Isa. 15:1 - Yus Papí: Shuarja̱i̱ Yus Yamaram Chicham Najanamu

^1-4 Ar Muap aentssha tura Kir Muapsha kashi emesnakarmiayi. Tuma asamtai Tipiunnumia̱ aentska naint wákar útainiawai. Népuja̱i̱ Metewan enentáimtus Muapka úteawai. Ishpun Iriariji̱a̱i̱ kakantar útainiamu Jajasa tímianai ántuwawai. Tura suntar iwiarnakaru áiniana nusha charaatum ajainiak kakarmachu ajasárai.

Isa. 15:1 Iomraidhean Croise

Isa. 11:14

Nuyá̱ Israer shuarka etsa̱ akatainmaani̱ Jiristíu aents matsatainia nuna pinchu kuntinnian wainiak inianteana nútikias iniantrartatui. Nuyá̱ mash irunturar Etumnasha tura Muápnasha ni warirí̱n atantrar yarurkartatui. Kame Muapka tura Etumsha nupetkamu ártatui. Antsu Amuna uchirí̱ṉkia Israer shuaran umirin ártatui.

Isa. 13:1

Papirúnia urukatta nuna Amusa uchirí̱ Isayas ímiaja̱i̱k wainiak etserkamiayi. Tura tarach naint atsamunam ainia nui̱ awajárum takuitiarum. Núnisrumek aents untsuktarum túrakrumin kakaram áiniana nuna wáitiri̱n waya̱warti. Winia ti shiir awajsamu áinian útsuiniajai. Tura Winia kakaram ainia nunasha untsukarjai. Núnisaṉ Wi nupetmakui warainiana nunasha Wi kajekan akupkámurun umikiarat tusan akupénajai.

Isa. 14:28

Akupin Akaas jakamia nú uwitin ju̱ asutniátniuka etsernakmiayi.

Isa. 16:11

Tuma asan Muápan enentáimtusan wakeruiṉkia arpa núnisan ten ten ajattajai tura winia enentái̱rka Kir-jaresétain átatui.

Isa. 16:6

Kame Muapa naṉkamantu enentáimtumatairi̱sha anturkaitji, maa túmak wikia yája̱i̱ṉsha jeatsjai tura wikia tímianuitjiai núnisaṉ wikia awakkachminiaitjiai tutairi̱sha ti úuntaiti. Túrasha ni wáitri̱ṉkia tímiatruskeka áchattawai.

Isa. 16:7

Tuma asa ashí Muapka kuntuts nekapeak úttiartui, maaj ti nekas takamtsuk jakamnia nekapiartatui. Uwa ikiaramu nanerar yutai̱ najankamun Kir-jaresétnumia̱n enentáimtusar pimpirua núnisar jakamnia nekapenak “¡tsej ausháa!” ajartatui.

Muis. 2:18

‘Yamaik Muap aentsu nuṉke̱n naṉkaamakim Ar péprunmaani̱ wétatme.

Muis. 2:19

Túrasha nui̱ Amun aentsja̱i̱ wainniaiyakrumsha itit awajsairap. Tura ni nuṉké̱ ata̱i̱r nérentin ajastai tusarmesha mániawairap. Warí nu nuṉkanka Rauta shuari̱n nui̱ matsamsatniun súsaruitjiai. Tuma asamtai ni nuṉke̱nka amaschamniaitjiarme’ tímiayi.