Isa. 14:1 - Yus Papí: Shuarja̱i̱ Yus Yamaram Chicham Najanamu

¹ Uunt Yuska ti nekas Jakupan waitnentrattawai tura Israernaka ataksha awaiṉki̱ achik ní nuṉke̱ni̱ṉ matsasártatui. Tura chíkich aentssha nui̱ káunkar niji̱a̱i̱ tsaniṉkiar Jakupa shuari̱ ajasártatui.

Isa. 14:1 Iomraidhean Croise

Istr. 8:17

Kame nuṉka tesarma armia nui̱sha tura aṉkant aṉkant pepru armia nui̱ úunt akupniu chichame̱ jeamia nuiṉkia Israer shuarka ti warainiak shiir tsawant nájanji tusar tí peṉker núkap yurumátniun najanawarmiayi. Tura Israer shuaran ashamainiak untsurí aents nu nuṉkanmaya̱sha iisha Israer shuaraitji tiármiayi.

YKan. 102:13

Warí, Seun waitnentratin tsawant yaunchu jeayi. Tuma asamtai yamaikia waitnentrata.

YKan. 102:14

Ámin takartámin ainia nuka ame je̱e̱m sa̱a̱nak punarmari̱n enentáimtusar anenak ti kúntuts pujuiniawai.

YKan. 143:12

Ame waitnenkartutairmiji̱a̱i̱ winia nemasruka mitia ajasártatui. Ashí winia nemasru wakaní̱ ainia nuka emesrarta, warí wikia Ame takarniuitjiai.

YKan. 98:3

Tura Ni waitnenkartutairi̱n tura nekas chichatairi̱ya nuna enentáimtus Israer shuarnaka yáiṉkiuiti. Tura ashí nuṉka náṉkatrainia ímianai pujuinia nu ii Yusri̱ uwemtikrampramun nékainiawai.

Isa. 19:18

Nu tsawantinkia Ejiptunmaṉka seṉku pepru ártatui. Túrasha Kanaannumia̱ chichamam chichasártatui núnisaraṉ péṉkera túrin Úunt Yusnasha chicharainiak “Iisha nekas umiktatjai” tiártatui. Ejiptunam ajapén Uunt Yus áestutai̱ átatui núnisaṉ nuṉka tesamu náṉkatkamunam tíjiu̱ch Uunt Yus enentáimtutai̱ pau ukuamu ártatui. Nuja̱i̱ Uunt Yusan Ejiptunam enentáimtiartatui. Ni nemasri̱ wáitkiainiam Uunt Yus seam uwemtikkiartinian akuptúktatui túram nu shuar Uunt Yusan nekaawartatui. Ejiptunka asutiáyat Uunt Yuska ataksha tsuar awajtiatui.

Isa. 21:1

Tí tsuumainian ímiaja̱i̱k iniaktursamai. Tí kuntuts enentáimpran antukchamnia ajasan pujajai. Ti ashamkan íimsachmin ajasjai tura sápij mash amutáyi.

Isa. 27:6

Israer shuar ukunmaṉka kaṉkaprurtatui túruna ni nere̱ja̱i̱ nuṉká piáktatui. Uunt Yus eteṉmas Israernaka asutiáttawai. Chíkich nuṉka mátsatkamun asutiáwarma nuni̱ṉkia asutiáshtatui.

Isa. 41:8

“Túrasha ámeka Israerá, Winia amikiur Aprajáma shuari̱ya̱ Jakupan achikmiajna nu Wi wakeramu takartiniaitme.

Isa. 41:9

Wikia nuṉka náṉkata ímianiaṉ Winia aminiam tusan áminkia untsukmiajme. Tura asan ‘Wikia winia takarniúr átatme tímiajme. Tura Wi anaikia asan áminkia peṉké iniaisachuitjiame.

Isa. 44:1

Yamaikia Winia takartin Jakupá antukta, Israerá Wi ámin achikmajme.

