Isa. 17:1 - Yus Papí: Shuarja̱i̱ Yus Yamaram Chicham Najanamu

¹ Tamasku túrunatin étserma. Enentáimpratarum, warí, Tamaskuka úunt pepruya núnaka iniais tsai̱ tsai̱ ju̱yu̱ awajsamu juáktatui.

Isa. 17:1 Iomraidhean Croise

Naṉ. 14:15

Túrawar Apramka ni suntari̱ji̱a̱i̱ nuyá̱ iniatairi̱ji̱a̱i̱ aya aneachma kashi jeariar mesetja̱i̱ nupetkam pisainiakui apapékar Tamaskunam arakaani̱ Upa nuṉkanam ejeniarmiayi.

Naṉ. 15:2

Tutai Apram Yusan aya̱k “Uunt Yusru, wi uchin takaktsujna nusha nékarme. Túmaisha amastájai túrutmena nu ¿itiura yáintkiattam? Winiaja chikichík uchiksha yajutmartin tsaṉkatrukchaitme. Tuma asamtai winia iniatai̱r Tamaskunmaya̱ Iriesér ashí takakjana núnaka nérentin ajastatui” tímiayi.

1 Akup. 11:24

Tawit Súupanmaya̱ aentsun kaje̱nakui Resun aentsun irur nuna uuntri̱ ajas Tamasku wear nui̱ matsamás úunt akupin Tamaskunu awajsarmiayi.

Isa. 13:1

Papirúnia urukatta nuna Amusa uchirí̱ Isayas ímiaja̱i̱k wainiak etserkamiayi. Tura tarach naint atsamunam ainia nui̱ awajárum takuitiarum. Núnisrumek aents untsuktarum túrakrumin kakaram áiniana nuna wáitiri̱n waya̱warti. Winia ti shiir awajsamu áinian útsuiniajai. Tura Winia kakaram ainia nunasha untsukarjai. Núnisaṉ Wi nupetmakui warainiana nunasha Wi kajekan akupkámurun umikiarat tusan akupénajai.

Isa. 15:1

Ar Muap aentssha tura Kir Muapsha kashi emesnakarmiayi. Tuma asamtai Tipiunnumia̱ aentska naint wákar útainiawai. Népuja̱i̱ Metewan enentáimtus Muapka úteawai. Ishpun Iriariji̱a̱i̱ kakantar útainiamu Jajasa tímianai ántuwawai. Tura suntar iwiarnakaru áiniana nusha charaatum ajainiak kakarmachu ajasárai.

Isa. 19:1

Uunt Yus Ejiptunam jeayi túrunamtai najankamu yus ainia nuka kurainiawai tura Ejiptunmaya̱ aentssha jakamnia enentáimiainiawai. Núnisaṉ chichaak “Wi Ejiptunmaya̱ aentsnaka aṉkant aṉkant aentsnaka nuamtak aentsnak tura péprunka nuamtak péprunak áitkiasnak akupeamunka nuamtak akupeamunak mámtikiartatjai. Kame Ejiptunka úunt akupin ti yajauch netsen íktusan iniaisattajai. Entsasha ashí ku̱yu̱kartatui túrunamtai árak Nírunam arakma ainia nuka ashí kukakártatui” tímiayi Uunt Yus. Nekamin Parauṉkai̱ pujuinia nuka Uunt Yus awajimtikrarma ásar nampekua núnisar pemperakut ajainiak waurka ajasárai. Ejiptunmaya̱ aentska nuwa̱ núnisar Ashí Akupin Uunt Yusan wáinkiar ashamkartatui. Ejiptunmaya̱ aents íismaka Jutaka tsuumai̱ ashamú ajamai átatui.

Isa. 7:16

Ti nekas nú uchikia yajauch nakitratniun tura péṉker túratniun nekaamam ju̱ jimiará úunt akupin ame ashamamna ju̱na nuṉke̱ṉka ajapa ikiukmia ártatui.

Isa. 7:8

Warí Siria uunt pépruri̱ṉkia Tamaskuiti tura Tamasku úuntri̱ṉkia Resenaiti. Tura sasaintiséṉku uwitinkia Eprainkia ashí amukma asa pépruka atsuttawai.

Isa. 8:4

“Warí úchikia chichatan juáruk ‘apá’ ‘nukuá’ tutan juártsa̱i̱ṉ Tamasku warirí̱n tura Samaria warirí̱ncha ata̱a̱rman akantrar Asiria úunt akupniuri̱i̱n yaruakartatui” turutmiai.

Mik. 1:6

Tuma asamtai Samarianka ashí emeskan yajauch awajsattajai. Túram uwa arakmatai nuṉka ajastatui. Nuyá̱ ni pépruri̱n je̱a̱ je̱a̱mkamu ainia nuna kayarí̱nkia pakanmaani̱ akaṉkétraran aya aeprukmari̱ṉ awajtúsartatjai.

Sak. 9:1

Kame Atraka nuṉkan tura Tamasku péprun kajerkar Uunt Yus chichakma ju̱i̱ti. Núnisaṉ Amatcha Tírusha nuyá̱ Setuncha ti neka áiniayataṉ nuja̱i̱ métek emesnakartatui. Tíruka wénuimi pujus kuitji̱a̱i̱ tura kuriji̱a̱i̱ ti kuítriniaiti. Túrasha Uunt Yus Tírunka takamtsuk ekemáktatui. Kame Askarúncha Káasasha tura Ikruncha ju̱na ashí iisar ashamkartatui. Túrunamtai Káasanmaṉka úunt akupniuka atsuttawai tura Askarún pépruka mashiaru juáktatui.

Tur. 9:2

Tura jearí chichaak “Papí ame náarmiji̱a̱i̱ áaram surusta. Wi nu papí jukin timiai Tamasku péprunam jean Israer shuar iruntai̱niam waya̱ttajai. Túran nú papiji̱a̱i̱ Jesusan umirkaru ainia nuna náṉkamsan achikiártatjai. Túran áishmaṉnasha nuwa̱ncha achikian jiṉkian, ju̱i̱ Jerusaréṉnum eṉkeataj tusan ikiaankattajai” tímiayi.