Isa. 16:12 - Yus Papí: Shuarja̱i̱ Yus Yamaram Chicham Najanamu

¹² Tura Muapka yusri̱n áujsataj tusar ni ántar yusri̱n enentáimtutai̱ naint írunna nui̱ wainiak pimpiniakush núnaka peṉké ántar túrawartatui.

Isa. 16:12 Iomraidhean Croise

1 Akup. 11:7

Nuya̱ṉka Muápnumia̱ yus Kímius tura Amunnumia̱ yus Muruk mui̱jmiai̱ ti yajauch ainia nu enentáimtutai̱n Jerusaréṉnum íṉkiuasmak nainnium Saramúṉ najatkamiayi.

1 Akup. 18:29

Kame tutupin naṉkaamasmataisha wáurkamaikia nuna kakaram untsumainiak kí̱arai̱ árak áestutai̱ urancha aya úntsumtaik ejeniarmiayi. Túrasha ai̱kiartincha tura anturkartincha peṉké atsumiayi.

2 Akup. 19:12

Uunt matsatkamu Kusan tura Arancha Resepsha nuyá̱ Eten aents Terasárnum pujuarmia nuna winia apar emeskarmia ¿nu aentsu ántar yusri̱ya̱sh aṉkant awajsarmakia?

Neka. 1:28

Nuiṉkia untsurkartatui túrasha ái̱kchartatjai núnisaṉ wáuras e̱a̱tkartatui túrasha peṉké wáitkiachartatui.

Isa. 16:13

Muap urukatta nuna Jiuwá yaunchu timia nuka ju̱i̱ti

Isa. 26:16

Maa Uunt Yusru Ame asutkiaram aju̱ntrarmamna nuiṉkia Ámin útkamaikia seatmarmai. Ame íimmianum nuwa̱ ajamtinia núnis najaimiainiak untsumiármai uchi takustaj tusar najaimiatai takakuji túrasha úchikia nase takúa núnikmaji. Ii aṉkant ajastinkia peṉké wainkiachuitji núnisaṉ nú aentska atak akiiniatniun tujintkiarmai.

Isa. 47:13

Áme chichammek yawe̱trame. Antsu yamaikia nayaimpin unuimiátin tura yaancha unuimiátin ainia nu káutramkar ayamprutmakarti.

Jrm. 10:5

Chiṉkí awakín najanar ajanam awajsamua núnin áiniawai. Chichainiatsui, ishichkisha ékemkachmin asamtai yanakí̱ juíniawai. Yajauch awajsachmin asamtai niṉkia ashamainiatsui. Núnisaṉ péṉker awajsatniuncha kakarmanka peṉké takakainiatsui” tíniuiti.

Wek. 22:39

Nuya̱ṉka Paraamka Parakja̱i̱ wéar Kiriat Jusutnum jeawarmiayi.

Wek. 22:41

Nuya̱ṉka kashin Parakka Paraaman jukí̱ Pamutpáar nainnium iwiakmiayi. Tura Paraamka nui̱ wajas Israer shuar aya nekant matsatainian wainkiamiayi.

Wek. 23:14

Nuya̱ṉka Sujim nuṉkanam Piska naintia pakarí̱n jukí̱ Yus áestutai̱n siati najanak waaka uchichin nuyá̱ murikniasha aṉkant aṉkant nui̱ áestukmiayi.

Wek. 23:28

Nuyá̱ Parakka Piur naint kampuntin atsamunmaani̱ íirkana nuna tsakari̱n Paraamnaka iwiakmiayi.

Wek. 24:17

Jakupai̱ya̱ yaa núnis jíintiatui, Israernumsha úunt akupin pujustatui. Ninkia yamaikcha wainkiattajai tura árantiaṉ íistatjai. Tura Muap aentsun núnisaṉ Set shuarnasha ashí amukártatui.