Isa. 14:2 - Yus Papí: Shuarja̱i̱ Yus Yamaram Chicham Najanamu

² Nuya̱ṉka chíkich nuṉkanmaya̱ aents Israer shuaran ni nuṉke̱n awaiṉki̱ ikiuwartatui. Túmainiakui Israer shuar Uunt Yusa nuṉke̱n nú aentsun áishmaṉnasha nuwa̱ncha ni iniatairi̱ awajsártatui. Tura nin achirar yaruakarmia nútiksaraṉ nincha achirar yaruakartatui. Túruiniak íksaṉ nin wáitkiasarmia nuna uuntri̱ ajasártatui.

Isa. 14:2 Iomraidhean Croise

Ists. 2:65

Ni takarniúri̱ áishmaṉsha nuwa̱sha nekapmatsuk 7.337 ármiayi. 200 kantamniun áishmaṉnasha nuwa̱ncha niṉkia takaku ármiayi.

YKan. 68:18

Ámeka achirma ainia nu yaruakam wakamame. Tura aentsu warirí̱sha takurkame. Nu arant umichusha nakitiáiniak akikmamtikiamame. Nui̱ shiir pujustaj tusam túramame.

Isa. 18:7

Nu tsawanti̱nkia entsa ti irunmanum nuṉka ana nú nuṉkanmaya̱ aents naya aya̱shí̱sha wincharpátin tura yáma naṉkamtaiknumia̱ṉ tura ukunmasha ti tsuumai̱ núnisaṉ kakaram nuyá̱ utsanawar chikicha nuṉke̱n akintrukar nérentin ajáu ainia nuyá̱ Nayaimpinmaya̱ Suntara Uuntri̱ Jiuwan yumiṉkiainiak Ni naari̱ shiir awajtai̱ya̱ nui̱ Seun naintnium ántar súsatniun ikiatkartatui.

Isa. 49:22

Nuyá̱ ii Uunt Yusri̱ chichaak “Nekaata, Wi uwejrun uunt nuṉka mátsatka ainia nuní̱ takuimtai tura pepru irunainia nuní̱ Winia tarachrun nenan takuimtai nu nuṉkanmaya̱ aents ame uchirmin miniakearu nuyá̱ ame nawantrumniasha yakainium ekentra káunkartatui.

Isa. 49:23

Kame úunt akupniuka ame uchirmin wáinin ártatui tura ni nawantri̱ ainia nusha ame uchirmin tsakatma ártatui. Núnisaṉ tikishmar ámin tsuntsumprútmawar nawemíya̱ nuṉka ju̱yu̱ri̱n nukarartatui. Nuja̱i̱ Wi Úunt Yusaitjiana nu nekaattame. Tura winia nákarainia nuka peṉké natsa̱a̱rchartatui” tawai.

Isa. 49:25

Kame Uunt Yus chichaak “Kakaram mesetan unuimiátra ainia nu aentsun achirar yajá yarumainia nuka nekas atannártatui núnisaṉ kuitcha aṉkant juákartatui. Ámiji̱a̱i̱ máninia núja̱i̱ṉkia Wi mániktatjai túran ame uchirmíncha Wi uwemtikrartatjai.

Isa. 54:3

Warí ame untsuurumsha tura menaarmesha takuittiame. Túrawakmin ame tiraṉkim ukunam akiiniawartatna nu, untsurí nuṉkan akinkiartatui tura uunt pepru ainia nuna aents atsuinia nui̱ matsamkartatui.

Isa. 61:5

Tura yajaya̱ shuar nui̱ pujusár atumí murikrí̱n wáinkiartatui tura yajaya̱ aentsu uchirí̱ takartámin tura úwarmincha juurtamin ártatui.

Isa. 66:12

Warí Uunt Yus chichaak “Nekaatarum, nui̱ṉkia aṉkant pujustinian entsa akaana nútiksan tura uunt matsamkamu páantniuri̱ncha ashints ama̱a̱rak náṉkamas akaana nútiksan Jerusaréṉnum akupkáttajai. Tuma asamtai átumka muntsúattarme núnisrumek weṉkusar itiamú tura naṉkasá pujursar shiir awajsamu átatrume” tawai Uunt Yus.