Isa. 47:1

Papirúnia nawantri̱ áishmaṉja̱i̱ tsaniṉcha akaikim nuṉká ju̱yu̱ri̱n pujusta. Kartíunmaya̱ aentsu nawantri̱yá akupkur pujutái̱ram atsá asamtai nuṉká pujusta. Warí, kuirchia áiniuch wáitnenmaich atakka peṉké tunashtatme.

Isa. 49:10

Nuiṉkia tsukaja̱i̱sha kitiakja̱i̱sha wáitsachartatui tura etsa̱sha sukuiniak wáitkiaschartatui. Warí nin waitnentainia nu juinia asa púkuni entsa írunmanumaani̱ júkiartatui.

Isa. 49:13

Nayaimpⁱ ti warakum charáa charáa ajata, áintsamek nuṉkáa ti warasta. Núnisaṉ náintirmesha warakrum charaatum ajatarum. Warí Uunt Yus ni shuari̱n atsaṉkar ni wáitiamuri̱ncha waitnentraruiti.

Isa. 49:15

“Túrasha ¿nuku ni uchirí̱n muntsúakun kajinmatuak tura ni uchirí̱n takusma nuna waitnentsuk kajinmatki̱ iniaisattuak? Kame nuwa̱ uchirí̱n kajinmatainiakuisha Wikia áminkia peṉké kajinmátkishtatjame.

Isa. 49:25

Kame Uunt Yus chichaak “Kakaram mesetan unuimiátra ainia nu aentsun achirar yajá yarumainia nuka nekas atannártatui núnisaṉ kuitcha aṉkant juákartatui. Ámiji̱a̱i̱ máninia núja̱i̱ṉkia Wi mániktatjai túran ame uchirmíncha Wi uwemtikrartatjai.

Isa. 49:7

Tura Uunt Yus, Israera uuntri̱ uwemtikkiartinia nu tura ame Tunaarincha Yúsrum imiancha tura nakitrámua nu núnisaṉ chikichan takarniúri̱ya nu chichaak jú̱nis tawai “Uunt akupin ainia nusha ámin waitmakar wajakiar Uunt Yus péṉker túrin asamtai tura Israera Yusri̱ peṉké tunaarincha ámin anaikiamka asamtai tikishmáttramprar tsuntsumprútmawartatui” tímiayi.

Isa. 54:3

Warí ame untsuurumsha tura menaarmesha takuittiame. Túrawakmin ame tiraṉkim ukunam akiiniawartatna nu, untsurí nuṉkan akinkiartatui tura uunt pepru ainia nuna aents atsuinia nui̱ matsamkartatui.

Isa. 55:7

Yusan umircha ainia nusha ni túrutairi̱n iniaisarti núnisaṉ yajauch enentáimin ainia nusha ni enentáimtairi̱nkia iniaisarti. Tura ti waitnenkartin asamtai Uunt Yusai̱ni̱ṉ waketkiarti. Núnisaṉ tsaṉkurkartutai̱ri̱sha tí uunt asamtai ii Yusri̱ni̱ṉ waketkiarti.

Isa. 56:3

Tura chíkich nuṉkanmaya̱ aents Uunt Yusan umirak chichaak “Uunt Yus winia peṉké akantúktiatui” tícharti. Tura uchin yajutmachusha chichaak “Wikia numi kukarua núniniaitjiai” tícharti.

Isa. 66:20

Tura Yus súsatniun piniṉ péṉkernum chumpíawar Israer shuar Uunt Yusa Je̱e̱n ikianainia nútiksaraṉ atumí yachi̱ ashí uunt mátsatkamu ainia nui̱ pujuinian Winia akantúkma naintrui̱ Jerusaréṉnum Yus súsatniua núnis ikianainiak kawainiumsha núnisaṉ kárunmasha tura umpurunmasha nútiksaraṉ peaknumsha nuyá̱ kamiyunmasha ikiankartatui tawai Uunt Yus.

Jrm. 16:15

Nuka tútsuk antsu ‘¡Iwiaakui Uunt Yus Israer shuar arakaani̱ matsatun tura chíkich nuṉkanam achira yajá yaruakma matsatun awakear ikiankarmia nuka!’ títiatrume. Túram ní nuṉke̱ni̱n awakeararan ni úuntri̱n nuṉkan súsarmiaj nui̱ṉ matsasártatjai.

