Isa. 13:11 - Yus Papí: Shuarja̱i̱ Yus Yamaram Chicham Najanamu

^11-13 Tura ashí nuṉkanmaya̱ aents ní yajauchiri̱ni̱ṉ asutniáttawai. Nuyá̱ Yusa umircha ainia nunasha ní mui̱jmiaintri̱ni̱ṉ asutniáwartatui. Naṉkamantu enentáimtuma ainia nusha péejchach awajnásartatui. Tura tí asutniatniuri̱ji̱a̱i̱ aentska kuriji̱a̱i̱ métek tura áishmaṉsha Upirnumia̱ kuri̱ji̱a̱i̱ métek peṉké ishichik ajasár wáinkiachmin awajnásartatui. Tura Ashí Akupin Uunt Yus tí kajeku asamtai nayaimpisha tura nuṉkasha muchitrar áiniana nuya̱ṉka yajá ekeemprartatui.

Isa. 13:11 Iomraidhean Croise

Juup 40:12

Naṉkamantu enentáimtumainia nu peejcha awajsarta tura Yusan enentáimtichu ainia nusha pujuinia nuiṉ naja̱warta.

Neka. 11:31

Kame esetar wekain ainia nuka yajauchi túrinji̱a̱i̱ Yusan enentáimtichu ainia nuja̱i̱ naṉkaamas ju̱ nuṉkanam akinkiartin áiniawai.

Neka. 8:13

Uunt Yus ashamakum yajauchia nu nakitráttame. Kame waantu enentáimtumastinniasha tura chikichji̱a̱i̱ṉkia naṉkamantuitjiai tu enentáimtumastinniasha núnisaṉ yajauch túratniuncha nuyá̱ yajauch chichastinniasha wikia peṉké nakitiajai.

Isa. 11:4

Antsu ju̱ nuṉkanam kuítri̱ncha ainia nuna nekasa nuja̱i̱ métek súmamtikiawartatui tura wáitiainiana nunasha métekrak waitnentrartatui. Núnisaṉ aya chíchame̱ja̱i̱ṉ numiji̱a̱i̱ awateana tímiatrus nuṉkanka asutiáttawai. Tura Yusan enentáimtichu ainia nunasha aya máyai̱ji̱a̱i̱ṉ umpuí máwartatui. Apu. 1:16; 2:16; 19:15

Isa. 14:21

¡Ni aparí̱ yajauchiri̱ni̱ṉ ni uchirí̱ mantamnawartincha iwiarkatarum! Túracharmaka tsakiṉmakar nuṉkan akinkiar uunt péprun najankar ashí nuṉkanam piákara̱i̱ṉ.”

Isa. 14:5

Tura Yusan enentáimtichu ainia nuna wai̱ri̱ tura akupin ainia nuna akuptai̱ numiri̱ncha Uunt Yuska kupirarai.

Isa. 2:11

Aents waantu enentáimtuma ainia nusha natsanmai̱ ajakártatui tura kajen ainia nusha péejchach ajasártatui. Túrunawarmatai nu tsawantinkia aya Uunt Yusak naṉkamantu awajnástatui.

Isa. 2:12

Kame Ashí Akupin Uunt Yusa tsawantri̱ átatna nu tsawantka wishikkiartin tura waantu enentáimtuma ainia nuna Yus ni kajetáiri̱n tura kakarmari̱ncha iniaktusartatui. Tuma asa natsanmai̱ awajnákartatui.

Isa. 2:17

aentsu páantniuri̱ áiniayat ashí natsanmai̱ awajnákartatui. Tura aentsu naṉkamantu enentáimtairi̱sha péejchach awajnásartatui. Antsu aya Uunt Yusak naṉkamantu awajsamu átatui.

Isa. 22:14

Tura Ashí Akupin Uunt Yus paant antumtikruk chichartak “Átum jaká amuumam ju̱ tunaaka peṉké tsaṉkurnarchattarme” tusa ujatkayi. Kame Ashí Akupin Uunt Yus nuna tíniuiti.

Isa. 29:20

Kame peṉké yajauchiji̱a̱i̱ útsuk takamtikin ainia nuka tura wishikiartincha nuyá̱ ashí yajauchin túrataj tusa naká pujú ainia nuka ashí amukártatui.

Isa. 29:5

Tura ame nemasrumka ti untsurí áiniayataṉ amuuk nuṉká ju̱yu̱mpri̱ya̱ núnikiartatui. Kame peṉké netse ti untsurí áiniayat aya aneachma nase tsuátan umpuí aya emeṉkána nútiknawartatui.

Isa. 65:7

Atumí yajauchiri̱ni̱ṉ tura atumí aparí̱ naint ántar yusan kuṉkuinian áestuawar wishikruiniak yajauchin túrawaru ásarmatai nuna ashí iruran yaunchu ni túrawarua nuja̱i̱ métek ashí asutiátajrume” tawai Uunt Yus.

Tan. 4:34

Tura tsawant naṉkaamarmatai wi Napukutunusúr nayaimpinmaani̱ nakaasan iimiai̱ ataksha aentsua núnis enentáimtikrurmai. Túrutamtai Ashí Naṉkamantu Yusan tuke pujú asamtai shiir awajeakun tura naṉkamantu enentáimtakun yumiṉsamjai. Warí, Ni akupeamuri̱sha peṉké amukashtiniaiti. Tura ukunam aents matsamiartatna nui̱sha tuke átiniaiti.

Awa. 2:4

Ju̱sha nekaata, aents péṉkerchaka niṉki naṉkamantu enentáimtumawai. YKan. 49:18-20 Antsu péṉkera túrinkia Yusan nekas péṉker enentáimta asa iwiaaku pujustatui. Rum. 1:17; Isr. 10:38