Jrm. 30:16

Tura ámin yamái yuramainia nuka yuamu ártatui tura ame nemasrum ainia nuka ashí mash achira yaruakma ártatui. Atumín atantramainia nunasha núnisaṉ nincha atantrartatui. Ántsaṉ atumín kasartamainia nunasha nútiksaṉ kasararat tusan iniaisartatjai.

Isk. 39:10

Nui̱ṉkia kampunniunmaya̱ jíniaka júukchartatui núnisaṉ jiniasha tsupikchartatui antsu mesetnum mánitiaiji̱a̱i̱ jíniaka ikiapáiniartatui. Nuní̱ túrawar atararmia nuna atantrartatui. Tura ni warirí̱n yarurkarmia nunasha nisha yapajmiainiak yarurkartatui” tawai Uunt Yus Ashí Aentsu Uuntri̱.

Tan. 7:18

Túrasha nu naṉkaamasmatai̱ṉkia Ashí Naṉkamantu Yusna ajasár tunaarincha áiniana nu ni akupeamuri̱n akintrukartatui. Tura nu akupeamuka peṉké iniaṉnatsuk tuke niniu átatui’ turutmiai.

Juir 3:8

Kame atumí uchirí̱ncha tura nawantri̱ncha Jutá shuarnum surutkattajrume. Nisha nútiksaraṉ yajá nuṉkanam Sapíu aentsnum surukarat tusan túrattajai. Wi Uunt Yus asan tajai.

Riw. 25:44

Ame iniatairmeka nuwa̱sha áishmaṉsha uunt nuṉka mátsatkamu atumí nuṉke̱n ayamach matsatna nuyá̱ ártiniaiti. Antsu nuya̱ṉka iniatai̱ram nuwa̱sha áishmaṉsha páchitsuk sumakminiaitme.

Apt. 1:17

Maa nui̱ Seun naintnium juákaruka uwempraru ártatui. Nu naintkia aya Yusnak akantúkma átatui. Nuya̱ṉka Jakup aentska mashⁱ ni takaku armia núnaka awaṉtumprartatui.

Sak. 2:13

Kame Uunt Yus íimmianumka ashí aents takamátsarti. Warí tí shiir akantúkma pujutái̱ri̱ya̱ nui̱ Niṉkia wajakniuiti” tímiayi.

Sak. 2:9

Wats nekaata, nu nuṉká ainia nuna yamaikia Winia uwejrun takuriartatjai. Nuya̱ṉka ni iniatairi̱ armia nu ni úuntri̱nmaya̱ mash ata̱a̱rartatui. Kame nuja̱i̱ Ashí Akupin Uunt Yus akupkámuitjiana nu nekaattarme.

Ruk. 12:45

Tura nu takatan wainniusha ‘úuntur wau táchattawai’ tu enentáimias ni uuntri̱ takarniúri̱n yajauch awajeakuiṉkia tura niṉki ti yurumá ti umar nampeakuiṉkia

Rum. 15:27

Ti wakeruiniak túrawarmiayi. Nu nekas túrashtinkiait. Israer shuarnumia̱ Yus Chichaman antukaru ásar yamaikia ni kuítriji̱a̱i̱ páchitsuk yáiṉchatniukait.

2 Kur. 10:5

Ju̱ nuṉkanmaya̱ aentsu jintíamuri̱ṉkia tura waantu enentáimtumamuri̱ṉkia Yus nekaatniun itit awajea nuka, nu naṉkiji̱a̱i̱ núpeteaji. Tura ashí ju̱ nuṉkanmaya̱ enentáimsatin yapajniak, emetamu áintsaṉ Krístun umirkarat tusar nu naṉkiji̱a̱i̱ núpeteaji.

Kar. 5:13

Atumniasha yatsuru, Kristu tuke aṉkant awajtámsarme. Tura aṉkant ajasrum “Aya wi wakerajna nuna túramniaitjiai” tu enentáimprairap. Antsu nuamtak aneniakrum péṉker yáiniaiktarum.

Ipi. 4:8

Nu asamtai Yus Papiniumsha tawai “Achikman jukí̱ nayaimpiniam wakamiayi. Tura shuaran shíiran susamiayi.” YKan. 68:18

Apu. 3:9

Wátsek. Shuar wáitruiniak “Israer shuaraitjiai” tuíniayat iwianchi uuntri̱ Satanás shuar áiniawai. Nu shuaran nekas ámin aneajna nuna nekaawarat tusan amiini̱ tikishmátkiarartatjai.