Jrm. 29:14

Túrasha atumek e̱a̱tkarum waitkiattarme. Tura achirar yajá yaruakma átumka matsatrumin nuya̱ntka awakeartatjarme. Kame uunt nuṉka mátsatkamunam tura Wi ji̱i̱rá akuprámu tui̱ matsamsaitrum nui̱ pujarmini̱ṉ ashí ikiankan irurtatjarme. Túran tui̱ matsatrumnia̱ achira yaruaktarum tusan tsaṉkamkamjarum nui̱ṉ awakearan ataksha matsastatjarme tawai Uunt Yus.

Jrm. 30:8

Ashí Akupin Uunt Yus tuke tawai. Nu tsawant átatna nuiṉkia Wi kuntujmíya̱ṉ kijin awantkámua nuna kupirattajme. Tura jiṉkiamurmincha tsurintrattajme. Tura atakka chíkich nuṉkanmaya̱ ainia nuna iniatairi̱ áchattarme.

Jrm. 31:4

Wats iistá, Israerá nuwa̱ch áishmaṉja̱i̱ tsaniṉcha núnisan áminkia ataksha iwiarkattajme túran ataksha je̱a̱mkattajme. Túramka shakapja̱i̱ iwiarmampram warainiak jantsemáiniana nui̱ amesha pachinkiattame.

Jrm. 50:33

Ashí Akupin Uunt Yus chichaak “Israer shuarka tura Jutá shuarsha wáitkiatai pujuiniawai. Achirar yajá yaruakarua nuke akupratniun nakitiáiniak ashí emetawaruiti.

Jrm. 51:51

Tura iin wishikramainia anturmamkar natsa̱a̱raruitji. Warí Uunt Yusa Uunt Je̱e̱n mai̱ tesamunam yajaya̱ aents káunkar yajauch awajkaruiti.

Isk. 16:60

Túrasha Jerusaréṉká, ame natsa asakmin Wi chichaman ámiji̱a̱i̱ najanamiaj nuna Wikia enentáimprattajai tura tuke amukashtin chichaman ámiji̱a̱i̱ najanattajai. Túramtai Wi Úunt Yusaitjiana nu nekaattame. Tura ame yajauch túrawakmin nuna akikmaktaj tusan túrattajna nuja̱i̱ enentáimpram natsa̱a̱rtatme” tawai Uunt Yus Ashí Aentsu Uuntri̱.

Sak. 1:17

Nu arantcha ataksha kakantra étserkum Ashí Akupin Uunt Yus chichaak ‘Winia péprur ainia nuiṉkia wariṉkísh naṉkaamas írunuk pimiasuá wáinkiartatui. Núnisaṉ Seúnnaka Uunt Yus ataksha atsaṉkrattawai tura Jerusaréṉnaka ataksha achiktatui titiá’” tímiayi.

Mks. 1:11

Nuyá̱ etsa̱ jintiainmaya̱ naṉkama etsa̱ akatai̱ya̱ tímianaisha ashí nuṉka náṉkatramunam Winia naarka naṉkamantu átatui. Tura ashí nuṉkanam Winia Naarja̱i̱ kuṉkuinniasha nekas enentáiji̱a̱i̱ tura surustinia nunasha péṉkeran súruiniak shiir awajtúsartatui. Kame Winia Naar ashí nuṉkanam nekas naṉkamantu asamtai túrawartatui” tawai Ashí Akupin Uunt Yus.

Ruk. 1:54

Israer shuar Niniu ájinia núnaka waitnentratniun kajinmáttsuk yaintmakuitji.

Ruk. 2:32

Israer shuarcha ainia nu tsáapninium wekasarat tusa akuptúkmaiti ju̱ Uchi. Isa. 9:2; 42:6; 49:6 Tura Israer shuar Áminiuram ájinia nuna ashí aents shiir enentáimtikrarti tusam ju̱ Uchi akuptúkmaitji. Nuna wainkian shiir enentáimsan jákatniuitjiai” tímiayi.