Isa. 12:2 - Yus Papí: Shuarja̱i̱ Yus Yamaram Chicham Najanamu

² Wats iistá, winia uwemtikriṉkia Yúsaiti. Aya Nin tuke enentáimta asan peṉké sapijmiakchattajai. Warí winia ikiakátniuka tura kantarka Uunt Yúschakait. Tura winia uwemtikrinkia Níṉkiti” turuttiatrume.

Isa. 12:2 Iomraidhean Croise

2 Sam. 7:24

Kame Ame Winia tuke árat tusam Israer shuarum matsasuitme túram Ámeka Uunt Yusá ni Yusri̱ ajasuitme.

Juup 13:16

Ju̱sha núniskeash uwemtikrurat. Warí Yusan umircha ainia nuka Ni pujamunmaṉka waya̱chminiaiti.

YKan. 112:8

Kakaram enentáimin asa sapijmiachuiti. Tuma asa ni wakeramu ni nemasri̱ji̱a̱i̱ wáinmam nákastatui.

YKan. 118:14

Ayamprutin asamtai wikia Úunt Yusrunak kantampruátniuitjiai. Níyaiti winia uwemtikrana nuka.

YKan. 118:21

Uunt Yusru winia anturtukam uwemtikruru asakmin Ame náarmin shiir awajsattajai.

YKan. 27:1

Uunt Yuska winia tsáapnintruiti tura winia uwemtikriniaiti. Túmanash ¿yanak ashamkataj? Uunt Yuska utúachmin wenuke péṉker iwiarturma asa winia iwiaakmaruiti. Tuma asan wisha ¿yanak ashamkaintiaj?

YKan. 65:6

Ámeka kakaram asam Ame kakarmarmiji̱a̱i̱ naintcha najankam apujram umuchrachmin awajraitme.

YKan. 68:20

Kame ii Uunt Yusri̱ṉkia uwemtikkiartin Yúsaiti. Tuma asa jákatniunmaya̱ uwemtikramniaiti.

YKan. 68:21

Yus ni nemasri̱n waantu enentáimias tunaan túruki̱ wena nú shuarnaka muuknum awatiar nekas nupetkartatui.

YKan. 83:18

Ame náaram Jiuwayaitmena nuna nekarmawarti. Tura aya Amek ashí nuṉkanam Ashí Naṉkamantuitmena nuna nekarmawarti.

Jiin. 15:2

Úunt Yusrun tuke kantampruáttajai. Nisha ayamkartin asa winia uwemtikruruiti. Ju̱i̱ti winia Yúsruka tura tuke shiir wararsattajai. Winia aparu Yusri̱ asamtai wisha núnisnak ni náari̱n tí naṉkamantu awajtústatjai.

Isa. 10:24

Tuma asa Tunaarincha Uunt Yusa nu chichaak “Wi shuar Seúnnum pujatirmin Ejiptunam asutiámamiarumna núnisaṉ ni numiri̱ji̱a̱i̱ asutián awattámainiakuisha Asiriaka ashamkairap.

Isa. 17:10

Warí ámin uwemtikramin Yuska ámeka peṉké kajinmátkiniaitme tura ejamtai̱ram Muchiṉsha ámeka peṉké enentáimtuschaitme. Tuma asam shíirmach araksha araktatrume núnisrumek chíkich nékashtai arakja̱i̱ apatkar jéemtikramusha araktatrume.

Isa. 49:5

Tura Uunt Yuska winia nukurui̱ eṉketai̱n winia takartin atí tusa najatamai. Kame Jakupa shuari̱ Yusai̱ waketkiar Israer shuar Yusai̱ iruntrarti tusa Uunt Yus íimmianum shiir awajnásmajai. Tura winia Yúsruka winia kakarmar ajasuíti.

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Isa. 61:10

Kame wikia Uunt Yusai̱ tí shiir warastatjai tura winia Yusruí̱ tí shiir enentáimsattawai. Warí pushincha Ni áentsturua núnis uwempratniun surusuiti tura nekasa nuja̱i̱ métek túrutai̱ awaṉkémnasha ikiurtusuiti. Nuyá̱ áishmaṉ nuatua núnis akupin etseṉkrutai̱n ikiurtus nuwa̱ nuatnak kuri najankamuja̱i̱ iwiarmamna tímiatrus iwiarmamtikruruiti.

