Isa. 13:9 - Yus Papí: Shuarja̱i̱ Yus Yamaram Chicham Najanamu

^9-10 Yamaikia Uunt Yusa tsawantri̱ tsuumai̱ ajasmatai ti itiurchat enentáimiar nuyá̱ ti kajek jú̱ nuṉkanam ashí tunaarintin áiniana nuna emesak aya jú̱nik awajsattsa winiawai. Yaa tsáapnintri̱sha wainniakchattawai tura etsa̱sha mushatmartatui núnisaṉ nantusha etsantrashtatui.

Isa. 13:9 Iomraidhean Croise

YKan. 104:35

Nu tuma asamtai tunáa aents ju̱ nuṉkaya̱ jí̱i̱kiaru ártí. Núnisaṉ Yusan enentáimtichu ainia nuka ashí amunkarti tajai. Maa, Winia wakantru Uunt Yus tuke shiir awajsata. ¡Naṉkamantuitme Uunt Yusá!

Neka. 2:22

íksaṉ aents Yusan yajauch chicharin ainia nuka tura anaṉkartin ainia nusha nupa̱ uwé ajapatniua núnis ártatui.

Isa. 2:12

Kame Ashí Akupin Uunt Yusa tsawantri̱ átatna nu tsawantka wishikkiartin tura waantu enentáimtuma ainia nuna Yus ni kajetáiri̱n tura kakarmari̱ncha iniaktusartatui. Tuma asa natsanmai̱ awajnákartatui.

Isa. 66:17

“Uunt Yusan shiir awajsatniua núnis mátrachu tura imiatkincha awajmamsar najankamu yusan tikishmátratai tusar kuku̱j ajanam wéar nui̱ iruntramu ajapéri̱n chikichik aents kuchi namaṉke̱n yúakka tura katipi namaṉké̱ncha mui̱jmiai̱ ainia nuna yúaka métekrak mantamnawartatui” tawai Uunt Yus.

Isk. 13:5

Israer shuartirmeka Uunt Yusa tsawantri̱ jeamtai uwemprarmi tusarmeksha iwiarnakchaitrume. Waitruá etserin ainia nuna chichame̱ ánturkuram Uunt Yusa chichame̱ṉka anturkachu asarum pepru wenuke̱ najatkachma tura wenuke̱n wa̱a̱ írunusha akirkachma núniniaitrume.

Juir 1:15

Kame Uunt Yusa tsawantrí̱ṉkia jeatémayi. Tuma asamtai nú tsawantka aneartarum. Warí ashí emesnaktin tsawantka Ashí Tujintkiachu Yusai̱ya̱ tátatui.

Juir 2:1

Tura Seúnnumka kachu umpuarum Winia akantúkma naintrua nui̱ kakantra untsumkatarum. Kame Uunt Yusa Tsawantrí̱ jeatéma asamtai ashí nuṉkanmaya̱ aentska sapijmiainiak kuraṉkarti.

Juir 2:31

Kame Uunt Yusa uunt tsawantri̱ tí tsuumai̱ átatna nu jeatsa̱i̱ṉ etsa̱sha kaji̱niak tee ajastatui tura kashi nántuka numpa ajastatui.

Sup. 1:15

Nu tsawantka kajekma tsawantaiti. Tí waitiakur jata nekaptai̱ tsawantaiti. Charaatum ajatai̱ emesnakma tsawantaiti. Tee ajamu kirit ajamu tsawantaiti. Yuraṉkim utsanar mikintra awajsamu tsawantaiti.

Sak. 14:1

Uunt Yusa tsawantri̱ jeatémayi. Tura atumnia írunna nuna atarar atumsha íimprumni̱ṉ akantúnairartatui.

Mks. 4:1

“Pai, yamaikia ji keak weantúkchamnia ajana imianú tsue̱r tsawant winittiawai. Nui̱sha ashí naṉkamantu enentáimtuma ainia nusha tura yajauchin túruinia nuka tsarútrája̱i̱ métek juákartatui. Tuma asamtai nu tsawantinkia ji keek kaṉkaptiuk tura kanawentuk nú aentska áeskam peṉké juákchartatui” tawai Ashí Akupin Uunt Yus.

Apu. 18:8

Tuma asamtai ti wárik chikichik tsawantai̱ ni wáitsatniuri̱ tarittiawai. Jákatniusha ti wáitsatniusha tura tsukasha tarí ashí jiji̱a̱i̱ ekemánkattawai. Uunt Yus Ashí Tujintkiachua nu kajerkámu asa nuja̱i̱ asutniáttawai” timiai.