱ jimiará úunt akupin ame ashamamna ju̱na nuṉke̱ṉka ajapa ikiukmia ártatui.

Isa. 7:8

Warí Siria uunt pépruri̱ṉkia Tamaskuiti tura Tamasku úuntri̱ṉkia Resenaiti. Tura sasaintiséṉku uwitinkia Eprainkia ashí amukma asa pépruka atsuttawai.

Isa. 8:4

“Warí úchikia chichatan juáruk ‘apá’ ‘nukuá’ tutan juártsa̱i̱ṉ Tamasku warirí̱n tura Samaria warirí̱ncha ata̱a̱rman akantrar Asiria úunt akupniuri̱i̱n yaruakartatui” turutmiai.

Use. 1:4

Nuyá̱ Uunt Yus Useasan chicharuk “Jisriir anaikiata. Warí ishichik tsawant naṉkaamasai̱ Jeú Jisriir péprunam maṉkartua asamtai ní weantka mash amukártatjai. Nuna túran Israernum akupeamunka nuiṉ iniaṉnatkattajai.

Use. 1:6

Nuyá̱ Useasa nuwe̱ Kumir ataksha ajapruk nuiṉkia nuwa̱n takusmiayi. Tura takusmatai Uunt Yus chicharuk “Ru-rujama anaikiata. Wikia yamaikia Israer shuarnaka peṉké waitnentrachartatjai. Kame waitnentran tsaṉkurú ajachartatjai.

Use. 3:4

Israer shuar núkap tsawant akupniúrtichu tura úuntri̱ncha pujusártatui. Núnisaṉ taṉkuncha maa áestutsuk tura ántar yusri̱ncha kayaja̱i̱ nakumkar najantsuk pujusártatui. Nu arant Yúsnan takarkur awaṉketai̱ tura nekatai̱ kayarí̱sha nuyá̱ najanamu yus nekaatai tusar inintrútai̱ najankamusha atsuartatui.