Isa. 16:2 - Yus Papí: Shuarja̱i̱ Yus Yamaram Chicham Najanamu

² Warí, Arnun entsa wajá katitiainmaṉka chiṉki awakkam pasuṉke̱n ikiuana Muapa nawantri̱ṉkia núnikiartatui.

Isa. 16:2 Iomraidhean Croise

2 Akup. 3:4

Kame Muápnumia̱ úunt akupin Misaka sian mir murikiun tura sian mir murikiu ure̱n Israer shuaran súsatin ármiayi. Túrasha Akaap jakamtai Israer shuarka akikchartai tusa Muápnumia̱ akupin akiktinian nakitrámiayi. Túrunamtai Juramka Israernumia̱ suntaran iwiarak Jutanmaya̱ úunt akupniun chichaman akuptak “Muápan mesetan jurusjai amesha yaintkiattamek” tímiayi. Tutai Jusapátcha “Ee yáiṉtatjame” tímiayi.

Neka. 26:2

Shuírpip tura chinimpⁱ atú we ju̱ní̱ we ajakush tui̱ wea nuna nékatsui. Núnisaṉ shuar peṉké antrar yajauchiji̱a̱i̱ yumiṉkramuka yúmiṉᵏⁱ jearchaiti.

Neka. 27:8

Aents ni nuṉke̱ya̱ jiinkí̱ aya wekaikiní̱ ajawa nuka chiṉki yajá weak ni pasunke̱n enentáimtatsna núnisaiti.

Isa. 13:14

Kame japa apapéam tura muriksha wainniuri̱ atsakui urukainia núnisaraṉ aentska ní pepruri̱niak íisartatui nuyá̱ ní nuṉke̱ni̱ṉ pisarartatui. Wáinniakka naṉkiji̱a̱i̱ ijiú maamu ártatui. Núnisaraṉ achikiármasha puya̱ja̱i̱ maamu ártatui. Tura nisha iimiainiamunmaṉ uchirí̱sha aji̱a̱rar maamu ártatui nuyá̱ ni je̱e̱sha emestukar ashí kasaramu ártatui. Núnisaṉ ni nua̱ri̱sha kakarmaja̱i̱ yajauch awajtúsma ártatui.

Muis. 2:36

Tura uunt pepru Aruir Arnun entsa pakarí̱n ayaam nainnium matsamárma nusha núnisaṉ Karaat péprunam pujuarmia nusha iiji̱a̱i̱ mániatniunka peṉké jeacharmai. Uunt Yus ii Yusri̱ awakmáktinian tsaṉkatramkamji.

Muis. 3:12

Tura ju̱ nuṉkanam péprun ata̱i̱niarmia núnaka Aruir nuṉka Arnun entsa nuyá̱ juarki̱ naintiar naintiar Karaat nuṉka nuna ajapéri̱ya̱ tímianai Ruwin tura Kaat shuaran súsarmiajai. Tura Karaat nuṉka juakua núnaka nuyá̱ Pasannasha takamtsuk Manasés shuaran amaini̱ pujuinia nuna súsarmiajai.

Muis. 3:8

Túrar Arnunnumia̱ naṉkamar Irmun naintia tímianai núṉkaka atantiarmiaji. Nuka Jurtan entsa amaini̱ Amur aentsu akupniúri̱ jímiar armia nuna nuṉké̱ ármiayi. Pakanam pepru armia nuka ashí tura Karaatnaka takamtsuk núnisaṉ Pasannasha takamtsuk Sárkanmaya̱ naṉkama Ítriya̱ tímianai tura Pasannumia̱ Uka nuṉke̱ya̱ tímianaisha ashí nérentin ajasármiaji.