Isa. 65:18

Antsu Wi najankattajna nuja̱i̱ nekaska iniaṉnatsuk ti shiir enentáimsarum warastarum. Warí Jerusaréṉnaka warastinian tura nui̱ matsatainianka ti shiir enentáimsar pujusárat tusan najanattajai.

Isa. 7:14

Tuma asamtai Úunt Yusak aents túrachminian túrattawai. Nuwa̱ natsach ajapruktatui tura uchin takustatui nuna náari̱sha Emanuér anainiaktatui. Mat. 1:23; Ruk. 1:31,34

Jrm. 23:6

Tura Ni akuptiatna nu tsawantinkia Jutanmaya̱ shuarka uwemprartatui. Núnisaṉ Israersha aṉkant sapijmiatsuk matsamsartatui. Túramu ásar ‘Uunt Yus ii nekasa nuja̱i̱ métek túrutai̱’ tu anaikiartatui.”

Jrm. 3:23

Murasha tura naint antukchamnia ajainia nuka anaṉkartin áiniawai. Nekaska Uunt Yus ii Yusri̱i̱n Israer shuar uwempratniuka awai” tawai Uunt Yus.

Tan. 3:28

Nui̱kia Napukutunusúr kaka̱a̱r chichaak “Shatraak, Mishaak, Awitníkiu Yusri̱ nekas naṉkamantu shiir awajsamu atí. Warí, Nin takarin ásar enentáimtuiniam suntari̱n akuptuk uwemtikrarai. Tura akupin umiktin chicham najanamuncha umirkatniun núnisaṉ ántar yusan tikishmátratniuncha ti nakitrar antsu nekas ní Yusri̱niak umirkatniun ti wakeruiniak jinium apenátniuncha tsaṉkamakarai.

Use. 1:7

Antsu Jutanmaya̱ shuarnaka waitnentraran tíshimkiuja̱i̱nchu ántsaṉ puya̱ja̱i̱nchu tura kawaiji̱a̱i̱nchu nu arantcha mesetchaja̱i̱ antsu Ni Uunt Yusri̱ kakarmari̱ji̱a̱i̱ uwemtikrartatjai” tímiayi.

Juir 2:23

Yamaikia atumí Uunt Yusri̱ yaunchu yútumtikniuya núnis emka yutuktinniasha núnisaṉ ukunam yutuktinniasha atsumamuja̱i̱ métek yútumtikiattawai. Tuma asamtai Seuna uchirí̱tirmesha atumí Uunt Yusri̱i̱ṉᵏⁱ wararsatarum.

Jns. 2:9

Antsu wikia winia péṉker chichampruja̱i̱ taṉkun maancha tuke ame náarmin shiir awajtústatjame. Auka nekas túrattajai timiaj núnaka umiktatjai. Uunt Yusru, aya Ameketme uwemtikkiartinmeka” tu seamiayi Junas.

Awa. 3:18

nu tuma ai̱ṉ wikia winia Uunt Yusur uwemtikruru asamtai ti wararsattajai.

Rum. 1:16

Nu uwempratin chicham Yusa kakarmari̱ji̱a̱i̱ ti kakaram asa ashí shuaran Krístun nekas enentáimtuinia nuna uwemtikramniaiti. Tuma asamtai natsantatsjai. Nekas Israer shuarnasha tura chíkich shuarnasha núnisaṉ uwemtikramniaiti.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

Apu. 7:10

Ashí kakantar untsumainiak tiarmai “Ii Yusri̱ úunt akupin pujutai̱nium eketna au tura Muriksha imia Niṉki Uwemtikin áiniawai” tiarmai.

1 Sam. 2:1

Kame Ánaka Yusan seak “Winia enentái̱rka Úunt Yusai̱ni̱ṉ waraawai. Warí Amiya̱ṉka chíkichkia atsawai. Uunt Yuska ajakrasha iwiaaku awajniuiti. Tura Niṉkia kuítrincha awajsasha ataksha kuítrintin awajniuiti. Nin enentáimtin ainia nuna wekaamuri̱nkia péṉker wainiui tura Yusan umircha ainia nuka kiritniunam amuukartatui. Túrunawar ní kakarmari̱ji̱a̱i̱ṉ nupetmakchamnia ártatui” tu seamiayi. Irkanaka je̱e̱n waketkimiayi tura úchikia Yúsnan pujurin Irí pujamunam Uunt Yusan takarniuyayi.