Isa. 16:5 - Yus Papí: Shuarja̱i̱ Yus Yamaram Chicham Najanamu

⁵ Kame akupkur pujutai̱ṉkia waitneṉkratamuja̱i̱ akupnáktin iwiarnarmatai nui̱ tímiatrus Niṉkia ekemsattui. Tura naka tímiatrus sumamtikiatniuka núnisaṉ péṉkerja̱i̱ yajauchin nekaatniun e̱a̱na nuyá̱ naka túrutai̱n wárik umiktinkia Tawit akuptainiam pujustatui.

Isa. 16:5 Iomraidhean Croise

2 Sam. 23:3

Israera Yusri̱ chichakuiti tura Israernumia̱ kátsuram Kaya aentsun nekasa nuja̱i̱ métek túrawarat tusa akupeana nu chichartak ‘Yus ashamamuja̱i̱ akupeana nuka

2 Sam. 5:9

Tawitkia suntara matsamtairi̱n pujusmiayi tura Tawitia Pépruri̱ tu anaikiamiayi. Miru kumpinian najana nuyá̱ juarki̱ suntara matsamtairi̱ncha wenuí mash eṉkekmiayi.

2 Sam. 7:16

Tuma asamtai Wi íimmianum amé weaka amuutsuk akupin tuke pujusártiniaiti. Tuma asa ni pujusár akuptáiri̱ṉkia umuchkiachmin tuke átatui” tawai’ titiá” tímiayi.

1 Akup. 10:9

¡Kame ame Úunt Yusrumka ti shiir awajnásti. Waras Israer shuara úunt akupniúri̱ atí tusa akuptámkaiti! Uunt Yus Israer shuaran tuke anea asa nekasa nuja̱i̱ péṉker akupkatniun anaitiamak apujtamsaiti” tímiayi.

YKan. 85:10

Waitnenkartutai̱ nekasa nuja̱i̱ wainniaikiarmai tura nákak túrutai̱ aṉkantin shiira nuja̱i̱ meje̱naisarmai.

YKan. 89:14

Yus asam pujutái̱rminkia aya péṉkerkete. Péṉker túratniusha tura naka wekasatniusha Ame pujutái̱rminkia aeprukma núnis takurmakainiawai. Núnisaṉ nekasa nusha tura waitnenkartutaisha Aminí̱ya̱ eem wénawai.

YKan. 98:9

Jiuwá íimmianumka warastarum. Warí nuṉká matsatainian sumamtikiataj tusa winiawai. Túrak nuṉkanka nekasa nuja̱i̱ métek naka sumamtikiattui, aentsnasha núnisan tímiatrusan métekrak sumamtikiattawai.

YKan. 99:4

Maa kakaram úunt akupniu aya nekasa nuke túriniaitme. Ámeka naka nuke chichawitme. Ámeka Israerja̱i̱sha aya naka nu túrakum nekasa nuja̱i̱ métek sumamtikiaitme.

Neka. 20:28

Úunt akupniusha nekasa nuja̱i̱ métek tímiatrus waitneṉkratamuja̱i̱ uminiaitkiuṉka tuke akupú pujuwiti.

Neka. 29:14

Akupin atsumainia nuna nekasa nuja̱i̱ métek iis nekáa ni pujuttana ímianaisha tuke aṉkant akupin átatui.

Isa. 55:4

Nekaatarum. Niṉkia nekasaiti wisha wáinkiaitjiai tití tusan péprun apujtusuitjiai. Núnisaṉ uuntri̱ tura suntara uuntri̱ ati tusan ashí péprun apujtusuitjiai.

Tan. 7:14

Nuya̱ṉka akupkatin tura naṉkamantu ajastin núnisaṉ akupin átincha sunasmai. Tuma asamtai ashí aents tura mátsatkamu uunt nuṉka ainia nuya̱sha núnisaṉ chíkich chíkich chichamtin ainia nusha Nin shiir enentáimtuiniak umiriarmai. Warí, ni akupkatniuri̱ṉkia náṉkatkachu amuukashtin tura peṉké emesnarchatniuiti.

Tan. 7:27

Nuya̱ṉka tunaarincha ainia nuna Ashí Tujintkiachu Yusa akupeamuri̱ aents ásarmatai ashí ju̱ nuṉkanam akupeamu ainia nuna peṉkeri̱n tura kakarmari̱ncha nuyá̱ páantniuri̱ncha nu akupeamun súsartatui. Warí, nu akupeamuri̱ṉkia peṉké naṉkankashtin asamtai ashí nuṉka akupeamunam ainia nusha Yusan shiir awajainiak umirkartatui.’

Ams. 9:11

Nu tsawant jeatta nui̱ṉkia Tawitia Yusa Je̱e̱n já̱a̱rar emestukma nuna ashí péṉker iwiarkattajai. Túran yaunchu amia tímiatrusnak awajsattajai.

Mik. 4:7

Nuya̱ṉka shutuap juákarma núnaka tura yajá tsakiṉmakarmaj nunasha uunt pepru ti kakaram awajsartatjai” tawai Uunt Yus. Tura nu tsawantinkia Seun nainnium Uunt Yus yamaisha tura ukunmasha nin tuke akupkartatui.

Sak. 9:9

Seuna nawantri̱yá ti warastarum. Jerusaréṉka nawantri̱ya ti shiir warasrum untsumkatarum. Warí, atumí Úunt Akupniuri̱ péṉkernak túrin tura uwemtikrin peejcha asa umpuru uchirí̱n eketka winitrámprume. Mat. 21:4-5; Jṉ. 12:15